BE-ja nuk arrin të pajtohet me kufirin e çmimit të gazit rus - Bisedimet rezultojnë vetëm në udhëzime
Ka pasur pak përparim në takimin e ministrave të energjisë të BE-së në lidhje me planet për të kufizuar çmimet e gazit rus. Shtetet anëtare nuk arritën të gjenin një mekanizëm që mund të kapërcejë dallimet që rrjedhin nga pabarazia e madhe midis tyre në lidhje me varësinë e ekonomive të tyre nga karburanti.
Topi është në duart e Komisionit Evropian dhe Presidentes së tij Ursula von der Leyen. I mbledhur me pritshmëri të mëdha dhe me urgjencë ekstreme, takimi i ministrave përgjegjës për energjinë në vendet anëtare të Bashkimit Evropian rezultoi në rekomandime të paqarta për mbajtjen e ekonomisë të qëndrueshme dhe një ndryshim në drejtim në lidhje me një kufi të mundshëm të çmimit të gazit rus.
“Arritëm të biem dakord për një drejtim të përbashkët për masat e përkohshme emergjente dhe t'i japim një detyrë të qartë komisionit që brenda pak ditësh të dalë me një propozim të fuqishëm dhe të prekshëm. Ne do të bëjmë gjithçka që duhet për të ndihmuar qytetarët dhe kompanitë tona që po përballen me çmime të larta të energjisë,” tha ministri çek i Industrisë dhe Tregtisë Jozef Síkela, i cili drejtoi takimin, por ai nuk kishte shumë për të mbështetur pretendimet e tij.
Bisedimet rezultojnë vetëm në udhëzime
Tani për tani, ministrat diskutuan masat e mundshme të nivelit të BE-së që mund të zbatohen në afat të shkurtër. Ata autorizuan Komisionin Evropian të bëjë propozime për kufizimin e të ardhurave të prodhuesve të energjisë elektrike që përballen me kosto të ulëta prodhimi, për të vendosur një kufi çmimi për gazin (jo vetëm gazin rus) dhe për masat për një reduktim të koordinuar të kërkesës për energji elektrike dhe një rritje të likuiditetit, tha Këshilli.
Zyrtarët përgjegjës për politikën energjetike në vendet e BE-së kanë prezantuar përgatitjet për dimër. Këshilli pretendoi se blloku prej 27 anëtarësh është gati. Rezervat nëntokësore të gazit janë mbushur në total me 82.5% të kapacitetit të tyre, shumë përpara afatit të 1 nëntorit të përcaktuar në rregulloren e ruajtjes së gazit.
Reforma e tregut të energjisë elektrike arrin vetëm në fazën e diskutimit të taksave të papritura
Komisioni kishte për detyrë të hartonte një reformë tregu që do të shkëpus "lidhjen midis çmimeve të shtrenjta të gazit dhe energjisë elektrike", thuhet në njoftim. Ministrat kërkuan hapa për të pakësuar fitimet e kompanive të energjisë, ndërkohë që nuk kishte masa konkrete për të detyruar një reduktim të kërkesës si faktori vendimtar, pranoi këshilli.
Ministri italian për Tranzicionin Ekologjik Roberto Cingolani tha se të gjitha vendet e BE-së kanë përzierje energjie dhe kapacitete të ndryshme të rrjetit dhe shtoi se "është shumë e vështirë të gjesh plumbin e argjendtë". Përkatësisht, Hungaria, Republika Çeke dhe Gjermania janë ndër shtetet që kundërshtuan ashpër idenë për të kufizuar çmimet e gazit rus, gjë që nxjerr në pah varësinë e tyre nga karburanti, pavarësisht qëndrimit modest optimist nga Këshilli Evropian.
Ministri i Punëve të Jashtme dhe Tregtisë i Hungarisë Péter Szijjártó vuri në dukje kërcënimet e Kremlinit se do të ndalonte të gjitha dërgesat e gazit nëse vetëm çmimi i gazit rus kufizohet.
“BE-ja tani po përjeton tregje të shtrënguara të energjisë elektrike. Kjo është kryesisht për shkak të ndikimit të luftës së Rusisë kundër Ukrainës dhe ndërprerjeve të furnizimit me gaz dhe rritjes së çmimeve të gazit”, thuhet në shënimet nga ngjarja.
Von der Leyen pritet të prezantojë propozimet e Komisionit Evropian më 14 shtator.
N.Xh / SCAN
Sondazh
Pse taksapaguesit italianë po i paguajnë 241 milionë euro një kompanie nafte në Mbretërinë e Bashkuar?
Qeveria italiane është urdhëruar të paguajë një kompani të naftës dhe gazit në Mbretërinë e Bashkuar mbi 240 milionë euro për bllokimin e një projekti të......
Energjia e pastër më shumë punonjës se industria e karburanteve fosile – Pagat ende të pabarabarta
Energjia e pastër tani ofron më shumë punësim sesa industria e karburanteve fosile, duke reflektuar ndryshimin që po bëjnë përpjekjet për të trajtuar......
Kreu i SEC thotë se shumica e kriptomonedhave funksionojnë në mënyrë të paligjshme – Kërkon regjistrimin e tyre
Ekziston një test ligjor që rregullatorët amerikanë përdorin për të përcaktuar se çfarë kualifikohet si një kontratë investimi, dhe për këtë arsye duhet të......
Kostot financiare të vdekjes së mbretëreshës - Bizneset do të mbyllen rreth 12 ditë. Monedhat, pasaportat, uniformat do të rinovohen
Mbretëresha Elizabet II ishte monarkja më jetëgjatë në historinë britanike. Ajo u ul në fron në vitin 1952 dhe mbretëroi për 70 vjet, deri sa u nda nga jeta në......
Kroacia, çmime tavan për energjinë - Çmimi për familjet, maksimumi 0,59 euro/KWh. Në fuqi nga 1 tetori deri 1 mars 2023
Kroacia do të kufizojë çmimet e energjisë elektrike nga 1 tetori deri më 1 mars 2023 për të ndihmuar bizneset dhe familjet të përballen me rritjen e......
Pritet rënie e inflacionit në Kosovë - Bankat tregtare presin një shkallë vjetore prej 9,7%. Faktorët që do të ndikojnë
Bazuar në anketën e kreditimit bankar dhe pritjet për inflacionin të realizuar në gusht 2022, bankat tregtare në Kosovë kanë vlerësuar nivel pak mё tё ulët tё......
Japonia, ndihmë qytetarëve për rritjen e çmimeve - 350 dollarë në kuadrin e mbështetjes financiare për familjet me të ardhura të ulëta
Qeveria e Japonisë ka publikuar masat për të zbutur impaktin e rritjes së cmimeve të ushqimeve dhe energjisë në ekonominë e familjeve me të ardhura të ulëta,......
Greqi, rritja ekonomike mbi 5% - Një nga faktorët kryesor është sezoni i suksesshëm turistik
Analistët e agjencive të vlerësimit dhe ekonomistët grekë parashikojnë rritje të ekonomisë mbi 5% këtë vit, pas të dhënave të forta të tremujorit të dytë,......
