Bastet sportive online nën kontroll më të rreptë - Standarde të reja, detyrim identifikimi për lojtarët
Bastet sportive online nuk do të mund të luhen nëse nuk hyni në sistem me kartë identiteti. Në Fletoren Zyrtare janë përcaktuar standardet teknike për funksionimin e basteve sportive online në Shqipëri. Vendimi synon rritjen e sigurisë, transparencës dhe kontrollit të këtij aktiviteti, duke vendosur rregulla të qarta për operatorët e licencuar.
Në fokus të këtij vendimi janë kushtet teknike që duhet të plotësojnë platformat online, duke përfshirë identifikimin dhe regjistrimin e lojtarëve. Çdo lojtar duhet të regjistrohet me të dhëna të plota personale, përfshirë dokument identifikimi, adresë dhe kontaktet përkatëse, ndërsa verifikimi i identitetit bëhet përmes email-it ose numrit të telefonit. Po ashtu, përcaktohen procedura të detajuara për faturat dhe transaksionet financiare, të cilat duhet të regjistrohen dhe monitorohen në kohë reale nga autoritetet përkatëse. Rregullat e reja parashikojnë gjithashtu që çdo përdorues të identifikohet në mënyrë të plotë përpara se të ketë akses në platformë, duke përfshirë verifikimin e moshës, për të ndaluar aksesin e të miturve.
Sipas vendimit, çdo platformë duhet të garantojë siguri të lartë, përmes përdorimit të protokolleve të avancuara ndaj sulmeve kibernetike. Një rëndësi e veçantë i kushtohet mbrojtjes së të dhënave personale dhe parandalimit të aktiviteteve të paligjshme, përfshirë pastrimin e parave.
Një tjetër element i rëndësishëm është integrimi i detyrueshëm i platformave me sistemet shtetërore të monitorimit, duke mundësuar raportimin automatik të të gjitha basteve, fitimeve dhe pagesave. Çdo tentativë për manipulim apo fshehje të të dhënave do të jetë e pamundur për shkak të mekanizmave të avancuar të kontrollit. Në aspektin teknik, sistemet duhet të garantojnë funksionim të pandërprerë 24 orë në 7 ditë të javës, me infrastrukturë të sigurt, kopje rezervë dhe plane rikuperimi në rast emergjencash. Autoriteti i Mbikëqyrjes së Lojërave të Fatit do të ketë rol kyç në kontrollin dhe auditimin e këtyre platformave.
Ndryshimet në çmimet e apartamenteve në Shqipëri/ Qytetet bregdetare dhe Tirana kryesojnë, Durrësi destinacion investimi
Tregu imobiliar në Shqipëri paraqet një panoramë të larmishme çmimesh, ku vlera e pronave ndryshon ndjeshëm në varësi të qytetit, pozicionit gjeografik dhe......
Skemat e reja të kreditimit për bizneset - Aksesi në financë u rrit në 2025, por jo mbështetja për gratë sipërmarrëse
Aksesi në financë për ndërmarrjet mikro, të vogla dhe të mesme rezulton të jetë përmirësuar gjatë 2025, megjithatë përthithja dhe vlera e produkteve kushtuar......
Karburantet ndryshuan drejtim, bien importet - Janar-shkurt 2025/ U importua më pak kafe dhe birrë, rritet duhani
Viti 2026 ka nisur me rënie të sasisë së karburantit të importuar dhe që ka shkuar për konsum. Të dhënat zyrtare nga Ministria e Financave, tregojnë se për......
Taks Forca kontrolle në pikat e karburanteve - Në Korçë dhe Pogradec janë gjetur shkelje me dokumentacionin
Task Forca e ngritur për kontrollin e pikave me shumicë dhe pakicë të karburanteve po ushtron inspektim në të gjithë territorin e vendit. Në kuadër të......
Sigurimi i ushqimit, mes luftës dhe ndryshimit të klimës - Studimi: Sa të qëndrueshme janë sistemet ushqimore evropiane?
Ndërsa sfidat globale të ushqimit shtohen, edhe kombet më rezistente po duken të cenueshme, ndërsa bota nxiton të ushqejë një numër prej 10 miliardë......
Kursi i këmbimit/ Paqëndrueshmëri për Dollarin amerikan. Forcohet Paundi britanik
Dollari amerikan e ka nisur ditën në paqëndrueshmëri duke regjistruar luhatje të kuotës nga dita e djeshme teksa është blerë këtë mëngjes me 82.8 lekë dhe......
Prodhuesit e naftës në kërkim të rrugëve alternative - Irani mban mbyllur transportet nga Ngushtica e Hormuzit
Irani vazhdon të mbajë peng pothuaj të gjitha transportet detare përmes Ngushticës së Hormuzit, pika e kalimit për rreth 20% të furnizimeve globale me naftë......
Macron dhe Merz, diskutim për avionët luftarakë - Berlini e Parisi kërkojnë bashkëpunim për sigurinë evropiane
Udhëheqësit e Francës dhe Gjermanisë do të diskutojnë programin e avionëve luftarakë. Planet për të zhvilluar një sistem futuristik luftimi ajror së bashku......
