Balluku: Sistemi i ri i faturimit të energjisë elektrike për furrat e bukës ka gjetur dakordësinë e subjekteve
Sistemi i ri i faturimit të energjisë elektrike për subjektet që operojnë si furra buke ka gjetur dakordësinë e të gjithë aktorëve. Sistemi i ri bazohet në tipologjinë e secilit prej subjekteve, në varësi të aktivitetit që ato ushtrojnë.
Janë afro 2600 subjekte në të gjithë vendin që preken nga ky sistem i ri, të cilat janë ndarë në tre kategori, subjektet që operojnë vetëm si furra buke, ato që operojnë si furra buke, por tregtojnë edhe produkte pastiçerie, si dhe subjektet që janë të integruara ku krahas operimit si furrë buke, tregtojnë edhe produkte pastiçerie, përfshirë edhe bar-kafe.
Zëvendëskryeministrja, njëherësh Ministër i Infrastrukturës dhe Energjisë, Belinda Balluku, së bashku me Administratorin e OSHEE, Enea Karakaçi, vizatuan një prej subjekteve i cili krahas furrës së bukës operon edhe në shitjen e produkteve të pastiçerisë si dhe bar-kafe, i cili me skemën e re do të faturohet me një çmim prej 12 lekë për kilovatorë.
Administratori i OSHEE sqaroi se pas miratimit të skemës së re, grupet e punës kanë nisur verifikimet në terren për të bërë ndarjen e subjekteve sipas tre kategorive, teksa theksoi se deri më tani i gjithë procesi ka gjetur mbështetjen e të gjitha subjekteve.
“Edhe nga ana e subjekteve të furrave të bukës ka pasur një bashkëpunim maksimal. E kanë kuptuar procesin. E dinë që është për të mirën e tyre. Ato që janë subjekte të mëdha, patjetër e dinë që kanë një aktivitet shumë më të gjerë dhe ndoshta mund të paguajnë diçka më tepër, por të gjitha subjektet e tjera, ato që kanë vetëm furrë buke apo furrë buke dhe pastiçeri dalin të fituara”, tha Karakaçi.
Ministrja Balluku e cilësoi skemën e re të faturimit si të drejtë dhe që i jep fund një problematike shumëvjeçare. Gjithashtu nxit konkurrencën brenda sektorit. Balluku u shpreh më tej se përmes kësaj skeme nuk do të ketë asnjë rritje të çmimit të produkteve.
“Të gjithë do të trajtohen në mënyrë të barabartë, do trajtohen në mënyrë të rregullt, sepse ne nuk duhet të harrojmë që energjia përgjithësisht shkon mbi 20% të kostos së një produkti dhe duke shkuar mbi 20% të kostos së një produkti është shumë i rëndësishëm. Ndaj kur ka një trajtim të barabartë në treg dhe një trajtim të drejtë edhe konkurrenca mes palëve do jetë e drejtë sepse këtu ishte problemi konkurrencës. Kështu që kemi stabilizuar njëherë e mirë të gjithë këtë proces, duke arritur dhe duke pasur transparencë përsa i përket matjes mujore”, u shpreh Balluku.
Deri më tani janë verifikuar nga ana e grupeve të OSHEE mbi 1300 subjekte, për të bërë kategorizimin e tyre. Me skemën e re furrat e bukës, të cilat tregtojnë vetëm bukë, do të faturohen me çmimin 7.6 lekë për kilovatorë, ato që krahas bukës tregtojnë edhe produkte pastiçeri, do të kenë një çmim prej 9.5 lekë për kilovatorë, ndërsa subjekte që krahas bukës tregtojnë edhe produkte pastiçeri, si dhe funksionojnë edhe si bar- kafe do të faturohen me çmimin 12 lekë për kilovatorë.
Sondazh
Në 4 muaj, 295 ankesa për tenderët në KPP - Në prill arkëtohen rreth 5.8 milionë lekë si garanci të procedurave të prokurimit
Në komisionin e Prokurimit Publik për muajin prill janë adresuar 106 ankesa në total, duke bërë kështu dhe muajin me numrin më të lartë të ankesave për këtë......
Mbivendosja e pronave, tre mënyrat e zgjidhjes - Ish-kreu i Hipotekës: Nëse palët nuk arrijnë marrëveshjen, mund ti drejtohen gjykatës
Në jo pak raste, procesi i regjistrimit të titujve të pronësisë nuk është përmbyllur për shkak të pasaktësive apo gabimeve, që e kanë origjinën në konfigurimin......
Shqipëria, me rrjetin 5G nga viti i ardhshëm - Kreu i AKEP: Dominimi i tregut nga 2 operatorë mund të ndikojë në rritjen e çmimeve
Nga viti i ardhshëm në Shqipëri do të nisë operimet teknologjia e rrjetit 5G. Deklarata është bërë nga kreu i Autoritetit të Komunikimeve Elektronike dhe......
Pse çmimi i përbërësit kryesor të çokollatës u ngrit në qiell në 2024-ën?!
Përbërësi kryesor i çokollatës është rritur drastikisht në tregjet e mallrave gjatë gjithë vitit 2024. Çmimet e para të kakaos e filluan vitin rreth 4200......
Italia po përgatitet për një valë rekord turistësh, por pse e ka të vështirë t'i menaxhojë ata?
Italia është e kapur nga në një grackë ziliqare: nuk mund të jetojë pa turistë, por ka probleme me trajtimin e fluksit, veçanërisht pas Covid. 60 milionë......
Ujësjellësit, rikuperim kostosh nga tarifat - Detyrimet nga ligji i ri, Shani: Shëndoshja financiare pas reformës do mundësojë arritjen
Ligji i ri “Për menaxhimin e integruar të burimeve ujore” kërkon zbatimin e parimit të rekuperimit të kostos, për të garantuar menaxhimin e pasurive ujore,......
Pogradeci "pushtohet" nga 10 mijë turistë gjermanë - Marrëveshje mes operatorëve turistikë Shqipëri-Greqi
Operatorët turistikë në Pogradec për këtë vit kanë nënshkruar kontrata të përbashkëta bashkëpunimi me tur-operatorët në shtetin fqinj Greqi për të sjellë mbi......
Kush po e rrit konsumin, turistët apo vendasit? - Të ardhurat nga TVSH e brendshme shtohen me 23.2%
Të ardhurat bruto në buxhetin e shtetit nga Tatimi mbi Vlerën e Shtuar po rriten në mënyrë progresive. Të dhënat zyrtare të Ministrisë së Financave tregojnë se......
