Gjykata e Lartë shkarkon mijëra dosje - Norma e evadimit 200% në 2022, por mbeten 34,806 në pritje. Vijnë mijëra të reja!
Ndërsa nga data 16 prill 2022, në Gjykatën e Lartë u emërua gjyqtari i 13-të i saj, dhe kolegjet e saj po punojnë me një ritëm evadimi çështjesh prej 200%, numri i stokut vijon të mbetet shumë i lartë. Deri më datë 31 maj 2022 rezultojnë plot 34,806 çështje gjyqësore në pritje për gjykim, ndërkohë që në shkurt numri i tyre ishte 35,562.
Gjatë periudhës 1 janar – 31 Maj 2022 janë shqyrtuar në total 1933 çështje, nga të cilat: - 722 çështje Administrative; - 544 çështje Civile; - 667 çështje Penale. Diçka më i ulët ka qenë ritmi i evadimit gjatë vitit 2021, kur Gjykata shkarkoi rreth 3,600 dosje. Kjo normë i detyrohet kryesisht numrit të kufizuar të gjyqtarëve përgjatë vitit të shkuar: deri në prill të vitit 2021 ajo ka funksionuar me vetëm 3 gjyqtarë, në periudhën prill-shtator 2021 ka funksionuar me 7 gjyqtarë dhe prej fundit të muajit shtator me 9 gjyqtarë.
Por edhe me ritmin prej 200% të evadimit të çështjeve, duket se duhet të presim shumë gjatë për të parë ulje domethënëse të stokut. Sipas të dhënave zyrtare të vetë Gjykatës së Lartë, çështjet e reja që janë regjistruar në Gjykatën e Lartë nga 1 janari 2021 kanë arritur në 2,847 deri në shkurt të vitit 2022, (nga të cilat 1340 civile, 547 administrative dhe 960 penale).
Shumë shpresa janë varur te një strukturë e posaçme të përbërë nga 12 Nëpunës për Uljen e Çështjeve, e cila në fillim të këtij viti ka kryer një proces inventarizimi të hollësishëm të rreth 23,000 çështjeve të prapambetura.
Falë kësaj analize Gjykata e Lartë ka mundur të filtrojë dhe gjykojë çështjet të cilat nuk plotësojnë kushtet formale për t’u shqyrtuar, përfshirë rekurset e paraqitura jashtë afatit ligjor, rekurset për çështjet ku vlera e padisë nuk kalon 40–fishin e pagës minimale (në fushën administrative) ose vlerën e padisë nën 150.000 lekë (në fushën civile), rekurset për të cilat është paraqitur kërkesa për heqje dorë etj.
Një shtysë positive në shkarkimin e stokut pritet të japë vendimi I Qeverisë për heqjen dorë nga rreth 3,800 rekurse që lidhen kryesisht me ndërprerjen e marrëdhënieve të punës, njohjen e vjetërsisë në punë, sidomos bëhet fjalë për kur vlera e padisë është më e vogël se 40-fishi pagës minimale. Gjithsesi, duket se duhen pritur vite që numri i dosjeve të shënojë rënie domethënëse.
Lorenc Rabeta / SCAN
https://www.youtube.com/watch?v=tolw5DCt3_E
Sondazh
Whatsapp e MSN-të, pakësojnë telefonatat e sms-të - Treguesit për 2022: Totali i thirrjeve me celularë 1.25 miliardë minuta, rënie prej 8.7%
Komunikimi përmes aplikacioneve që ofron interneti po ul ndjeshëm thirrjet dhe sms-të tradicionale përmes celularëve. AKEP raporton se totali I thirrjeve......
Çmimet e prodhimit dhe importit rriten ndjeshëm - Rriten edhe kostot e ndërtimit si pasojë e shpenzimeve për energji!
Të dhënat e “Institutit të Statistikave” tregojnë për një rritje të indeksit të çmimeve të prodhimit, të çmimeve të importit si dhe rritje të indeksit të......
Konfindustria reagon mbi çmimet e larta të karburanteve në vend – Kërkon shpërbërjen e Bordit të Transparencës
Nëpërmjet një njoftimi për shtyp Konfidustria i ka kërkuar ndërhyrjen e menjëhershme qeverisë për ndryshimin të politikave fiskale me qëllim uljen e çmimit të......
Pastrimi i parave, Shqipëria “kalon klasën”/ Moneyval: Përmirësim dhe progres në disa aspekte kyçe, ka arritur pritshmëritë tona!
Këshilli i Europës ka publikuar raportin më të fundit të `Moneyval` për Shqipërinë, sa i përket luftës kundër pastrimit të parave dhe financimit të......
Nafta në Shqipëri, ndër më të shtrenjtat në botë/ Më shtrenjtë se në Luksemburg, Austri apo Gjermani!
Ndër 170 shtete të botës, Shqipëria renditet në vendin e 147-ta sa i përket çmimit të naftës, çka e vendos ndër vendet e globit me naftën me pakicë më të......
Studimi/ Sfungjeri nuk është mënyra më higjienike për të pastruar enët, por ekziston një alternativë!
Sfungjerët e kuzhinës përmbajnë më shumë baktere sesa furçat e kuzhinës, gjë që mund të jetë një mënyrë më higjienike për të pastruar enët tuaja, sipas......
Linja ajrore lowcost nën kritika pasi u kërkoi pasagjerëve të vërtetonin kombësinë e tyre!
Linja ajrore lowcost Ryanair është kritikuar pasi u ka kërkuar udhëtarëve afrikano-jugor të bëjnë një test Afrikaans për të vërtetuar kombësinë e tyre përpara......
Tirana Bank njofton emetimin e obligacioneve korporative në vlerën 5 milionë Euro!
Tirana Bank njofton emetimin, në datë 07.06.2022, të obligacioneve korporative afatgjata në vlerën 5 milionë Euro. Këto obligacione kanë një afat 7 vjeçar me......
