54% energji e rinovueshme deri në 2030 - Qeveria rishikon planin. Masa për prodhimin, konsumin dhe transportin
Deri në vitin 2030, 54% e konsumit final të energjisë duhet të mbulohet nga burimet e rinovueshme. Objektivi është pjesë e Planit të ri Kombëtar për Energjinë dhe Klimën 2020–2030, dokumenti bazë për politikat energjetike dhe klimatike të vendit deri në fund të dekadës. Ai zëvendëson tërësisht planin e miratuar në vitin 2021, që parashikonte një objektiv disi më ambicioz prej 54.4%, teksa në fushën e eficiencës, plani i ri synon një reduktim me 8.4% të konsumit të energjisë kundrejt skenarit referencë.
Për arritjen e këtyre objektivave, një prej drejtimeve kryesore është diversifikimi i prodhimit të energjisë elektrike, përmes shtimit të burimeve diellore dhe të erës. Aktualisht, sistemi shqiptar mbështetet në pjesën dërrmuese te hidrocentralet, duke e bërë prodhimin të ndjeshëm ndaj reshjeve dhe kushteve klimatike. Për këtë arsye, plani parashikon vijimin e mbështetjes për kapacitete të reja të rinovueshme, krahas vetëprodhimit të energjisë.
Integrimi i më shumë burimeve diellore dhe eolike kërkon edhe ndërhyrje në sistemin elektroenergjetik. Plani përfshin forcimin dhe modernizimin e rrjeteve, rritjen e fleksibilitetit të sistemit dhe zhvillimin e kapaciteteve për ruajtjen e energjisë, me qëllim përballimin e prodhimit të ndryshueshëm nga burimet e rinovueshme.
Një tjetër shtyllë është ulja e konsumit përmes eficiencës së energjisë. Masat prekin ndërtesat publike dhe rezidenciale, përmes përmirësimit të performancës së tyre energjetike dhe përdorimit të teknologjive e pajisjeve më eficiente.
Ndërhyrje parashikohen edhe në transport, një prej sektorëve me peshën më të madhe në konsumin final të energjisë. Elektrifikimi i transportit, zgjerimi i infrastrukturës së karikimit, transporti publik dhe rritja e përdorimit të burimeve të rinovueshme janë ndër drejtimet që synojnë reduktimin e varësisë nga karburantet fosile.
Paralelisht, plani përcakton masa në industri, bujqësi, përdorimin e tokës dhe pyjeve, si dhe menaxhimin e mbetjeve. Përmes tyre synohet që shkarkimet e gazeve me efekt serrë në vitin 2030 të kufizohen në rreth 10.21 mln tonë CO₂ ekuivalent.
Java nis negativisht për valutat e huaja
Dollari amerikan e ka nisur negativisht këtë javë duke regjistruar sërish zbritje të vlerës krahasuar me javën që lamë pas teksa është blerë këtë mëngjes me......
Një në pesë banorë, nën 18-të vjeç/ Si renditet Shqipëria krahasuar me rajonin dhe botën?
Përqindja e popullsisë nën 18 vjeç është një nga treguesit që ndihmon për të kuptuar strukturën demografike të një vendi. Ajo tregon se sa e re është......
Turizmi, sektor i rëndësishëm për bankat/ Akomodimi përfaqëson 10.3% të portofolit të kredisë së bizneseve
Kredia për sektorin e lidhur me turizmin po merr hov, duke reflektuar zgjerimin e investimeve në akomodim dhe shërbime ushqimore. Sipas të dhënave të Bankës......
“Jo zgjedhje të parakohshme” - Mitsotakis: Ulje taksash dhe rritje pagash
Kryeministri grek Kyriakos Mitsotakis ka përjashtuar mundësinë e zgjedhjeve të parakohshme, duke konfirmuar se zgjedhjet e përgjithshme do të zhvillohen në......
OPEC+ “ngrin” prodhimin e naftës - Grupi i prodhuesve shtyn vendimet e mëdha për 2027
OPEC+ ka vendosur të mos ndryshojë politikën e prodhimit të naftës për muajin tetor, pas një takimi të shtatë vendeve kryesore të grupit: Arabisë Saudite,......
1 miliard euro ndihmë për fermerët - Thatësira dhe i nxehti godasin rëndë bujqësinë franceze
Qeverian franceze ka njoftuar një paketë ndihme prej më shumë se 1 miliard euro për fermerët, pas dëmeve të shkaktuara nga valët rekord të të nxehtit dhe......
BE sfidon Trump në Groenlandë - Von der Leyen njofton investime të reja në Arktik
Presidentja e Komisionit Evropian, Ursula von der Leyen, ka nisur një vizitë dyditore në Groenlandë, në një moment kur territori autonom danez është kthyer......
Ku po i çojnë paratë europianët? - Inflacioni po ndryshon mënyrën e shpenzimit. 46% shkon për nevojat bazë
Pothuajse gjysma e parave që shpenzojnë familjet në Bashkimin Europian shkon për katër kategori themelore: ushqim, strehim dhe energji, si dhe transport.......
