Katër banka firmosin garancinë sovrane - Zekja: 70% e fasonëve, gati të kapërcejnë në industri mode. Jo të gjithë do ja dalin
Qe nga miratimi i garancisë sovrane prej 4 miliardë lekësh për sektorin e prodhimit të veshjeve dhe këpucëve, deri më tani 4 banka kanë firmosur kontratën dhe janë të gatshme të mbështesin me kreditim kompanitë me qëllim transformimin e tyre nga fasonë në cikël të plotë prodhimi.
“Garancia sovrane është mekanizmi kryesor që do na shërbejë për transformimin. Deri tani kanë firmosur 4 banka tregtare dhe janë hapur aplikimet për subjektet. Do shihet sa biznesi do të jetë i gatshëm që të përthithë këtë garanci sovrane”
Sipas tij, nga një pyetësor që u është dërguar bizneseve që operojnë në këtë fushë, 70% e tyre janë të gatshëm të ndërmarrin iniciativën e transformimit.
“Me informacionin që kemi na rezulton se 70 % e bizneseve janë të gatshme të bëjnë këtë transformim, por gjithsesi duhet parë çdo gjë në kompleks sepse këtu kanë influencë kushtet e jashtme dhe të brendshme. Ne jemi koshientë që klima në sektorin e modës nuk është ajo më e favorshmja, por do shikojmë ditë pas dite si do jetë vazhdimësia e këtij transformimi”.
Nga ana tjetër, zhvlerësimi i vazhdueshëm i Euros vijon të rëndojë sektorin duke u konsideruar si gangrenë dhe duke i bërë të vetëdijshëm se jo të gjithë do t’ia dalin paq nga kjo situatë.
“Kursi i këmbimit është gangrena dhe problematika më e madhe që ka biznesi. Çdo ditë që zhvlerësohet euro e bën më të vështirë këtë transformim. Ne jemi të qartë që në fund të këtij cikli jo të gjitha bizneset do të mbijetojnë. E dimë që nga 740 manifaktura që janë për momentin, në fund të këtij transformimi nuk do të jenë të gjitha, por ato që do të mbijetojnë do të jenë biznese solide, konkurrente, si në rajon dhe me gjerë”.
Garancia sovrane prej 4 miliardë lekësh mbulon deri në masën 70% marrjen e kredive nga sistemi bankar, me një marzh jo më shumë se 1.5% mbi normën bazë. Ndërsa afati i shlyerjes parashikohet deri në 7 vite dhe 3 vite për kreditë që merren për blerjen e lëndës së parë. Bizneset kanë afat për të aplikuar deri në fund të muajit Tetor.
Elisabeta Dosku/ SCAN
Sondazh
Turqia gjobit “Meta” me 37.2 milionë dollarë - Sipas autoriteteve, shkak është ndarja e të dhënave!
Bordi i konkurrencës i Turqisë gjobiti Meta Platforms, me 1.2 miliardë lira (37.20 milionë dollarë) të mërkurën pasi përfundoi dy hetime të veçanta mbi ndarjen......
Fabrika më e madhe në botë për thithjen e CO2 - Ndodhet në Islandë. Mund të “kapë” 36,000 ton në vit
Kompania Climeworks ka hapur uzinën më të madhe operacionale në botë për të thithur dioksidin e karbonit nga atmosfera, me fabrikën e saj Mammoth në Islandë......
Plakja e popullsisë, një sfidë për Europën - Rritje e madhe në numër e europianëve mbi 65 vjeç deri në vitin 2100
Europianët po plaken dhe kjo do të sjellë një ndryshim të rëndësishëm në përbërjen dhe nevojat përkatëse të shoqërive të tyre, si dhe implikime serioze për......
Shufra ari në markete dhe makineta: Cili shtet ka nisur shitjen e floririt si të ishte një pije freskuese?
Përveç ramenit dhe salsiçeve, dyqanet e Koresë së Jugut kanë një artikull të ri popullor në menu: shufra ari. Zinxhiri më i madh i dyqaneve në vend, CU, ka......
FTX do të shlyej shumicën e detyrimeve kreditorëve të saj, gati 2 vjet pas kolapsit!
FTX thotë se pothuajse të gjithë klientët e saj do të marrin paratë e tyre mbrapsht, dy vjet pas kolapsit të saj spektakolar, dhe disa do të marrin më shumë se......
Më pak kërkesë për metalet e çmuara - Tregu i platinit përballet me mungesën më të madhe të ofertës në 10 vite
Tregu i platinit po përballet me mungesën më të madhe të ofertës në 10 vitet e fundit, pasi dërgesat nga Rusia po kthehen në normalitet dhe kërkesa industriale......
Maqedonia e Veriut “kthen faqe” - Fitojnë opozitarët e VMRO-DPMNE. Pritet qeveria me koalicionin VLEN
Opozita e të djathtë në Maqedoninë e Veriut fitoi shumicën në zgjedhjet parlamentare dhe presidenciale të mërkurën, në një natë kur vendi ballkanik zgjodhi......
Sa këmbehen sot valutat kryesore?
Dollari amerikan blihet sot me 93.3 lekë dhe shitet me 94.3 lekë. Euro është blerë sot me 100.3 lekë dhe është shitur me 101.3 lekë. Franga zvicerane......
