Bora Muzhaqi: Nisim rishikimin e Ligjit “Për Rininë” bashkë me të rinjtë dhe shoqërinë civile
Bora Muzhaqi, Ministri i Shtetit për Rininë dhe Fëmijët, njoftoi ditën e sotme fillimin e procesit të rishikimit të Ligjit 75/2019 “Për Rininë”, në një takim të organizuar me përfaqësues të shoqërisë civile, anëtarë të Këshillit Kombëtar Rinor dhe Këshillave Vendorë Rinorë, si dhe të rinj e të reja nga e gjithë Shqipëria.
Në fjalën e saj, Muzhaqi theksoi rëndësinë e këtij ligji, i cili u miratua në vitin 2019 për të krijuar një kuadër legjislativ të dedikuar për mbështetjen dhe angazhimin e të rinjve.
“Ka kaluar një periudhë pesëvjeçare nga miratimi i këtij ligji dhe është koha për të reflektuar mbi zhvillimet dhe kërkesat e reja të të rinjve, për të përmirësuar dhe përshtatur ligjin,” tha Muzhaqi, duke theksuar njëherazi se për rishikimin dhe përmirësimin e ligjit ka pasur kërkesa për ndryshime dhe zhvillime të mëtejshme të herëpashershme duke filluar që nga procesi i konsultimeve të Strategjisë Kombëtare të Rinisë, ku edhe është parashikuar si masë e saj, deri në takimet e vazhdueshme me të rinj dhe shoqërinë gjatë tre viteve si ministre.
Gjatë këtyre pesë viteve, ligji ka mundësuar krijimin e 61 këshillave vendorë rinorë në të gjithë bashkitë e vendit dhe Këshillin Kombëtar të Rinisë, që shërbejnë për të tejçuar zërin e të rinjve në nivel lokal dhe qendror.
Përsa i përket mbështetjes për projektet rinore, Ministrja Muzhaqi u ndal tek thirrjet për financimin e projekteve rinore dhe grantet për infrastrukturë rinore.
Përmes Agjencisë Kombëtare të Rinisë, janë mbështetur 58 projekte rinore që kanë përfituar rreth 17,000 të rinj e të reja. Ministrja përmendi gjithashtu ndërtimin e infrastrukturës rinore në 9 bashki dhe krijimin e hapësirave të reja në 6 bashki të tjera gjatë këtij viti, duke përfshirë Sarandën, Matin, Korçën, Librazhdin, Malësinë e Madhe dhe Fierin.
Muzhaqi theksoi se ky proces do të zhvillohet në bashkëpunim të ngushtë me të rinjtë dhe organizatat e shoqërisë civile, duke mbajtur në konsideratë komentet dhe sugjerimet e tyre.
Procesi do të fillojë me katër tryeza pune të dedikuara për kompetencat institucionale, organizimin dhe veprimtarinë e strukturave rinore, financimet për rininë, dhe kushtet për aktivizimin dhe mbështetjen e të rinjve.
“Ky proces është i rëndësishëm për të siguruar transparencë dhe për të bashkëkrijuar politikat me të rinjtë për të rinjtë,” tha Muzhaqi.
Ajo njoftoi gjithashtu nisjen e një turi konsultimesh në të gjithë vendin, për të mbledhur mendimet dhe kërkesat e të rinjve dhe organizatave rinore nga çdo cep i Shqipërisë.
Ministrja Muzhaqi përfundoi fjalën e saj duke falënderuar të gjithë kontribuesit për arritjet deri më tani dhe shprehu besimin se ky proces do të jetë frytdhënës dhe do të ndihmojë në përmirësimin dhe zhvillimin e mëtejshëm të ligjit për rininë.
Sondazh
84% e mjeteve në Shqipëri janë të përdorura - Por, cilat marka preferojnë shqiptarët ti blejnë të reja?
Gjatë periudhës janar- maj 2024, janë regjistruar për herë të pare 41,595 mjete gjithsej, nga të cilat 84% janë mjete të përdorura dhe vetëm 16% janë mjete të......
Në cilët sektorë paguhen më tepër punonjësit? Teknologjia, financa dhe sigurimet, me rritje të lartë në 5 vitet e fundit
Personat e punësuar në ndërmarrjet që ushtrojnë aktivitet financiar apo në kompanitë e sigurimit, paguhen më tepër, ndjekur menjëherë më pas nga sektori i......
Balluku inspekton masat për vendosjen e impianteve të trajtimit të ujërave të ndotur: Deti aseti më i madh, asnjë tolerance për ndotësit!
Task Forca për zbatimin e aktit normative për trajnimin e ujërave të ndotur nga subjektet që operojnë pranë ujërave larës vijon me kontrollet në të gjithë......
Në 4 muaj, të huajt dhe emigrantët, “derdhin” 86 mln euro në prona - Bregdeti “shënjestra” kryesore/ Cilat janë zonat më të preferuara?
Të huajt dhe emigrantët shqiptarë me nënshtetësi të huaj kanë investuar afro 86 milionë euro për blerjen e pasurive të paluajtshme vetëm në 4 muajt e parë të......
Ditë historike për sistemin financiar shqiptar - Sejko firmos aplikimin zyrtar për anëtarësimin e Shqipërisë në SEPA
Shqipëria ka firmosur aplikimin zyrtar për anëtarësim në ‘Single Euro Payments Area” ose siç njihet ndryshe SEPA. Kjo konsiderohet si një ditë historike për......
Rritet energjia e tregtuar në bursën shqiptare - Volumet e shtuara nga bashkimi i tregjeve me Kosovën
Bashkimi i tregjeve energjetike Shqiqëri – Kosovë ka rritur volumet e tregtuara në Bursën Shqiptare të Energjisë Elektrike, ALPEX. Sipas të dhënave të......
GJED gjobit Hungarinë me 200 milionë euro për shkelje "jashtëzakonisht të rëndë" të ligjit të BE-së për azilin!
Gjykata Europiane e Drejtësisë (GJED) ka urdhëruar Hungarinë të paguajë një shumë prej 200 milionë eurosh për kufizimet e vjetra të vendit për ligjin e......
“Ujësjellësit, të bëjnë studim mbi eficiencën e energjisë” - Kuvendi, kërkesë ERRU-së: Energjia, kosto të larta operacionale për shoqëritë
Enti Rregullator i Ujit duhet t’iu kërkojë ujësjellësve të bëjnë një studim mbi eficiencën e energjisë në sistemet e furnizimit me ujë, duke u fokusuar në......
