Gjermania, në grevë për pagat - Anulohen fluturimet, mijëra pasagjerë në kaos
Fluturimet në qytetet veriore gjermane të Bremen dhe Hamburg, por dhe në kryeqytetin Berlin janë anuluar si pasojë e grevës së punonjësve.
Stafi në aeroporte i është përgjigjur kërkesës së sindikatës Verdi e cila është ende në diskutime për pagën për turnet e natës, fundjavat dhe pushimet e paguara.
Në aeroportin e Berlinit janë anuluar rreth 200 fluturime, duke prekur më shumë se 2700 pasagjerë. Aeroporti i Hamburg-ut tha se fluturimet në nisje ishin anuluar të gjithë dhe pothuajse gjysma e mbërritjeve gjithasjhtu, ndërsa aeroporti në Bremen bëri të qartë se asnjë avion nuk do të niset dhe as do të ulet në pistat e tij.
Shoqata e aeroporteve të Gjermanisë, ADV, konfirmoi se rreth 45 mijë pasagjerë prekeshin në mënyrë të drejtpërdrejtë si pasojë e grevës.
Greva nga ana e stafit të aeroportit ndodh në një moment bisedimesh të vështira për pagat për punonjësit. Sindikatat gjermane kërkojnë një rritje pagash prej 10.5%, ndërsa punëdhënësit kanë ofruar një rritje prej 5% në dy faza dhe një pagesë të vetme prej 2.500 eurosh për punonjës.
Sindikatat e kanë refuzuar ofertën, duke thënë janë të pamjaftueshme për të përballuar shpenzimet aktuale. Raundi tjetër i bisedimeve do të fillojë më 27 mars. Për më tepër, ka negociata në mbarë vendin për pagesat për punonjësit e sigurisë ajrore dhe në nivel lokal për punonjësit e shërbimit tokësor.
Por Gjermania nuk është e vetmja që është prekur nga grevat. Në Mbretërinë e Bashkuar, qindra mijëra njerëz, duke përfshirë mësues, lektorë universitarë, punonjës të hekurudhave dhe linjave të autobusëve, organizuan një grevë muajin e kaluar për të kërkuar paga më të larta për të përballuar kostot në rritje të jetesës.
Në Francë, më shumë se një milion manifestues marshuan në qytete dhe qyteza javën e kaluar kundër planit të qeverisë për të rritur moshën e daljes në pension në 64 vjeç.
Dorina Kurtaj / SCAN
Sondazh
Biden, në mbrojtje të sistemit bankar në SHBA - Vendimi, pas kolapsit të Silicon Valley dhe Signature Bank
Presidenti amerikan Joe Biden do të përballet me krizën aktuale bankare e cila bëri që rregullatorët amerikanë të ndërhyjnë me një sërë masash emergjente pasi......
Rritet çmimi i naftës së papërpunuar - Shkak, rimëkëmbja e Kinës dhe dobësimi i dollarit
Çmimet e naftës në tregjet botërore shënuan rritje duke përmbysur një fillim të dobët pasi një rikuperim i kërkesës kineze dhe një dollar më i dobët i dhanë......
Fitime rekord për Saudi Aramco: 161.1 miliardë dollarë në 2022, një rritje prej 46.5%!
Gjigandi i naftës në Arabinë Saudite “Aramco” raportoi një fitim rekord vjetor prej 161.1 miliardë dollarësh për vitin 2022, 46% më shumë se një vit më parë.......
Varfëria ekstreme mund të çrrënjoset në 2050 - Raporti, 2/3 e botës do të mund të jetojë me më shumë se 10 dollarë në ditë!
Sipas një parashikimi të ri ekonomik, fundi i varfërisë ekstreme mund të arrihet më në fund në vitin 2050, nxitur nga rritja ekonomike në vendet me të ardhura......
SIPRI: Europa po armatoset fuqishëm!
Sipas rezultateve të raportit të fundit SIPRI të Institutit të Stokholmit për Paqen Europa është duke u armatosur fuqimisht në raport me pjesën tjetër të......
Inflacioni ul pagat minimale në shumë vende të BE-së!
Edhe pas vendosjes së pagës minimale, të ardhurat e shumë të punësuarve në vendet e Bashkimit Europian nuk mjaftojnë për të kompensuar inflacionin e lartë.......
Si ka nisur kjo javë për valutat kryesore?!
Dollari amerikan ka regjistruar rënie këtë të hënë teksa blihet sot me 106.3 lekë dhe shitet me 107.2 lekë në raport e javën që lamë pas. Sipas kursit të......
Nafta e nis javën në rritje të lehtë - Mbështetet nga dobësimi i dollarit dhe nga rritja e kërkesës në Kinë
Nafta po qëndron në rritje të lehtë në sesionin e sotëm, ndërsa fitimet po kufizohen nga problemet që po shfaqin disa banka në SHBA. Edhe rimëkëmbja e kërkesës......
