FMN, “detyra shtëpie” për Maqedoninë e Veriut: “Miratoni reformën tatimore. Të hiqen subvencionet për energjinë”!
Pas përfundimit të takimeve me zyrtarë të lartë të Maqedonisë së Veriut, Fondi Monetar Ndërkombëtar ka publikuar një raport ku “skanon” situatën ekonomike. Prodhimi i Brendshëm Bruto parashikohet të ketë një rritje reale prej 2,1% këtë vit, ndërsa inflacioni ka filluar të bjerë, i ndihmuar nga ulja e çmimeve të energjisë dhe ushqimeve, si dhe nga shtrëngimi i vazhdueshëm i politikës monetare. Çmimet e konsumit pritet të rriten mesatarisht me 9.2 % këtë vit dhe me 3.5 % në vitin 2024.
Në raport, thuhet se, financat publike janë në rrugën e duhur për të përmbushur objektivin e deficitit të përcaktuar në buxhetin e vitit 2023 të miratuar nga parlamenti. Megjithatë, vonesat në miratimin e reformës tatimore dhe taksës së solidaritetit kompromentojnë të ardhurat tatimore dhe mund të vënë në rrezik shpenzimet prioritare. Ndërkohë përpjekjet për përmirësimin e mbledhjes së taksave duhet të jenë të qëndrueshme dhe të përshpejtuara.
Sipas FMN, tashmë ka hapësirë në buxhetin e shtetit për rritje të pagave me afro 10%, e ngjashme me normën e parashikuar të inflacionit për vitin 2023, duke përfshirë harmonizimin e pagës minimale këtë vit. Por, çdo gjë mbi këto përmasa do të krijonte një barrë të madhe dhe të përhershme për buxhetin dhe gjithashtu do të rrezikonte të shtrydhte shpenzime të tjera thelbësore. Rritjet e mëdha të pagave do të rrezikonin gjithashtu shndërrimin e inflacionit të lartë përkohësisht, në inflacion të lartë të vazhdueshëm.
Përsa i përket sektorit energjetik, FMN vëren se çmimet për shumicën e familjeve mbeten shumë të subvencionuara dhe ndër më të ulëtat në Europë. Si rezultat, financat publike janë të pambrojtura ndaj rritjeve të kostos së energjisë. FMN kërkon që të vazhdohet me reformat e tarifave të energjisë elektrike që gradualisht të hiqet dorë nga subvencionet dhe të forcohet efikasiteti. Konteksti aktual i çmimeve më të ulëta ndërkombëtare të energjisë ofron një mundësi për të vazhduar reforma të tilla. Mbështetja për faturat e energjisë elektrike duhet të synohet për familjet më të varfra, në vend që të përfitojnë shumica e familjeve në mënyrë të pacaktuar, siç ndodh aktualisht.
Dorina Kurtaj / SCAN
Sondazh
“Mali i Zi, të rregullojë strategjinë e rritjes ekonomike” - Apeli i Bankës Botërore/ Të hiqen barrierat rregullatore
Nëse Mali i Zi, vend aspirant për në BE nuk miraton një strategji të re të rritjes ekonomike që do të nxiste produktivitetin dhe kapitalin njerëzor, të......
Bankat qendrore, humbje në rezerva gjatë 2022 - Sondazhet nuk parashikojnë një rimëkëmbje të shpejtë
Bankat qendrore globale shënuan humbje në rezerva në vitin 2022, sipas sondazheve më të fundit, të dhënat e të cilave theksojnë se nuk shihet një rimëkëmbje e......
Rrugët vdekjeprurëse të BE-së: Numri i viktimave në aksidente rritet për herë të parë në një dekadë!
Vdekjet rrugore në BE u rritën me 6% pas një dekade rënie të vazhdueshme, tregojnë të dhënat më të fundit, me disa vende të Europës Lindore që kanë numrin më......
Nafta, e qëndrueshme pranë 72 USD për fuçi - Çmimet humbën mbi 2.5% të vlerës të martën, shqetëson ngadalësimi i kërkesës
Nafta po qëndron në rritje në sesionin e sotëm, pasi investitorët janë të shqetësuar për tkurrjen e furnizimit të tregun në Shtetet e Bashkuara që është......
Euro, humbje modeste përballë dollarit - Investitorët presin komentet e Powell në forumin e BQE
Euro po qëndron në rënie të lehtë në sesionin e sotëm, pas fitimeve të realizuara një ditë më parë, në raport me dollarit amerikan. Të dhënat e publikuara në......
Bursat publikojë fitime modeste - I japin fund shtatë sesioneve me radhë në rënie
Bursat europiane po qëndrojnë në rritje të sesionin e sotëm, pas 7 ditësh me radhë në rënie. Indeksi pan-Europian STOXX 600 e ka nisur ditën në rritje me 0.5%,......
Çfarë ka ndodhur sot në tregun valutor?!
Dollari amerikan vijon të humbasë vlerën e tij në raport me monedhën vendase edhe këtë të mërkurë teksa është blerë këtë mëngjes me 96.8 lekë dhe është shitur......
Skavica, Gjykata Kushtetuese rrëzon pretendimet: Është në përputhje me Kushtetutën
Gjykata Kushtetuese ka rrëzuar kërkesën e shoqatës “Kundërshtimi ndaj digës së Skavicës” lidhur me projektin e ndërtimit të hidrocentralit. Vendimi është......
