Ekskluzive/ Mohamed Alabbar intervistë për SCAN: Projekti ‘Durrës Yachts & Marina’ po avancon më mirë sesa pritshmëritë e mia
https://www.youtube.com/watch?v=nkRAuO7rNLQ
10 muaj pas nënshkrimit të marrëveshjes për ndërtimin e projektit ‘Durrës Marina’, Mohamed Alabbar, vizionari pas kompanisë ‘EMAAR’ shpjegon në një intervistë ekskluzive për SCAN se është i kënaqur me ecurinë e punimeve.
Në intervistën dhënë për emisionin ‘Insider’ të gazetarit Angelo Haruni, Alabbar shprehet se procesi po shkon jashtëzakonisht mirë.
“Në fakt, e kemi nënshkruar marrëveshjen me qeverinë vetëm këtë vit në shkurt. Ndaj, në 10 muaj shumë gjëra kanë ndodhur. Sepse pas nënshkrimit të marrëveshjes duhet të bëjmë projektimin, projektimin e detajuar, tenderat, kontratat.
Ndaj jam mjaft i kënaqur që brenda 10 muajsh ne jemi në kantier. Por shpresoj gjithashtu të mund të ecim më shpejt. Në anën e shitjeve, gjërat po shkojnë jashtëzakonisht shumë mirë. Në fakt, më mirë se sa pritshmëritë e mia. Kur vjen puna tek çfarë po shesim, dëgjo, kushdo mund të ndërtojë një 1+1 apo 2+1. Nuk është fare problem.
Por mendoj se duhet të shesim një stil jete. Pasi del nga apartamenti dhe bën një shëtitje me vajzën apo gruan tënde, si është kjo jetë? Si është xhiroja? Sa e sigurt është? Sa e pastër është? Si është peizazhi? Cilat janë shërbimet që ne ofrojmë atje? Ku është kafeneja? Ku është kopshti i vogël, parku? Ku është arti, dritat? Jam i fokusuar tek kjo.
Jam në këtë biznes prej gati 29 vitesh. Kompani ime kryesore nxjerr gati 2 miliardë dollarë fitim neto çdo vit. Por nuk mendoj se është çështje parash. Mendoj se është për ngazëllimin e të bërit gjëra dhe të mësuarit gjatë rrugës. Në çdo vend ku shkoj, si një fëmijë i vogël që takon njerëz e njeh ambientin. Por gjithashtu të jepet një shans për të ndryshuar jetët e njerëzve.
Ky është një shans i pabesueshëm. Dhe përpos kësaj fiton edhe para. Ndaj, jam thjesht një person i entuziazmuar që marr pjesë në evoluimin e jetës njerëzore dhe kjo është shumë emocionuese për mua” u shpreh Alabbar.
Mohamed Alabbar konsiderohet si një ndër njerëzit më të rëndësishëm të biznesit ndërkombëtar. Ai është njeriu që ka ndërtuar Dubain dhe ka ideuar e ngritur ndërtesën më të lartë në botë, Burj Khalifa. Grupi i tij do të zhvillojë projektin për transformimin e Portit të Durrësit.
Ky projekt parashikon ndërtimin e hoteleve, rezidencave private, shëtitoreve, dyqaneve, restoranteve superluksoze, mbi 80 mijë metra katrorë parqe dhe hapësira të hapura, si dhe 170 dyqane tregtare rreth portit të ri.
Punimet për ndërtimin e “Durrës Yachts & Marina”, janë të ndara në tre faza, ku në fazën e parë janë godinat, më pas infrastruktura dhe në fund Marina. Totali i këtij investimi të marrë përsipër nga biznesmeni nga Emiratet e Bashkuara Arabe, Mohamed Alabbar, llogaritet në afro 2 miliardë euro.
Sondazh
Sa ju bindin programet ekonomike të partive për zgjedhjet e 11 majit 2025?
-
Janë të detajuara dhe të realizueshme
-
Kanë ide të mira, por mungojnë detajet e zbatimit
-
Janë premtime të parealizueshme
Përfitoni nga superoferta festive e DigitAlb deri më 31 Dhjetor!
Këtë fundvit, e BUKURA e FESTAVE ka ardhur magjishëm në çdo vatër nga DigitAlb. Siç e do edhe tradita, kanalet televizive më të dashura për të gjithë......
Resortet, në “sitë” për ujrat e zeza - Ngrihet Task – Forca, Kumbaro: Penalitete për subjektet që shkelin ligjin
Qeveria ka miratuar ngritjen e task – forcës që do të ushtrojë kontrolle në drejtim të zbatimit të lejeve për trajtimin e ujrave të zeza apo derdhjen e......
Nafta pa taksa për fermerët - Denaj: Afati i tërheqjes së sasive të miratuara shtyhet me 6 muaj
Fermerët, që kanë përfituar nga skema e naftës pa taksa do të kenë më tepër kohë në dispozicion për të tërhequr sasistë e miratuara”. Ministrja e Bujqësisë......
Rumania dhe Bullgaria do të hyjnë pjesërisht në Shengen pas marrëveshjes me Austrinë!
Marrëveshja politike do të lejojë Rumaninë dhe Bullgarinë të bashkohen me zonën Shengen vetëm nga ajri dhe deti, me negociata të mëtejshme për kufijtë......
Lumi Danub del nga brigjet – Arrin nivelin e tij më të lartë që nga viti 20131
Lumi Danub shpërtheu nga brigjet e tij në Budapest të enjten, me nivelet e ujit në nivelin më të lartë në një dekadë, pasi shiu i dendur dhe bora e ndjekur nga......
Xiaomi i Kinës zbulon makinën e parë elektrike - Planifikon të bëhet një nga prodhuesit më të mirë në botë!
Prodhuesi kinez i telefonave inteligjentë Xiaomi zbuloi automjetin e tij të parë elektrik të enjten dhe njoftoi menjëherë se synonte të bëhej një nga pesë......
Çmimet e naftës bien ndërsa ndërprerjet e transportit në Detin e Kuq lehtësohen!
Çmimet e naftës ranë rreth 1% të enjten pasi shqetësimet u lehtësuan për ndërprerjet e transportit detar përgjatë rrugës së Detit të Kuq, edhe pse tensionet në......
Nënshkruhen marrëveshjet e financimit: Gjermania dhe BE-ja mbështesin Transportin e Gjelbër në Tiranë!
Ministri i Financave dhe Ekonomisë, Ervin Mete, Kryetari i Bashkisë së Tiranës, Erion Veliaj dhe Drejtoresha e KfW në Shqipëri, Brit Horschke nënshkruan......
