Investimet e Huaja “rendin” pas pasurive të paluajtshme - Rritje rekord e fluksit, sektori më tërheqës në Shqipëri
Sektori i pasurive të paluajtshme është më tërheqësi në optikën e investitorëve, pasi po njeh një rritje të “frikshme” të investimeve. Të dhënat zyrtare të publikuara nga Banka e Shqipërisë, tregojnë se nga totali prej rreth 1.5 miliardë euro i fluksit të Investimeve të Huaja Direkte gjatë 2023-shit në Shqipëri, afro 21.7 për qind e zënë aktivitetet e pasurive të paluajtshme.
Thënë ndryshe, vitin që lamë pas ky sektor zë vendin e parë për nga përqendrimi i investimeve të huaja direkte në raport me sektorët e tjerë të ekonomisë, duke u regjistruar në një vlerë prej 325 milionë eurosh. Nëse do të krahasojmë me vitin 2022, rritja e fluksit të investimeve në aktivitete të pasurive të paluajtshme fiksohet në 34 milionë euro.
Në vendin e dytë për nga fluksi i investimeve të huaja direkte, renditet industria nxjerrëse, me një shifër prej 270 milionë eurosh në 2023-shin, duke regjistruar një rritje modeste në raport me një vit më parë.
Aktivitetet financiare dhe të sigurimit vijojnë renditjen me një fluks investimesh në nivelin e 239 milionë eurove, me një rritje prej afro 48 për qind kahasimisht me një vit më parë.
Po ashtu një fluks të konsiderueshëm të përqendrimit të Investimeve të Huaja Direkte kanë edhe sektorët e energjisë elektrike, gazit, dhe furnizimit me ujë me 159 milionë euro por me një rënie prej 16 milionë eurosh në krahasim me një vit më parë; Tregtia me shumicë dhe me pakicë; riparimi i automjeteve dhe motorcikletave 125 milionë euro ; Industria përpunuese me afro 124 milionë euro, edhe pse shënon një renie prej 22 milionë eurosh nga 2022,-shi dhe shërbime administrative dhe mbështetëse 55 milionë euro. Ndërsa ka sektorë që duket se nuk kanë interes në këtë drejtim, siç është bujqësia; Arte, argëtim dhe çlodhje; shëndeti dhe aktivitete të punës sociale.
Elisabeta Dosku/ SCAN
Sondazh
Gjysma e europianëve nuk e miratojnë politikën e emigracionit të BE-së!
Ky është një nga rezultatet tërheqëse nga një sondazh i kryer nga Ipsos midis pothuajse 26,000 të anketuarve në 18 shtete anëtare përpara zgjedhjeve për......
Ku është strehimi më i kushtueshëm në Europë dhe kush është i gatshëm të paguajë?
Finlandezët shpenzojnë më shumë për strehim, të ndjekur nga afër nga britanikët, sipas Resolution Foundation. Studimi britanik zbuloi se njerëzit në Finlandë......
Dobësohen ndjeshëm valutat kryesore!
Monedha europiane është dobësuar sërish këtë mëngjes duke u blerë sot me 102.6 lekë dhe duke u shitur me 103.3 lekë krahasuar me ditën e djeshme. Sipas......
Kina akuzohet për sulme kibernetike - SHBA, Britani: Miliona qytetarë, të sulmuar nga hakerat e mbrojtur nga Pekini
Një fushatë e gjerë spiunazhi informatik e kryer nga një grup i sponsorizuar nga shteti kinez, që ka sulmuar miliona persona, si politikanë, akademikë,......
Të dalësh në pension, tashmë një luks - Një privilegj për shumë pak njerëz dhe elitën në SHBA
Dalja në pension në SHBA po bëhet një luks i rezervuar vetëm për shumë të pasurit. Kjo theksohet në një raport të Business Insider, duke theksuar se gjithnjë e......
Kinezët urrejnë miliarderët! - Njeriu më i pasur i vendit përballet me bojkot kombëtar
Zhong Shanshan, njeriu më i pasur i Kinës, po përballet me një valë sulmesh nacionaliste duke e akuzuar atë për mungesë patriotizmi në një fushatë që ka......
Vezët e Pashkëve, shumë më të shtrenjta këtë vit - Mungesa e kakaos, shkaktuar nga vala e të nxehtit. Çmimi arrin 8500 dollarë/ton
Mund të keni vënë re se vezët me çokollatë të Pashkëve janë më të shtrenjta këtë vit. Por a e dini se ndryshimi i klimës është një nga arsyet? Pjesa më e madhe......
Varfëria në Itali shënon një nivel të ri rekord - Pavarësisht rimëkëmbjes ekonomike, rritet numri i të varfërve
Numri i njerëzve që jetojnë në varfëri në Itali u rrit në vitin 2023 në nivelin e tij më të lartë në rreth një dekadë, pavarësisht një rikthimi ekonomik që nga......
