Makinat kineze fokusohen në Europë - Shumë modele bazuar në energji dhe teknologjinë e lartë po ndryshojnë historinë
Më parë shiheshin me dyshim. Të tilla ishin makinat kineze të disa viteve më parë, kur para Covid-it filluan të shfaqen në sallonet dhe ekspozitat e mëdha ndërkombëtare ku dominonin prodhuesit gjermanë. Ato ishin të shëmtuara, kopje shpesh të dështuara të modeleve të suksesshme, teknologjikisht jo interesante dhe me rezultate të dobëta në testin e përplasjes.
Revolucioni i makinës elektrike, që ka thjeshtuar shumë gjërat, edhe në nivel konkurrues, ka bërë që industria e automobilave të zgjohet në një botë të ndryshme: ku një numër në rritje markash kineze ofrojnë makina të afta për të barazuar dhe shpeshherë tejkaluar, ato të markave tradicionale të njohura. Një “pushtim” i vërtetë, megjithatë, shumë kaotik, i markave të reja dhe modeleve të panjohura.
Sipas ekspertëve perëndimore, prodhuesit kinezë vazhdojnë të investojnë masivisht në dizajn. Disa grupe kanë pasur aktivitete të stilit, kërkimit dhe zhvillimit në Europë për disa kohë, si Changan dhe JAC Automotive me qendrat e tyre të stilit në Torino, ose Geely në Gotoborg të Suedisë, ku së fundmi ka inauguruar një qendër kushtuar markave Lynk&Co dhe Zeekr. Tani misioni është krijimi i makinave më tërheqëse edhe për klientët nga kontinenti i vjetër, shijet dhe tendencat e të cilëve monitorohen. Për këtë arsye, dy grupe kineze, GAC dhe Geely, kanë hapur së fundmi qendrat e tyre të avancuara të dizajnit në Milano.
Megjithatë, ekziston një element kyç industrial në këtë revolucion automobilistik. Për momentin vëllimet e shitjeve të makinave kineze në Europë janë të kufizuara, por tashmë tani, Kina është bërë eksportuesi i parë global, përpara Japonisë. Vëllimet në Europë, do të arrijnë pak më shumë se 1% në vitin 2026. Por ato janë të destinuara të rriten. Dhe ndërsa vëllimet rriten, në atë moment nuk do të mjaftojë më për të mbushur megaanije dhe për të dërguar makina në Europë. Do të nevojitet një hap strukturor, prodhimi në Europë, pasi transporti i makinave kushton.
Sipas analistëve të sektorit, Portugalia, Spanja dhe padyshim Europa Lindore janë vendet më tërheqëse për ngritjen e fabrikave kineze.
Dorian Koça/SCAN
Sondazh
Perspektiva të mira për udhëtimet turistike - Pavarësisht motit ekstrem në Europë, vlerësimet janë të larta
Aksionet e shoqërive europiane të udhëtimit u tkurrën për shkak të motit ekstrem në korrik, por shumë investitorë mendojnë se kërkesa solide do të vazhdojë të......
Inflacioni i lartë, italianët ulin shpenzimet - Sondazhi, 5 në 10 qytetarë detyrohen të reduktojnë konsumin e energjisë elektrike
Ndërsa inflacioni vijon të regjistrohet në nivele ende të larta pothuajse 6 në 10 italianë pritet të ulin shpenzimet për blerje, 53% konsumin e energjisë......
“Gjeneva do të ketë klimë mesdhetare” - Ekspertët kërkojnë ndërtimin e shtëpive të bardha dhe mbjelljen e ullinjve
Me ndryshimet klimatike, deri në vitin 2090, Gjeneva do të ketë klimë mesdhetare. Kështu deklaroi një zyrtar zviceran i partisë së të Gjelbërve, sipas të cilit......
Shumë vapë për pushime? Si Europa po rivlerëson industrinë e saj të turizmit!
Industria e turizmit, e cila jep një kontribut të rëndësishëm në produktin e brendshëm bruto të Europës, mund të ekspozohet ndaj ngarkesave të konsiderueshme......
Shtohen problemet ekonomike në Kinë – ‘Do duhej një mrekulli për të arritur rritjen e planifikuar’!
Pandemia ka "mbaruar” edhe në Kinë, por ajo vijon të jetë shumë larg normës së planifikuar të rritjes ekonomike. Ndërsa rritja ekonomike në tremujorin e parë......
Recesioni i madh i Rolex - Si Fed ndaloi bumin e orëve luksoze
Që nga fundi i vitit 2022, Wall Street ka qenë i mbushur me parashikime për rritjen e normave të interesit të Rezervës Federale për të shkaktuar kërdi në......
Java nis në të ‘kuqe’ – Regjistrohet sërish rënie për valutat kryesore!
Dollari amerikan ka regjistruar sërish rënie pas një rikuperimi të ndjeshëm që shënoi javën e kaluar teksa është blerë mëngjesin e sotëm me 92.6 lekë dhe është......
Zjarret në Europë u frenuan, por Greqia jep alarmin për kërcënimin e klimës!
Një rënie e temperaturave dhe erërat më të qeta ndihmuan zjarrfikësit të merren me flakët në Greqi dhe të gjitha zjarret e mëdha u frenuan deri në mesditë të......
