Dervishi kërkon trajtim të avancuar për vendet kandidate - Komisioni Evropian vlerëson reformat e Shqipërisë
Komisioneri për të Drejtën e Informimit dhe Mbrojtjen e të Dhënave Personale, Besnik Dervishi, ngriti në nivel evropian çështjen e statusit të vendeve kandidate në procesin e transferimit të të dhënave personale, gjatë punimeve të Mbledhjes së 121-të Plenare të European Data Protection Board në Bruksel.
Gjatë diskutimit me Komisionerin Evropian për Demokracinë, Drejtësinë, Sundimin e Ligjit dhe Mbrojtjen e Konsumatorit, Michael McGrath, Dervishi prezantoi progresin e Shqipërisë në harmonizimin e legjislacionit kombëtar me standardet e Bashkimit Evropian në fushën e mbrojtjes së të dhënave personale.
Ai theksoi se Shqipëria ka miratuar një ligj të ri për mbrojtjen e të dhënave personale, plotësisht të harmonizuar me Rregulloren e Përgjithshme për Mbrojtjen e të Dhënave (GDPR) dhe Direktivën 2016/680 për autoritetet e zbatimit të ligjit. Gjithashtu, vendi disponon një autoritet mbikëqyrës të pavarur sipas standardeve evropiane dhe kontribuon që prej vitit 2016 në punën e EDPB-së në cilësinë e vëzhguesit.
Dervishi vuri në dukje se, pavarësisht nivelit të lartë të përafrimit me legjislacionin evropian, Shqipëria vijon të konsiderohet vend i tretë për qëllime të transferimit të të dhënave personale. Në këtë kuadër, ai kërkoi që progresi i vendeve kandidate të vlerësohet në mënyrë më objektive dhe në përputhje me nivelin e harmonizimit ligjor dhe institucional me acquis të Bashkimit Evropian.
Në përgjigjen e tij, Komisioneri McGrath vlerësoi progresin e Shqipërisë në përafrimin e legjislacionit me standardet evropiane për mbrojtjen e të dhënave personale. Ai theksoi se marrëdhënia mes Bashkimit Evropian dhe Shqipërisë në këtë fushë zhvillohet në kuadër të procesit të anëtarësimit në BE, i cili përfaqëson një nivel më të avancuar integrimi sesa një vendim i veçantë për përshtatshmërinë e transferimit të të dhënave (adequacy decision).
Sipas tij, transferimet e të dhënave personale mund të realizohen përmes mekanizmave dhe instrumenteve të parashikuara nga legjislacioni aktual evropian.
Gjatë mbledhjes plenare, pjesëmarrësit diskutuan gjithashtu zhvillimet më të fundit në fushën e mbrojtjes së të dhënave personale në Bashkimin Evropian, përfshirë anonimizimin e të dhënave, raportimin e shkeljeve të sigurisë, ndërveprimin mes GDPR-së dhe Aktit për Tregjet Digjitale, si dhe sfidat që lidhen me përdorimin e inteligjencës artificiale dhe teknologjive të reja.
Pjesëmarrja e Autoritetit Shqiptar në këto diskutime të nivelit të lartë konfirmon angazhimin e vazhdueshëm të Shqipërisë për përmbushjen e standardeve evropiane në mbrojtjen e të dhënave personale, si pjesë e procesit të integrimit në Bashkimin Evropian dhe forcimit të të drejtave themelore të qytetarëve.
Air Bnb me fitime të mëdha në Europë/ Ku renditet Tirana? Norma e zënies prej 63% dhe mbi 3,700 apartamente e bëjnë kryeqytetin një treg tërheqës
Tirana po tërheq gjithnjë e më shumë vëmendjen e investitorëve të interesuar për tregun e qirave afatshkurtra. Kryeqyteti shqiptar renditet në vendin e 68-të......
Akset e Korridorit Blu do të ndërtohen me PPP - Karakaçi: Autostrada Thumanë-Kashar, histori suksesi
Të gjitha akset rrugore, pjesë e Korridorit Blu, do të ndërtohen me Partneritet Publik Privat, këtë e theksoi ministri i Infrastrukturës dhe Energjisë Enea......
BE dhe qeveria vlerësojnë reformat me financim europian - Shqipëria ka përfituar deri tani 213 mln euro nga Plani i Rritjes
Bashkimi Europian dhe Qeveria shqiptare zhvilluan në Tiranë dy mbledhjet e përvitshme të monitorimit, ku u shqyrtua ecuria e reformave dhe projekteve të......
“Analizë e plotë shkencore për ndikimin në mjedis” - Ministri Jaupaj për Zvërnecin: Ligji nuk i ndalon, vendos kushte
Projekti që do të paraqitet për zhvillimin e zonës së mbrojtur Pishë-Poro- Nartë do I nënshtrohet një analize të thelluar për ndikimin në mjedis. Kështu u......
Bypass-i i Elbasanit, mbyllet pa ankesa faza e ofertave - ARRSH drejt vlerësimit të propozimeve për 2 lotet e para me vlerë 5.8 mld lekë
Procedurat tenderuese për ndërtimin e dy loteve të para të bypass-it të Elbasanit kanë avancuar në fazën e shqyrtimit të ofertave, pasi afati i dorëzimit të......
BE vlerëson progresin e Shqipërisë në zbatimin e reformave dhe fondeve të paraanëtarësimit
Bashkimi Evropian ka vlerësuar pozitivisht progresin e Shqipërisë në zbatimin e reformave dhe përdorimin e fondeve të paraanëtarësimit, gjatë dy mbledhjeve......
Hoxha në Bullgari: Zgjerimi i BE-së është investim strategjik, Shqipëria synon anëtarësimin në vitin 2030”
Ministri për Evropën dhe Punët e Jashtme, Ferit Hoxha, gjatë një vizite në Bullgari, mori pjesë në një panel diskutimi të organizuar nga European Council on......
Qeveria miraton Planin Kombëtar për Personat me Aftësi të Kufizuara: 68 masa dhe 7.6 miliardë lekë investime deri në 2030
Këshilli i Ministrave ka miratuar Planin Kombëtar të Veprimit për Personat me Aftësi të Kufizuara 2026–2030, një dokument strategjik që synon të forcojë......
