Euro ra me 0.49% ndaj lekut në gusht - E mbylli muajin në 99.65 lekë, pranë nivelit më të ulët historik
Lidion Kulla/SCAN
Rënia e euros në tregun e brendshëm nuk është ndalur as gjatë muajit gusht, por megjithatë ky zhvlerësim ka qenë më i moderuar. Duket se flukset e mëdha të euros në ekonominë shqiptare, për shkak të numrit të lartë të turistëve, po ushtrojnë presion mbi monedhën europiane, pavarësisht se në tregjet ndërkombëtare po qëndron në nivelin më të lartë në thuajse 1 vit, përballë dollarit amerikan.
Sipas të dhënave të Bankës së Shqipërisë, monedha europiane e mbylli muajin gusht në nivelin mesatar të 99.65 lekëve, ndërsa në datën 1 gusht kuotohej mesatarisht në 100.14 lekë. Në këtë mënyrë, monedha europiane ka humbur 0.49% të vlerës në raport me lekun, gjatë muajit gusht dhe po qëndron pranë nivelit më të ulët në histori, prej 99.6 lekësh të regjistruar po gjatë gushtit.
Megjithatë, duket se euro i ka rezistuar presionit përgjatë muajve korrik dhe gusht, kur fluksi i valutës është më i madh në ekonominë shqiptare si pasojë e numrit të lartë të turistëve. Deri datën 10 gusht, euro i rezistoi nivelit psikologjik të 100 lekëve, falë edhe disa ndërhyrjeve të Bankës së Shqipërisë për të blerë monedhën europiane në tregun e brendshëm.
Gjatë këtij viti, me objektivin e rritjes së rezervës valutore, Banka Qendrore synon të blejë përmes ankandeve mes 250-330 milionë euro, por nëse vërehen situata anormale në treg, ky institucion mund të ndërhyjë për të stabilizuar kursin e këmbimit të lekut me valutat kryesore, sidomos me euron.
Leku është forcuar edhe përballë monedhave të tjera kryesore, pjesërisht, për shkak të dobësimit të euros, që është valuta referuese në përcaktimin e kursit të lekut me monedhat e tjera. Referuar të dhënave historike, zakonisht euro ka një tendencë në rritje pas muajit shtator, për shkak të rënies së prurjeve në valutë të huaj në ekonominë tonë.
Sondazh
5.25 mld lekë më shumë për rrugët - Ndryshimi i buxhetit/ Projektet ku shkojnë paratë, 500 mln lekë shtesë edhe për pagat
Ola Mitre / SCAN Buxheti për transportin rrugor është rritur me 5.25 mld lekë, pas rishikimit të buxhetit të shtetit për vitin 2024. Sipas tabelave të......
Detyrimet e prapambetura rriten me 9.3 milionë euro - Stoku arrin në 99 milionë euro, pushteti vendor ul barrën
Elisabeta Dosku/ SCAN Qeveria qendrore dhe ajo vendore kanë rritur stokun e detyrimeve ndaj bizneseve dhe qytetarëve është me rreth 9.3 milionë euro......
33.7 mld lekë leje ndërtimi në tre muaj - Rekord edhe për sipërfaqet. Ndërtimet rezidenciale, pjesa më e madhe e investimeve
Armela Duka/SCAN Rreth 33.7 miliardë lekë është vlera e lejeve të ndërtimit miratuar për ndërtesa dhe punime inxhinierike në tremujorin e dytë 2024,......
Çfarë parashikojnë ndryshimet në buxhet? - Nga fondi i rindërtimit, tek investimet në infrastrukturë dhe bujqësia
Elisabeta Dosku/ SCAN Performanca e mirë në të ardhurat buxhetore përgjatë 7 muajve të këtij viti, e cila ka ardhur kryesisht për shkak të rritjes së......
Java mbyllet negativisht për valutat kryesore!
Dollari amerikan e ka mbyllur këtë javë në rënie pasi në raport me dje është blerë sot me 89.5 lekë dh është shitur me 90.5 lekë sipas kursit të këmbimit......
Serbia nënshkruan një marrëveshje prej 2.7 miliardë euro me Francën për 12 avionë luftarakë!
Edel Strazimiri / SCAN Presidenti francez Emmanuel Macron nënshkroi të enjten një marrëveshje me homologun e tij serb Aleksandar Vuçiç për të shitur 12......
Birra e prodhuar në hapësirë ka shije më të mirë?!
Edel Strazimiri / SCAN Pas ilaçeve dhe printimit 3D, tani po përpiqemi të prodhojmë edhe birrë në mikrogravitet, duke simuluar kushtet hapësinore në......
Ndryshimet klimatike i kushtojnë Greqisë 2,3 mld euro/vit - Moti ekstrem do të sjellë efekte negative në aktivitetin ekonomik
Kristi Ceta/SCAN Komiteti për Studimin e Efekteve të Ndryshimeve Klimatike (EMEKA) i Bankës së Greqisë vlerësoi koston e ndryshimeve klimatike të......
