Transporti publik, Shoqata: Nesër në Tiranë reduktohet me 40% numri i autobusëve
Pas thirrjeve të vazhdueshme për subvencione për të përballuar rritjen e çmimeve të karburantit, të cilat nuk morën përgjigje nga institucionet, shoqatat e transportit publik kanë vendosur të ndërmarrin masa drastike. Duke filluar nga 15 prilli, ato do të reduktojnë me 40% numrin e autobusëve në Tiranë dhe flotën e mjeteve në rrethe, përfshirë autobusët dhe furgonat.
Shoqatat deklarojnë se, pavarësisht kërkesave të përsëritura dhe një takimi me institucionet më 1 prill 2026, nuk është marrë asnjë masë konkrete mbështetëse. Sipas tyre, mungon një skemë kompensimi për rritjen e çmimit të karburantit, nuk ka plan veprimi për lehtësimin e barrës financiare, nuk është dhënë asnjë afat për ndërhyrje dhe nuk ka nisur rishikimi i elementeve fiskale si akciza, TVSH-ja apo taksa e qarkullimit.
Kjo situatë ka përkeqësuar ndjeshëm gjendjen financiare të operatorëve, duke i detyruar ata të ulin mer 40% shërbimin si një masë emergjente për të përballuar kostot.
“Shoqata Kombëtare e Transportit Qytetas dhe Shoqata e Transportit Urban dhe Interurban informojnë qytetarët se, pavarësisht problematikës së ngritur prej javësh dhe takimit të zhvilluar më datë 01.04.2026 me institucionet përgjegjëse, deri në këtë moment nuk është marrë asnjë masë konkrete mbështetëse për sektorin e transportit publik. Kështu konstatojmë se:
a) Nuk është miratuar asnjë skemë kompensimi për rritjen e çmimit të karburantit, pavarësisht kërkesës së përsëritur të operatorëve;
b) Nuk ka një vendim zyrtar apo plan veprimi për lehtësimin e barrës financiare të sektorit;
c) Nuk është dhënë asnjë afat konkret për ndërhyrje nga institucionet përgjegjëse;
d) Nuk ka nisur asnjë proces për rishikimin e elementeve fiskale që ndikojnë drejtpërdrejt në kostot operative (akcizë, taksë qarkullimi, TVSH).
Kjo mungesë reagimi dhe veprimi konkret ka përkeqësuar ndjeshëm situatën financiare të operatorëve, të cilët ndodhen tashmë në kushte tejet të vështira për të përballuar vazhdimin e aktivitetit.
Për pasojë, ju bëjmë me dije se, duke filluar nga nesër do të reduktojmë numrin e mjeteve në qarkullim duke e ulur me 40% flotën në shërbimin e transportit publik, si një masë e detyruar për përballimin e kësaj situate emergjente.
U bëjmë thirrje qytetarëve për mirëkuptim dhe të parashikojnë kohën e udhëtimit , duke theksuar se kjo situatë nuk vjen si rezultat i vullnetit të operatorëve, por si pasojë direkte e mungesës së ndërhyrjes institucionale në kohë.
Shoqatat mbeten të hapura për dialog dhe bashkëpunim, por theksojnë nevojën për ndërhyrje të menjëhershme dhe efektive”, thuhet në njoftim.
Nafta shkon në 215 lekë/litër - Bordi i Transparencës publikon çmimet e reja të karburanteve
Bordi i Transparencës ka vendosur çmimet e reja të karburanteve në mbledhjen e zhvilluar më 14 prill 2026, duke reflektuar ndryshimet në tregjet......
Qeveria “shkarkon” detyrimet e prapambetura - Përgjysmohet stoku, viti mbyllet me 58 milionë euro borxhe
Detyrimet e prapambetura ndaj bizneseve dhe qytetarëve rezultojnë të jenë ulur ndjeshëm. Referuar të dhënave zyrtare të Ministrisë së Financave, stoku i......
Qiratë në Shqipëri, pritet të rritet kërkesa gjatë 2026-ës/ Zonat më të kërkuara në Tiranë shënojnë presion të lartë për shkak të fitimeve
Një studim i publikuar nga Investropa tregon se që nga fillimi i vitit 2026, tregu i qirave në Shqipëri po përjeton një rritje të fortë të kërkesës, ndërsa......
Ku mund të investojë diaspora? - Ibrahimaj: Inovacioni, energjia dhe turizmi, sektorët kyç të ekonomisë
Energjia, turizmi dhe inovacioni janë vetëm disa nga sektorët kyçë ku diaspora mund të investojë. Në panelin “Diaspora, partnere në biznes dhe inovacion”,......
Gjoba deri 10 milionë euro për pastrimin e parave - Drafti/ Nga bankat, zyrat e këmbimit valutor dhe agjencitë imobiliare. kush preket
Institucionet financiare dhe jo financiare, zyrat e këmbimit valutor, noterët, ndërmjetësit e pasurive të paluajtshme dhe profesionistët e tjerë ligjorë të......
Rama: “Diaspora është një histori e shumëfishimit të forcave të kombit shqiptar dhe vlerës së shtuar të Shqipërisë”
Fjala e Kryeministrit Edi Rama në Samitin e IV të Diasporës Të nderuara dhe të nderuar, zonja dhe zotërinj, Të dashur vëllezër dhe motra të diasporës......
Sa “peshë” ka diaspora shqiptare? Pa remitancat, niveli i varfërisë do të ishte rreth 30 pikë përqindje më i lartë
Diaspora shqiptare vijon të mbetet një mbështetje kyçe për ekonominë e vendit, jo vetëm përmes lidhjes demografike me Shqipërinë, por sidomos përmes parave......
Në tre vjet, mesatarisht 84 shqiptarë në ditë fituan shtetësinë italiane/ Përgjatë 2021-2023, mbi 92 mijë shqiptarë u bënë qytetarë italianë
Diaspora shqiptare nuk matet vetëm me numrin e lartë të shtetasve që jetojnë jashtë vendit, por edhe me ritmin e integrimit të saj në shtetet pritëse. Të......
