Sejko: Ekonomia shqiptare pritet të ruajë ritme solide rritjeje
Guvernatori i Bankës së Shqipërisë, Gent Sejko, priti sot në një takim zyrtar Përfaqësuesin e ri Rezident të Bankës Evropiane për Rindërtim dhe Zhvillim (BERZH) në Shqipëri, Hannes Takacs, me të cilin diskutoi mbi zhvillimet ekonomike dhe bashkëpunimin mes dy institucioneve.
Gjatë takimit, Sejko prezantoi ecurinë e ekonomisë shqiptare, duke theksuar se "sipas parashikimeve të Bankës së Shqipërisë, ekonomia shqiptare pritet të vijojë të rritet me ritme solide edhe gjatë periudhës në vijim".
Guvernatori nënvizoi se "politika monetare e kujdesshme dhe konsistente e ndjekur nga Banka e Shqipërisë ka dhënë një kontribut të rëndësishëm në ruajtjen e stabilitetit makroekonomik, duke krijuar kushte financiare të favorshme për zhvillimin e qëndrueshëm të ekonomisë".
Duke folur për sektorin bankar, ai tha se sistemi mbetet i qëndrueshëm, me tregues të mirë kapitalizimi, likuiditeti dhe përfitueshmërie, ndërsa raporti i kredive me probleme ka zbritur në 3.7%, niveli më i ulët historik që nga viti 2008.
Sipas Sejkos, "ky rezultat pasqyron efektet e reformave strukturore të ndërmarra gjatë dekadës së fundit, përmirësimin e disiplinës financiare të industrisë bankare, si dhe efektivitetin e kuadrit rregullator dhe mbikëqyrës të Bankës së Shqipërisë".
Guvernatori vlerësoi gjithashtu bashkëpunimin me BERZH-in në projekte strategjike, duke veçuar asistencën për administrimin e rreziqeve që lidhen me ndryshimet klimatike, zhvillimin e tregut të parasë sipas standardeve ndërkombëtare, përafrimin e kuadrit rregullator me standardet e Bashkimit Evropian dhe zbatimin e iniciativës WE Finance Code, e cila synon të lehtësojë aksesin në financim për gratë sipërmarrëse dhe ndërmarrjet mikro, të vogla dhe të mesme.
Nga ana e tij, Përfaqësuesi i ri Rezident i BERZH-it, Hannes Takacs, riafirmoi angazhimin e institucionit për të vijuar mbështetjen ndaj Shqipërisë, me fokus në forcimin e konkurrueshmërisë së bizneseve, tranzicionin drejt ekonomisë së gjelbër, digjitalizimin dhe zhvillimin e sipërmarrjes.
Porti i Durrësit, 28% rritje në gjashtëmujor - Aliu: Synimi, mbi 260 mijë TEU deri në fundvit
Rritja e volumit të mallrave dhe numrit të anijeve ka karakterizuar aktivitetin në Portin e Durrësit gjatë gjashtë muajve të parë të vitit 2026. Terminali i......
Emergjencat shëndetësore gjatë udhëtimeve - Hajdarmataj: Polica e sigurimit, domosdoshmëri
Një problem shëndetësor gjatë udhëtimit mund të kthehet jo vetëm në një situatë të vështirë, por edhe në një faturë të papërballueshme. Vizitat mjekësore,......
BE miraton rregulla të reja për udhëtimet ajrore - Më shumë të drejta për pasagjerët. Ndryshimet, në fuqi në mesin e 2027
Bashkimi Europian ka miratuar një paketë të re reformash për udhëtimet ajrore, që forcon të drejtat e pasagjerëve, duke sjellë ndryshime të rëndësishme në......
Rendimenti nga qiratë bie në disa zona të Durrësit/ Investropa: Çmimet e apartamenteve janë rritur më shpejt se të ardhurat që gjenerojnë
Disa nga lagjet dhe zonat më të njohura të Durrësit janë bërë më pak tërheqëse për investitorët që synojnë të gjenerojnë të ardhura nga qiraja gjatë 12......
QKB: Pasqyrat financiare deri më 31 korrik - Cilët janë bizneset që duhet të dorëzojnë raportet?
Bizneset shqiptare dhe të huaja kanë afat deri më 31 korrik 2026 për të dorëzuar pranë Qendrës Kombëtare të Biznesit pasqyrat financiare dhe raportet......
Rekord mjalti, por pas shifrave fshihet një rënie/ Shtohet prodhimi, dobësohet produktiviteti i koshereve
Prodhimi i mjaltit në Shqipëri arriti nivelin më të lartë të regjistruar në dy dekadat e fundit. Sipas të dhënave të INSTAT, gjatë vitit 2025 u prodhuan......
Mbi 1 mijë aplikime për “Grant 2026” - Rritet interesi për startup-et dhe inovacionin në të gjithë Shqipërinë
Programi “Grant 2026” ka regjistruar mbi 1 mijë aplikime nga të gjitha qarqet e vendit, duke reflektuar rritjen e interesit për sipërmarrjen inovative dhe......
Profesionistët fitojnë terren në tregun e punës/ Rritet përfaqësimi i menaxherëve, bie pesha e punonjësve të bujqësisë
Tregu i punës në Shqipëri pësoi ndryshime gjatë vitit 2025, duke treguar një zhvendosje graduale të punësimit drejt profesioneve me kualifikim më të lartë.......
