Kush po e rrit konsumin, turistët apo vendasit? - Të ardhurat nga TVSH e brendshme shtohen me 23.2%
Të ardhurat bruto në buxhetin e shtetit nga Tatimi mbi Vlerën e Shtuar po rriten në mënyrë progresive. Të dhënat zyrtare të Ministrisë së Financave tregojnë se në 4 mujor, tatimet dhe doganat kanë mbledhur 71.6 miliardë lekë, me rritje prej 11.3 për qind në raport me të njëjtën periudhë të një viti më parë.
Ndërsa vetëm për muajin prill realizimi i të ardhurave nga TVSH bruto regjistron një rritje prej 19.5 % krahasimisht me Prill 2023.
Ajo që vihet re është se të ardhurat e mbledhura nga administrata tatimore, pra që tregojnë konsumin në vend kanë pasur rritjen me të madhe, me afro 23.2 për qind në 4-mujor dhe 40 për qind në muajin Prill. E shprehur në vlerë, janë 24.2 miliardë lekë të arkëtuara për Janar-Prill, me një kapërcim prej 4.6 miliardë lekësh, një shifër kjo e cila përkthehet direkt në konsum të shtuar përgjatë kësaj kohe.
Ky konsum vjen si pasojë e uljes së çmimeve gjatë këtij viti krahasuar më vitin 2023, kur inflacioni ishte ende në nivele të larta, gjë që i ka shtyrë qytetarët të rrisin konsumin. Ky konsum është i lidhur edhe më rritjen e pagave në administratë por edhe në sektorin privat, gjë që i ka dhënë më shumë mundësi qytetarëve për të shpenzuar.
Nga ana tjetër pavarësisht bumit turistik të regjistruar vitin e kaluar, 2024 ka nisur edhe më mbarë, duke kontribuuar kështu në konsumin e përgjithshëm në vend. Të dhënat e INSTAT tregojnë se gjatë kësaj periudhë numri i turistëve të huaj që kanë vizituar vendin tonë është regjistruar në 2.3 milion, apo 38.2 për qind më shumë se viti 2023.
Nga ana tjetër, pavarësisht zhvlerësimit të euros, edhe të ardhurat e TVSH-së nga doganat kanë shënuar rritje në 4-mujor me 6.1 për qind, për shkak të rritjes së volumit të importeve, duke u regjistruar në 47,4 miliardë lekë.
Përgjatë kësaj periudhe është rritur ndjeshëm edhe masa e rimbursimit të bizneseve nga qeveria, shifër e cila regjistrohet në afro 4.5 miliardë lekë, por pavarësisht kësaj TVSH neto rezulton sërish në trend pozitiv dhe në një rritje prej 10.8 për qind në raport me 2023. Konkretisht në janar-prill 2024, TVSH-ja e arkëtuar neto arrin në 67 miliardë lekë nga 60 miliardë që ishte në 4-mujorin 2023.
Elisabeta Dosku/ SCAN
Sondazh
Zgjerohet tregu i shoqërive të kursim-kreditit - Aktivet shtohen me 130 milionë lekë në tre muajt e parë të vitit
Gjatë tremujorit të parë të këtij viti tregu i shoqërive të kursim-kreditit u rrit me 8.9%, krahasuar me të njëjtin tremujor të një viti më parë. Sipas të......
“Konsumatorët presin ekonomi të dobët në të ardhmen” - Bie me 1.1 pikë treguesi i ndjesisë ekonomike. Me rritje vetëm tregtia dhe shërbimet
Konsumatorët e shohin me pesimizëm gjendjen e ekonomisë së vendit në të ardhmen, kjo ndikuar edhe nga situata e tyre aktuale financiare, aftësia blerëse në......
“Super tender” i FSHZH për projektime - Nga rrugët, urat, te rrjetet elektrike. Fondi limit në dispozicion është 333.34 mln lekë
Me një fond limit prej rreth 333.34 mln lekë, Fondi Shqiptar i Zhvillimit synon hartimin e masterplaneve, projekteve të detajuar dhe dokumentet për tenderim......
Më shumë transparencë për informacionin publik - Rama: Do të ballafaqojmë institucionet mes fakteve dhe çfarë zbatohet në ligje
Shqipëria ka bërë hapa përpara sa I përket transparencës për dhënie të informacionit, por sërish kërkohet që instucionet të jenë më afër kërkesave të publikut.......
Konferenca e Komisionerëve/Besnik Dervishi: “Të palëkundur për të nxitur transparencën te autoritetet publike, e drejta e informimit gur themeli për demokracinë”
Në Tiranë u mbajt edicioni i 15-të i Konferencës Ndërkombëtare të Komisionerëve të Informimit, forumi më i lartë dhe më i rëndësishëm i bashkëpunimit e......
Si ka nisur kjo javë për valutat e huaja?
Dollari amerikan ka regjistruar rritje këtë të hënë pasi është blerë sot me 92.1 lekë dhe është shitur me 93 lekë në raport me javën që lamë pas sipas kursit......
Rritet prodhimi i energjise së BE-së - Kapaciteti i erës pësoi rritje me 31%, i diellit u dyfishua
Prodhimi i energjisë nga era dhe dielli në Bashkimin Evropian u rrit me 46% nga viti 2019, që kur Komisioni aktual Evropian mori detyrën, deri në vitin 2023,......
Qiratë afatshkurtra gjatë sezonit veror - Më të lirat dhe më të shtrenjtat në Europë. Në Tiranë, tarifa mesatare është 50 euro
Vera ka ardhur dhe programimi i pushimeve rrit me shpejtësi numrin e prenotimeve për ambientet me qira afatshkurtër në të gjithë Europën. Sipas të dhënave të......
