Detyrimet mjedisore për bizneset - Prodhuesit: Të mos kalohet direkt në gjoba. Balluku: Duhet sensibilizim
Problemet që hasin bizneset në drejtim të detyrimeve ligjore në fushën e mjedisit ishin në fokus të takimit mes prodhuesve shqiptarë dhe zv.kryeministres, Belinda Balluku e ministres së Turizmit dhe Mjedisit, Mirela Kumbaro. Prodhuesit propozuan që në procesin e inspektimit, të mos kalohet direkt në penalizimin e bizneseve me gjobë, por faza e parë të jetë këshillimi.
“Hapi i parë i çdo inspektimi duhet të jetë këshillimi. Nëse vendosim këshillimin si hap të parë, ai do të jetë vetëm për të edukuar sipërmarrësin por edhe për të krijuar një ambient komunikimi tjetër me qeverinë”,- tha Arben Shkodra, sekretar i Përgjithshëm i Bashkimit të Prodhuesve Shqiptarë.
Sipas Ballukut në kushtet, kur biznesi e ka informacionin e nevojshëm, zgjidhja më e mirë do të ishte sensibilizimi i sipërmarrjeve.
“Këshillimi do të nevojitej nësë subjekti nuk do të kishte informacion. Nëse ka mungesë informacioni, ne duhet ta shikojmë ndryshe dhe të fillojmë të sensibilizojmë biznesin. Nuk është diçka e çuditshme sepse edhe ligjet që po aplikojmë dhe sensitiviteti mjedisor në Republikën e Shqipërisë është i njëjtë me atë të Bashkimit Europian. Mbase jo të gjithë janë të informuar.
Dhe mund të vijojmë me informimin e bizneseve lidhur me detyrimet që kanë ata ndaj mjedisit apo ndaj ligjeve mjedisore. Këtu po flasim për njësi tregtare e industriale të cilat janë të përgjegjshme dhe kanë marrë përsipër që të kryejnë një aktivitet ku duhen përmbushur disa kërkesa. Si u ndodh ju kur nuk paguani taksat? Ju këshillojnë apo ju vendosin gjobë?”, - tha Balluku.
Ndërkaq, Kumbaro u ndal te ndryshimet ligjore që janë propozuar në drejtim të reduktimit të kohës për shqyrtimin e raporteve të Vlerësimit të Ndimikimit në Mjedis, që janë kusht për pajisjen me leje mjedisore. Sipas saj, kjo nismë ligjore redukton nga 20 në 5 numrin e proceseve që biznesi duhet të kalojë për të marrë lejet mjedisore për aktivitetin që ushtron si dhe redukton në 22 ditë afatin e shqyrtimit të tyre.
Ola Mitre / SCAN
Sondazh
Mbi 60 mijë aplikime për kredi në 2023, u refuzuan 24% - Bankat vendase, u kanë thënë “jo” 6% të aplikimeve të individëve. Të huajat 33%
Gjatë gjashtëmujorit të parë 2023 bankat raportojnë se kanë marrë në shqyrtim gjithsej 60,782 aplikime për kredi, nga të cilat 8% i përkasin sektorit të......
Kontrabandë me veshje dhe mallra të ndryshme – Policia procedon penalisht 3 shtetas!
Specialistët e Sektorit për Hetimin e Krimeve Ekonomiko-Financiare, në drejtimin e Prokurorisë pranë Gjykatës së Shkallës së Parë të Juridiksionit të......
Si këto miniera qymyri të braktisura po përdoren për të ngrohur qindra shtëpi?!
Minierat e braktisura të qymyrit po ofrojnë një burim çuditërisht të fuqishëm energjie me zero karbon në Europë. Një minierë e vjetër qymyri ka siguruar një......
Ferrari do të pranojë kriptomonedhat si pagesë për makinat e saja në SHBA!
Ferrari ka filluar të pranojë pagesa në kriptomonedhë për makinat e saj sportive luksoze në SHBA dhe do ta shtrijë skemën në Europë pas kërkesave të klientëve......
Samiti i Procesit të Berlinit – Policia publikon masat dhe rrugët që do të bllokohen
Nëpërmjet një njoftimi zyrtar Policia e Shtetit ka publikuar planin e masave që do të merren për garantimin e rendit publik, gjatë zhvillimit të Samitit të......
Mali i Zi heq fondin e pensioneve shtetërore - Anulohet pagesa e kontributeve. Çdo gjë, tërësisht në fondet private
Ky është një nga qëllimet e programit “Evropa tani 2”, e gjitha në përputhje me vendimin e Bashkimit Evropian nga viti 2015 për shfuqizimin e të gjitha fondeve......
Vendi që fitoi “lojën” e taksave tani po “noton” në para’ - Në 8 vitet e fundit, të ardhurat tatimore të Irlandës janë trefishuar
Vende të tilla si Arabia Saudite, Norvegjia dhe Kili kanë krijuar prej vitesh fondet e tyre të pasurisë sovrane. Qëllimi është të lënë mënjanë disa nga paratë......
Kreditimi në Kosovë, me “frena dore” - Në janar-qershor, më e ulëta se një vit më parë. Norma mesatare, 6,5%
Aktiviteti kreditues në Kosovë shënoi rritje vjetore prej 14.5% në gjysmën e parë të vitit, që përkon me shkallë më të ulët të rritjes krahasuar me një vit më......
