Inflacioni zbret në 2.4%, - Ushqimet u shtrenjtuan me 4.1%, falë “bukës”, “frutave”, “vajrave” dhe “ëmbëlsirave”
Inflacioni është ngadalësuar lehtë gjatë tetorit të këtij viti, krahasuar me një muaj më parë. Kështu, norma e inflacionit gjatë tetorit fiksohet në 2.4%, nga 2.5% që ishte gjatë muajit paraardhës, duke qetësuar disi situatën në lidhje me alarmin e rritjes së çmimeve. Sipas të dhënave zyrtare nga instituti i statistikave në lidhje me indeksin e çmimeve të konsumit, krahasuar me shtatorin, çmimet rezultojnë të jenë vetëm 0.1% më të larta. Sa i përket ndikimit në normën e inflacionit sipas grupeve kryesore, sërish “ushqimet dhe pijet joalkoolike” janë në vend të parë, duke dhënë një kontribut prej 1.33 pikë përqindje. Transporti ka ndikuar me 0.36 pikë përqindje, dhe “qira, ujë, lëndë djegëse, energji” me 0.24 pikë përqindje. Vetëm grupi “mallra dhe shërbime të ndryshme” ka dhënë një kontribut negativ në normën e inflacionit gjatë tetorit, me -0.03 pikë përqindje.
Nga ana tjetër, sa i përket ndryshimit të çmimeve gjatë tetorit të këtij viti, krahasuar me tetorin e një viti më parë, sipas grupeve kryesore, vëmë re se “transporti” është në vend të parë në terma rritje, me 6.8%. Ndjekin “ushqimet dhe pijet joalkoolike” me 3.9% dhe në vend të tretë gjejmë “komunikimin”, me 3.2% rritje vjetore të çmimeve. “Shërbimi arsimor”, “shëndeti” dhe “mobilje, pajisje shtëpie” janë grupet që regjistrojnë rritjen më të vogël vjetore të çmimeve, me më pak se 1% shtrenjtim, sinjalizojnë shifrat zyrtare nga Instituti i Statistikave.
“Scan Intelligence Unit” ka zbërthyer ecurinë e çmimeve për kategorinë e ushqimeve, për të kuptuar se si janë rritur çmimet vetëm për këtë kategori, edhe sipas produkteve kryesore. Kështu, shifrat tregojnë se ushqimet në tetor të këtij viti kanë qenë 4.1% më të shtrenjta se tetori i vitit të kaluar. Rritjen më të madhe e regjistrojnë vajrat, me 7.7%. Më pas ndjekin frutat, 6.9% më të “kripura”, si dhe buka, 5.8% më e shtrenjtë se e njëjta periudhë e një viti më parë. Edhe “sheqeri dhe ëmbëlsirat” rezultojnë të “kriposura”, me 4.7%, ndërkohë që perimet rezultojnë 3.6% më shtrenjtë.
Sa i përket grupeve të tjera, nuk vihen re luhatje të mëdha në çmime krahasuar me vitin e kaluar.
Sondazh
Cilat bashki shpallin më shumë tendera? Korça në vend të parë, me mbi 6 tendera mesatarisht në ditë
"Scan Intelligence Unit" ka analizuar 61 bashkitë e vendit bazuar në aktivitetin e tyre tenderues, sipas të dhënave të OpenProcurement.al, portali i Institutit......
Sa ka shpenzuar Shqipëria në Afganistan? Rreth 3.4 milionë euro në vit. 2019 shënon rekord, me 6.14 mln euro
Rreth dy muaj më parë, në fillim të shtatorit të këtij viti, aleatët u tërhoqën përfundimisht nga Afganistani, duke ngjallur edhe shumë debat në opinionin......
Buxheti 2022 sipas qarqeve/ Tirana me rritjen më të madhe. Qeveria më e kursyer me Gjirokastrën
Projektligji i buxhetit për vitin e ardhshëm përfshin edhe transfertat e pakushtëzuara sipas qarqeve, ku në total përllogariten 560 milionë lekë (4.56 mln......
BERZH rrit projeksionet për Shqipërinë/ Rritja ekonomike këtë vit parashikohet në 8%, e dyta më e lartë në rajon
Pas Bankës Botërore dhe Fondit Monetar Ndërkombëtar, tashmë edhe Banka Europiane për Rindërtim dhe Zhvillim (BERZH) ka rritur ndjeshëm projeksionet për rritjen......
Paketa fiskale nxit rritje tjetër të çmimeve/ Karburantet, kafja, birra, vera, prej 1 janarit do të shtrenjtohen edhe nga qeveria
Projektligji i buxhetit të vitit të ardhshëm, i cili përbën ligjin më të rëndësishëm vjetor të një shteti, ka ngjallur shumë debate, kryesisht sa i përket......
Dekurajohen aplikimet për llotarinë amerikane, - 240 mijë shqiptarë provuan fatin, rënie me 30.2% krahasuar me 2020-ën
Sipas të dhënave nga “Departamenti Amerikan i Shtetit” ka rënë numri i apilikimeve për Llotarinë Amerikane nga shqiptarët për vitin 2021, krahasimisht me vitin......
Shtresa e mesme me pagë mbi 1200 euro në muaj?! E thotë vetë qeveria, por janë vetëm 5900 individë, ose 0.86% e totalit
Me ndryshimet në tatimin mbi të ardhurat nga paga, qeveria shqiptare synon të zbusë disi barrën fiskale të të punësuarve në vend. Sipas shifrave të fundit në......
Azilkërkuesit shqiptarë "pushtojnë" Europën, - Rikthehen nivelet e para pandemisë, jemi të 4-tit në BE, pas turqve, afganëve dhe sirianëve
Të dhënat nga “Zyra Europiane për Mbështetjen e Azilantëve” tregojnë se Gushti i vitit 2021 rikthen në shifra alarmante aplikimet e shqiptarëve për azil. Për......
