Aksesi i grave në vendimmarrje/ Përmirësohet përfaqësimi gjinor, por mbetemi akoma në nivele të ulta
Përfaqësimi gjinor në vendimmarrje është përmirësuar vitet e fundit dhe këtë e pohon jo vetëm indeksi i barazisë gjinore, por edhe të dhënat e publikuara nga INSTAT, të dhëna këto që i referohen vitit të kaluar, pra vitit 2022.
“Scan Intel” ka analizuar aksesin e grave në organe të rëndësishme si Parlamenti, Strukturat e Policisë, Forcat e Armatosura dhe fusha të tjera. E përkthyer në shifra, konstatojmë se në Kuvendin e Shqipërisë ka patur një rritje progresive të grave në vendimmarrje, ku kjo rritje përllogaritet 5% që nga viti 2001. Në vitin 2022, sipas të dhënave, parlamenti përbëhet nga 64.3% burra dhe nga 35.7% gra.
Sipas analizës, sa i përket pozicionit që gëzojnë gratë në parlament, rezulton se për pozicionin kryetar i grupeve parlamentare, në vitin 2022, ishin 3 burra dhe 1 grua, pra në peshë gratë përbëjnë vetëm 25% të totalit. Ndërkohë, nënkryetarët e parlamentit dhe kryetarët e komisioneve parlamentare kishin një shpërndarje të barabartë të burrave dhe grave në masën 50%, ku ekzaktëzisht ishin 5 burra dhe 5 gra. Pozicion tjetër i “pushtuar" nga burrat ishte ai i deputetit ku ishin respektivisht 82 burra dhe 43 gra ose 65.6% burra dhe 34.4% gra respektivisht.
Gjithashtu INSTAT disponon të dhëna edhe për përbërjen e komisioneve parlamentare sipas gjinisë, ku dukshëm vihet re një “dominim” i gjinisë mashkullore, por përjashtim bën komisioni për punën, çështjet sociale dhe shëndetësinë, ku janë përkatësisht 8 burra dhe 13 gra, si dhe komisioni për edukimin, ku ky komision parlamentar përbëhet nga 8 burra dhe 11 gra. E përkthyer në vlerë nominale, vendimmarrja e grave është në masën 61.9% dhe 57.9%respektivisht.
Konkretisht, në shifra ekzakte përfaqësimi i burrave dhe grave në komisionet e tjera është si më poshtë: Komisioni i çështjeve ligjore, administratës publike dhe të drejtave të njeriut përbëhet nga 17 burra 8 gra; Komisioni për integrim europian përbëhet nga 11 burra 6 gra; Komisioni për politikën e jashtme përbëhet nga 14 burra 5 gra; Komisioni për ekonominë dhe financat përbëhet nga 11 burra 9 gra; Komisioni për sigurinë kombëtare përbëhet nga 17 burra 3 gra dhe Komisioni për veprimtarinë prodhuese, tregtinë dhe mjedisin përbëhet nga 18 burra 2 gra.
Analiza ka vijuar me strukturat e policisë ku numri i punonjëseve gra vijon të mbetet shumë i ulët ashtu si në vitin 2021. Vetëm 14.8% e punonjësve janë gra në strukturat e policisë, ku 41.1% e tyre kanë gradën 'Inspektor' dhe 38.2% kanë gradën Civil'. Pra, konkludojmë se numri i punonjëseve gra vjen duke u rritur me uljen e nivelit të gradave, ndërkohë që në vitin 2022, vetëm 1 grua ishte në nivelin e 'Drejtuesit të Parë'. Përsa i përket aksesit të burrave dhe grave në forcat e armatosura, vetëm 15% e tyre janë gra, ku 40.9% të totalit e përbëjnë gratë oficere.
Sondazh
Euro "cënon" kursimet e shqiptarëve/ Depozitat i rikthehen rënies, tkurren në Shtator me 0.35%
Sipas të dhënave zyrtare të publikuara nga Banka e Shqipërisë konstatohet se depozitat në paranë e gjerë i janë rikthyer rënies në muajin Shtator të këtij......
Transporti ngadalëson rritjen/ Në tremujorin e tretë volumi i mallrave të transportuara me det u rrit me vetëm 0.1%
Rënia e nivelit të çmimeve në përgjithësi ka stabilizuar shifrat e transportit në tremujorin e parë dhe të dytë, por rritja mallrave të transportuara për......
Çmimi i energjisë, Shqipëria ndër më të lirat/ Eurostat: Jemi mes vendeve të fundit në Europë, por e dyta në rajon
Pas rritjes së vazhdueshme të çmimeve që solli lufta Rusi-Ukrainë, duket se këtë vit çmimet po fillojnë të normalizohen. Por si paraqiten çmimet e energjisë......
Më pak llogari depozitash në vitin 2022/ Janë rreth 3.5 milion në total, 56% zotërohen nga meshkujt
Shifrat e fundit të publikuara nga Instituti i Statistikave, mbi “Gratë dhe Burrat në Shqipëri”, përmbajnë të dhëna në lidhje me ecurinë e llogarive të......
Të drejtat themelore, më shumë shkelje në vitin 2022/ Avokati i Popullit: Pushteti vendor ka regjistruar numrin më lartë
Në vitin 2022 janë paraqitur më shumë raste mbi pretendimet për shkelje të të drejtave dhe lirive themelore në çdo formë të mundshme pranë ‘Avokatit të......
Turizmi, më shumë ikën se sa erdhën/ Por, sezoni vazhdoi edhe në vjeshtë, 1.1 milion të huaj vizituan vendin
Statistikat e lëvizjes së shtetasve të publikuara nga INSTAT, që përkojnë me muajin Shtator të këtij viti, reflektojnë një rritje të këtij treguesi krahasuar......
31.5% e mjeteve "ngelin në klasë"/ Rritet norma e makinave që nuk kalojnë testin e kontrollit teknik
Sipas raportit të publikuar nga DPSHTRR, raport ky që i referohet periudhës Janar-Shtator 2023 mbi kontrollin teknik të mjeteve, rezulton se i janë nënshtruar......
Sa qëndruan të huajt në Shqipëri gjatë sezonit veror? Një turist u akomodua mesatarisht 3.2 netë në struktura
Shifrat nga “Instituti i statistikave” tregojnë se gjatë muajit Gusht të këtij viti, numri i vizitorëve gjithsej regjistrohet 492,929 duke shënuar rritje me......
