Gushti "vulos" rekord të ri në turizëm/ Shqipërinë e vizituan 2 milion të huaj në një muaj dhe rreth 7 milion në tetë muaj
Shifrat zyrtare vijojnë të konfirmojnë rekord pas rekordi në turizëm. Këtë vit sezoni i verës regjistron shifra që udhëheqin edhe periudhën para pandemisë sa i përket lëvizjes së shtetasve referuar të dhënave për muajin Gusht. Hyrjet e shtetasve të huaj në territorin e Shqipërisë, gjatë muajit gusht të këtij viti, kanë tejkauar shifrat e muajit Gusht të shtatë viteve të fundit. Të dhënat e “Institutit të Statistikave” tregojnë se përgjatë gushtit numri i shtetasve të huaj të cilët kanë hyrë në territonin e vendit tonë janë rreth 2 mln. Krahasuar me të njejtin muaj të një viti më parë ky tregues rezulton të jetë rritur me 18.3%. Nga ana tjetër, referuar hyrjeve gjithsej shohim se numri i tyre është rritur me 16.9% dhe regjistrohen për muajin Gusht rreth 2.8 mln hyrje nga ku 838 mijë janë hyrje nga shtetas shqiptarë.
Rritje e hyrjeve regjistrohet edhe nëse do të flisnim në terma tetëmujorësh. Të dhënat e INSTAT tregojnë se kjo periudhë është shoqëruar me një valë në rritje të lartë të turistëve. Shifrat në harkun kohor të tetë muajve tregojnë se hyrjet gjithsej regjistrohen në 11.7 milion nga ku rreth 7.1 mln janë shtetas të huaj dhe 4.5 mln hyrje nga shtetas shqiptarë. Rritja e hyrjeve gjithsej përgjatë tetë muajve është 26.7%, ndërkohë që hyrjet nga shtetas të huaj po gjatë kësaj periudhe janë rritur me 26.9%.
Nëse i referohemi daljeve nga territori i Shqipërisë, sipas shifrave numri i tyre gjithsej për muajin Gusht është rreth 3 milion dhe ka shënuar rritje me 20.6%. Daljet e shtetasve shqiptarë nga territori i Shqipërisë, gjatë muajit Gusht 2023 janë 842 mijë. Krahasuar me Gushtin e vitit 2022, ky tregues është rritur me 8.9%. Po të flasim në terma tetëmujorësh numri i shtetasve shqiptarë të dalë nga territori i Shqipërisë është 4.5 milion, duke u rritur me 18.9%, krahasuar me të njëjtën periudhë të një viti më parë.
Në Gusht 2023, rajoni me numrin më të lartë të hyrjeve të shtetasve të huaj në Shqipëri është rajoni i Europës me 1,9 milion shtetas, pasuar nga Amerika dhe Azia Lindore, përkatësisht me 40,106 dhe 12,335 shtetas.
Sondazh
Më pak mbetje të menaxhuara në vitin 2022/ Vetëm 11.6% e totalit është eleminuar nga 13.8% gjatë vitit 2021
Sipas “Institutit të Statistikave” në të dhënat e publikuara së fundmi mbi mbetjet e ngurta urbane shihet se përgjatë vitit 2022 ka rënë sasia vjetore e......
Përmirësohet liria ekonomike në Shqipëri/ Renditemi në vend të 31, kryesojmë rajonin dhe disa prej vendeve më të zhvilluara të Europës
Shqipëria pozicionohet në vend të 31 mes 165 vendeve në total në “Indeksin e Lirisë Ekonomike” për vitin 2023, tregojnë të dhënat e publikuara nga instituti......
Inflacioni sipas Eurostat, në 4.7%/ Rreth 1.2 pikë përqindje larg mesatares së Bashkimit Europian për muajin gusht
Instituti i Statistikave ka publikuar Indeksin e Harmonizuar të Çmimeve të Konsumit për muajin Gusht të vitit 2023, që mat rritjen e çmimeve sipas metodës së......
Gushti rrit numrin e aksidenteve/ Përgjatë sezonit veror 7.3% më shumë se vjet, edhe numri i të aksidentuarve me 18% rritje
Muaji Gusht ka rritur numrin e aksidenteve rrugore, por edhe numrin e të aksidentuarve (të vrarë dhe të plagosur) tregojnë të dhënat nga “Instituti i......
Kostot e Censit, rreth 2 milion euro më të shtrenjta/ Modernizimi i infrastrukturës teknologjike rriti shpenzimet
Censi i Popullsisë dhe Banesave, i cili do të nisë në datën 18 shtator, do të ofrojë të dhëna mbi numrin zyrtar të popullsisë në vendin tonë, por edhe mbi një......
Paga mesatare arrin në 70,905 lekë/ 9.6% më e lartë se në tremujorin e parë. Financa dhe administrata me rritje dyshifrore
Sipas të dhënave zyrtare nga “INSTAT” paga mesatare mujore bruto në vendin tonë për tremujorin e dytë të këtij viti arriti në 70,905 lekë. Rritja shënohet si......
Inflacioni vijon rënien/ Pranë 4% në Gusht, “zbuten” edhe ushqimet. Por, rekord 5-vjeçar për çmimet e qirave
Gushti ka regjistruar një rënie të mëtejshme të normës së inflacionit, për të 3-tin muaj me radhë. Kështu, ndryshimi vjetor i çmimeve të konsumit gjatë......
Energjia shtrenjton prodhimin me 6.9%/ Edhe çmimet e importit në rritje, por ngadalësojnë ritmin në tremujorin e dytë
Çmimet e prodhimit kanë vijuar të rriten akoma përgjatë tremujorit të dytë të këtij viti tregojnë të dhënat më të fundit nga “Instituti i Statistikave”. Sipas......
