Ku po “ikën” leku? Depozitat në rënie për të dytin muaj me radhë, "digjen" 230 mln euro. Tkurret edhe paraja në qarkullim
Depozitat në paranë e gjerë kanë rënë për të dytin muaj me radhë gjatë marsit, sinjalizojnë shifrat më të fundit nga Banka e Shqipërisë të analizuara nga “Scan Intel”, duke zbritur pranë 1.27 trilionë lekëve, nga 1.28 trilionë lekë që ishin gjatë muajit shkurt të këtij viti. Rënia fiksohet në 0.9%, nga 1.2% që ishte tkurrja gjatë shkurtit. Në vlerë kjo tkurrje e depozitave në paranë e gjerë fiksohet pranë 11.2 miliardë lekëve, që përkthehen në 100 milionë euro. Në shkurt “digjeshin” 132 milionë euro depozita, çka tregon se në dy muaj janë akumuluar mbi 230 milionë euro humbje. Rënia e depozitave për dy muaj me radhë ndodh për të parën herë pas një viti, pasi ekzaktësisht në shkurt-mars të vitit të kaluar, depozitat në paranë e gjerë tkurreshin dy muaj me radhë, paçka se në nivele ndjeshëm më të ulta se këtë vit. Me rënien e marsit, depozitat kanë prekur nivelin e nëntorit të vitit të kaluar, kur fiksoheshin pranë 1.27 trilionë lekëve, duke “djegur” kështu 4 muaj.
Shifrat tregojnë se rënia e depozitave bankare në mars është e përhapur si në lekë ashtu edhe në valutë, paçka se është ndjeshëm më e theksuar në këtë të fundit. Shifrat tregojnë se depozitat në paranë e gjerë në lekë kanë zbritur pranë 549 miliardë lekëve, nga 550 miliardë që ishin në muajin shkurt, në rënie me vetëm 0.2% në terma mujorë. Nga ana tjetër, depozitat në valutë kanë zbritur pranë 719 miliardë lekëve, nga 729 miliardë lekë që ishin gjatë muajit pararendës, duke u tkurrur me plot 1.4%, sinjalizojnë të dhënat e Bankës së Shqipërisë. Kjo rënie e ndjeshme e depozitave në valutë duket të jetë edhe efekt i luhatjes së ndjeshme të kursit të këmbimit apo i efektit të konvertimit të vlerave në lekë për çështje statistikash.
Por, ndërkohë që kanë rënë depozitat, duket se ka rënë edhe paraja në tërësi, pasi të gjithë agregatët monetarë kanë pësuar rënie gjatë marsit, si paraja e ngushtë, që përfshin paranë me likuiditet të lartë, ashtu edhe paraja që qarkullon jashtë sistemit, por edhe paraja e gjerë. Pra, shumica e indikatorëve sinjalizojnë qartë se ka më pak para në qarkullim në Shqipëri, dhe sidomos më pak lekë, çka duket se ka nxitur edhe zhvlerësimin e ndjeshëm të monedhës vendase përballë monedhave kryesore, si euro dhe dollari amerikan.
Sondazh
Qeverisja e mirë, Shqipëria, e 51-ta në botë/ Renditemi pozitivisht sa i përket institucioneve, por "çalojmë" në politikat dhe ligjet e qendrueshme
Shqipëria renditet në vend të 51 në “Indeksin e Qeverisjes së Mirë” për vitin 2023 (Chandler Good Government Index). Ky indeks është publikuar nga "Instituti i......
Shqipëria po i shfrytëzon gjithmonë e më pak burimet natyrore/ Bie prodhimi vendas, rritet varësia nga importet
Shqipëria ka vijuar edhë në vitin 2021 të thellojë varësinë nga importi i produkteve të tokës dhe nëntokës, të cilësuara si produkte mjedisore dhe që......
Turizmi vijon me rekorde edhe në mars/ Tejkalohen 7 vitet e fundit, rreth 1 milion të huaj në Shqipëri gjatë tremujorit të parë të vitit
Janë regjistruar gjithsej rreth 847 mijë hyrje në territorin e Shqipërisë gjatë mujait mars të këtij viti, nga të cilat rreth 384 mijë janë shtetas të huaj,......
Vetëm 15 gra në garën e 14 majit/ Partia Socialiste përfaqëson 53% të tyre, PD dhe `Bashkë Fitojmë` me nga 3 kandidatura
Veç moshës së kandidatëve për Kryetar Bashkie në zgjedhjet lokale të 14 majit në vendin tonë, “Scan Intel” ka analizuar këtë listë edhe sa i përket......
Logjistika tregtare, Shqipëria e 97-ta në botë/ Banka Botërore: Vlerësohemi me 2.5 pikë nga 5 në total, pozicionohemi më keq se vendet e rajonit
Shqipëria renditet në vend të 97-të mes 139 vendeve të botës në raportin e Bankës Botërore me titull “Logjistika Tregtare në Ekonominë Globale, 2023” dhe......
Familjet shpenzuan €2 mld më shumë vjet/ €13.6 mld konsumi i familjeve, por, ekonomia uli varësinë nga familjet
Eurostat ka përditësuar shifrat e konsumit final të familjeve në ekonominë e vendeve të europës, përfshirë Shqipërinë. Shifrat më të fundit i referohen kështu......
Garuesit e 14 majit, mosha mesatare në 49 vjeç/ PD, subjekti më i “plakur”, ndiqet nga “Bashkë Fitojmë”. PS, subjekti me kandidatët më të rinj, 47.6 vjeç
“Scan Intel” ka analizuar listën zyrtare të Komisionit Qendror të Zgjedhjeve sa i përket kandidatëve për kryetar bashkie në garën e datës 14 maj, për të......
Inflacioni sipas Eurostat zbret në 5.5%/ Çmimet në mars u rritën më pak se në rajon e Europë, por ushqimet vijojnë me rritje dyshifrore
Instituti i Statistikave ka publikuar Indeksin e Harmonizuar të Çmimeve të Konsumit për muajin mars të vitit 2023, që mat rritjen e çmimeve sipas metodës së......
