“Fluturon” tregu sekondar i titujve të Qeverisë, rritje 147% - Normat e reja të interesit japin efektin edhe te shitjet me pakicë, 40 milionë dollarë plus
Efekti i rritjeve të njëpasnjëshme të normës bazë të interesit nga ana e Bankës së Shqipërisë është reflektuar edhe në tregun sekondar të titujve të Qeverisë. Në totalin e transaksioneve të llojit B dhe C të marra së bashku, të sapopublikuara nga Autoriteti i Mbikqyrjes Financiare, vihet re një rritje në vlerë absolute me rreth 4 miliardë lekë, krahasuar me vitin 2021, ose afërisht 40 milionë dollarë. E thënë ndryshe, nga rreth 50 milionë dollarë në vitin 2021, tregu me pakicë i titujve të Qeverisë për vitin 2022 ka kërcyer në rreth 90 milionë dollarë.
Nga analiza e të dy llojeve të transaksioneve rezulton se rritje kanë shënuar si volumi i transaksioneve, ashtu edhe numri i tyre.
Transaksioni i llojit B “Shitje nga portofoli i ndërmjetësit financiar” gjatë vitit 2022, ka pasur një rritje prej 3,6 miliardë lekësh, afërisht 36 milionë dollarë, ose 147.68% krahasuar me vitin 2021. Numri i transaksioneve i llojit B është rritur në masën 87.26%.
Transaksioni i llojit C “Blerje para afatit të maturimit” gjatë vitit 2022, ka pasur një rritje prej 397 milionë lekë, diccka më pak se 4 miliona dollarë, ose 14.54%, ndërkohë pati një ulje në numrin e transaksioneve në masën 13.13%, krahasuar me vitin 2021.
Vëllimi i tregut sekondar të titujve të Qeverisë për vitin 2022, u dominua në masën 50.52% nga transaksione në instrumente afatshkurtër (bono thesari) dhe 49.48% nga transaksionet në instrumente afatgjatë (obligacione). Parë nga këndvështrimi i numrit të transaksioneve, 80.01% e të gjitha transaksioneve të tregut sekondar të titujve të Qeverisë, i takojnë transaksioneve të kryera në bono thesari.
Të dhënat statistikore të tregut me pakicë të titujve të Qeverisë për vitin 2022, flasin për një dominim të transaksioneve “Blerje në tregun primar” dhe “Shlyerje e vlerës nominale në maturim” përkatësisht me 67.77% dhe 18.96% kundrejt vëllimit të përgjithshëm.
Pjesëmarrja në tregun sekondar të titujve të Qeverisë, për vitin 2022 dominohet nga investitorët individualë, të cilët kryejnë 99.06% të të gjitha transaksioneve në këtë treg.
Lorenc Rabeta / SCAN
Sondazh
Si skema e energjisë krijoi pabarazi mes bizneseve shqiptare - Ankesa e dy kompanive të bulmetit sjell rishikimin e ligjit
Skema e qeverisë për të nxjerrë në treg të lirë të furnizimit të energjisë bizneset, po krijon pabarazi në konkurrencën mes tyre. Problematika është konstatuar......
“Qiraja për TEC-et lundrues s’ka nisur” - Mbërritën në shtator, KESH: Pagesat do të nisin pas momentit të komisionimit
Pavarësisht se kanë mbërritur në Shqipëri në muajin shtator, periudha 2-vjeçare për të cilin janë kontraktuar TEC-et lundures nuk ka nisur ende. Korporata......
Shtohen përfituesit nga skema e kontributeve shoqërore - Të papunët nga pagesa e papunësisë dhe kujdestarët e personave paraplegjik e tetraplegjik
Në listën e qytetarëve të cilët përfitojnë nga skema e kontributeve shoqërore dhe shëndetësore janë përfshirë edhe 4 kategori të tjera që nuk kanë qenë më......
Rritja e çmimeve, sa i ndikoi shqiptarët në blerjen e makinave? - Analiza e shifrave/ krahasimi ndër vite, tendencë drejt mjeteve elektrike
Kriza e çmimeve në vendin tonë ka bërë që gjatë vitit 2022 shqiptarët të mendohen dy herë përpara se të blejnë një automjet për shkak të stepjes nga çmimet e......
Rritet interesi i spanjollëve dhe anglezëve për Shqipërinë - Rekord, 7.5 milionë të huaj hynë në 2022. Arsyeja, pushimet dhe vizitat tek të afërmit
Spanjollët dhe anglezët kanë qenë shtetasit më të shumtë që vizituan Shqipërinë në 2022. Rreth 7.5 milionë qytetarë të huaj preferuan Shqipërinë duke shënuar......
Irlanda synon ndalimin e reklamave për Cryptot - Banka Qendrore, apel parlamentit: Mbroni të rinjtë!
Guvernatori i bankës qendrore të Irlandës i kërki parlamentit të vendit që të ndalojë reklamimin e aseteve të kriptove që synojnë të rinjtë, duke e krahasuar......
Udhëtarët e karburanteve! - Hungarezët kalojnë kufirin me Sllovakinë dhe Rumaninë për të kursyer para’
Në Sllovaki inflacioni është në nivelin 15.4% ndërsa në Hungari ka prekur 24.5%. Një diferencë prej 10 pikësh pothuajse, e cila në zonat kufitare ka bërë që......
Eurostar braktiset nga pasagjerët - Qindra vende bosh në itinerarin Londër - Paris
Qindra vende në trenat e Eurostar midis Londrës dhe Parisit janë duke u boshatisur për shkak të Brexit dhe mungesës së stafit. Shefja ekzekutive e kompanisë,......
