Sa “peshë” ka diaspora shqiptare? Pa remitancat, niveli i varfërisë do të ishte rreth 30 pikë përqindje më i lartë
Diaspora shqiptare vijon të mbetet një mbështetje kyçe për ekonominë e vendit, jo vetëm përmes lidhjes demografike me Shqipërinë, por sidomos përmes parave që dërgon te familjet. Të dhënat tregojnë se remitancat kanë një peshë të ndjeshme në ekonomi, ndikojnë drejtpërdrejt në uljen e varfërisë dhe mbajnë në këmbë konsumin e mijëra familjeve, edhe pse ende po përdoren shumë pak për investime dhe zhvillim afatgjatë.
Sipas të dhënave nga “Banka e Shqipërisë” dhe INSTAT, remitancat kanë qenë afër 4.5% të Prodhimit të Brendshëm Bruto në vitin 2025 dhe kanë përbërë 18% të të ardhurave familjare në vitin 2022 sipas “Bankës Botërore”. Për një në katër familje përfituese, ato kanë qenë burimi i vetëm i të ardhurave. I njëjti raport thekson se, në mungesë të remitancave, niveli i varfërisë do të ishte rreth 30 pikë përqindje më i lartë.
Këto të dhëna e vendosin diasporën në një rol që shkon përtej ndihmës familjare. Ajo funksionon si një amortizator real social dhe ekonomik, duke zbutur goditjet financiare për shumë familje dhe duke mbajtur gjallë konsumin në vend.
Një panoramë më konkrete e këtij ndikimi jepet nga Anketa e Migracionit 2024. Sipas saj, rreth gjysma e familjeve me emigrantë kanë marrë remitanca gjatë 12 muajve para anketës. Për këto familje, paratë e ardhura nga jashtë kanë përbërë mesatarisht 41% të të ardhurave totale.
Megjithatë, përdorimi i këtyre parave mbetet i përqendruar kryesisht te nevojat bazë. Rreth 90% e familjeve i përdorin remitancat për ushqim dhe shpenzime të përditshme, 36% për shpenzime mjekësore dhe 30% për arsim. Në të kundërt, më pak se 2% e tyre shkojnë për zgjerim biznesi apo investime prodhuese.
Kjo tregon se remitancat po luajnë një rol vendimtar në mbajtjen e konsumit dhe të një niveli minimal mirëqenieje, por ende nuk po kthehen në një instrument të fortë zhvillimi ekonomik.
Në tre vjet, mesatarisht 84 shqiptarë në ditë fituan shtetësinë italiane/ Përgjatë 2021-2023, mbi 92 mijë shqiptarë u bënë qytetarë italianë
Diaspora shqiptare nuk matet vetëm me numrin e lartë të shtetasve që jetojnë jashtë vendit, por edhe me ritmin e integrimit të saj në shtetet pritëse. Të......
Shqipëria po kthehet në “parajsë” për pensionistët/ Pse të huajt po zgjedhin të jetojnë në Shqipëri?
Shqipëria po shndërrohet me ritme të shpejta në një nga destinacionet më tërheqëse për daljen në pension në Evropë. Me klimën e ngrohtë mesdhetare, bregdetin......
“Shqipëria, kantier transformimesh” - Samiti i Diasporës, Rama: Bëhuni pjesë e projektit të madh kombëtar
Nga Samiti i katërt i Diasporës Shqiptare, Kryeministri Edi Rama u ka bërë ftesë të gjithë emigrantëve shqiptarë kudo që të jetojnë që të bëhet pjesë e......
Çfarë do të thotë për ekonominë mbyllja e Hormuzit? - Sipas analistëve, pritet rritje e mëtejshme e çmimeve globale
Analistët parashikojnë se nëse Ngushtica e Hormuzit, një arterie jetësore tregtare globale, mbetet praktikisht e mbyllur për transportin detar vetëm për një......
Të ardhurat e Rusisë nga eksporti i naftës u rritën - Përfitoi rreth 19 miliardë dollarë vetëm në muajin mars
Të ardhurat e Rusisë nga nafta bruto dhe produktet e rafinuara u rritën në mars, duke u rikuperuar nga shkurti kur ato ranë në nivelin e tyre më të ulët që......
“Sot, në kohë zhvillimi, ju duam partnerë” - Ministri Hoxha: Vizioni i përbashkët të kthehet në bashkëveprim
Fjala e plotë e Ministrit për Evropën dhe Punët e Jashtme, Ferit Hoxha, në Samitin e Diasporës Sot nuk mblidhemi thjesht për një takim të radhës. Si çdo......
Tregu i sigurimeve konsolidon pozicionin financiar - Sipas AMF, “Jo-Jeta” mbetet kontribuesi kryesor në rezultat
Gjatë vitit 2025, tregu i sigurimeve ka konsoliduar më tej pozicionin e tij financiar, duke reflektuar një përmirësim të ndjeshëm të performancës krahasuar......
Rënie drastike për Dollarin amerikan – Forcohen Franga dhe Paundi
Dollari amerikan ka regjistruar një rënie drastike të vlerës këtë mëngjes në raport me ditën që lamë pas duke humbur gati 1 pikë teksa është blerë sot me......
