Karriera Kontakt
English
Live TV

Tregjet

S&P 500
5282,7
0,13%
Nasdaq
16286,45
0,13%
10-Yr Bond
4,33
0%
FTSE 100
8275,66
0%
Crude Oil
64,45
0,36%
Gold
3341,3
0,39%
EUR/USD
1,14
0%
Shqipëria Postuar më 4 Prill 2023, 12:03

DPT njofton: Librat e shitjes dhe blerjes nuk do të ngarkohen më manualisht. Procedura!

Nga SCAN TV

Drejtoria e Përgjithshme e Tatimeve njofton se duke filluar nga muaji mars 2023 librat e shitjes dhe blerjes nuk do të ngarkohen më manualisht, por në format excel nëpërmjet e-filing. Ky zhvillim i ri mundëson transferimin e të dhënave te librave automatikisht në E-filing, pasi ju t’i keni mbyllur ato, ne portalin SelfCare, nga data 1-10 të muajit pasardhës.

DPT bën me dije se përpara se të kryeni mbylljen e librave ne Portalin Selfcare, duhet të verifikoni të dhënat e transaksioneve dhe të kryeni saktësimet përkatëse. Sipas njoftimit librat e shitjes dhe blerjes që nuk te mbyllen nga tatimpaguesit deri në datën 10 të çdo muaji, do të dorëzohen automatikisht nga sistemi në datë 11.

Bazuar në informacionin e publikuar dorëzimi i librave të shitjes dhe blerjes në portalin Self-Care kryhet duke ndjekur hapat e mëposhtëm:

  • aksesoni llogarinë tuaj në portalin SelfCare, nëpërmjet kredecialeve tuaja të portalit e-Albania

  • Ne menune “Libri i shitjeve dhe i blerjeve”, zgjidhni nën-menu “Pasqyra Mujore”, dhe me pas klikoni në periudhën qe do te deklaroni (p.sh.: 2023, 03)

  • Ne seksionin “Artikulli i librit të shitjes” apo “Artikulli i librit të blerjes” mund të verifikoni të gjitha të dhënat për faturat tuaja të shitjes apo te blerjes. Per faturat e blerjes mund te kryeni sistemimet përkatëse për TVSH-në (ne rast se është e nevojshme)

  • pas verifikimeve dhe saktësimeve të faturave të shitjes dhe blerjes, ne seksionin “Informacion bazë” ku shfaqet përmbledhësja e situatës mujore të TVSH-së, duke klikuar “Mbyll librin” ku keni mundësinë të bëni deklarimin e librave, si në pamjen më poshtë:

  • pas mbylljes në SelfCare, librat do të transferohen automatikisht drejt sistemit të deklarimit elektronik E-filing.

Gjithashtu DPT thekson se nëse për periudhën e deklarimit, nuk keni mundur të kryeni saktësimin e të dhënave të faturave në libra apo i keni mbyllur ata para datës 10 dhe keni marrë edhe fatura të tjera (p.sh. Fatura të shërbimeve utilitare), ju do të keni mundësinë që korrigjimin e të dhënave të librave ta kryeni manualisht, nëpërmjet llogarisë tuaj në E-filing.

‘Korrigjimi i librave duhet të kryhet vetëm në ato raste kur ju mund te vërtetoni mospërputhjen e të dhënave te librave ne Selfcare me ato qe ju do te deklaroni. Deklarata e TVSH-së do të vijojë të kryhet manualisht, sipas të dhënave të deklaruar në librat e shitjes dhe blerjes,’ shkruhet në njoftim.

Për të korrigjuar librat nëpërmjet sistemit elektronik të deklarimit E-filing, DPT informon se ju duhet të ndiqni hapat e mëposhtëm:

  • aksesoni llogarinë tuaj te deklarimit elektronik E-filing, ne tatime.gov.al

  • për të ndryshuar librin e shitjes, në menunë “Librat e Shitjeve dhe Blerjeve”, zgjidhni nënmenunë “Librat e shitjeve”

  • klikoni ne seksionin seksioni “Libra të dorëzuara”, përzgjidhni periudhën për të cilën do të ndryshohet libri duke klikuar tek shenja “→”, dhe pas selektimit të periudhës duhet të klikoni tek butoni “Ndrysho Librin”, si në pamjen më poshtë:

 

Për ndryshimin e librit të blerjes duhet të zgjidhni nënmenunë “Librat e Blerjeve” dhe të ndiqni hapat e tjerë të përshkruar më lart.

Edel Strazimiri / SCAN

Sondazh

Poll

Live TV

Të fundit
Të gjitha lajmet

Më të vizituarat

Video