1.5 mld lekë më shumë për ujësjellësit - Investimet 2024 / Buxheti shkon në 8.8 mld lekë, prioritet marrin zonat bregdetare
Mbështetja buxhetore për sektorin e ujësjellës – kanalizimeve do të pësojë rritje gjatë vitit që vjen. Sipas projektbuxhetit 2024, investimet publike me financim të brendshëm për këtë sektor parashikohen në 8.8 mld lekë, nga 7.3 mld lekë që ishte gjatë vitit 2023. Ndërkohë që, lista e projekteve që do mbështeten përfshin një sërë investimesh të reja që do të kryhen nga shoqëritë rajonale, që u krijuan pas reformës në sektor.
Paralelisht, është edhe Agjencia Kombëtare e Ujësjellës Kanalizime, që gjithashtu do të menaxhojë një pjesë të projekteve që parashikohet të nisin gjatë vitit 2024. Investimet e reja kapin një vlerë totale prej rreth 1 mld lekësh, ndërkohë që pjesa tjerë janë financim për projekte që tashmë kanë nisur.
Sa i takon disa prej projekteve që do të marrin më shumë financim, në krye të listës është furnizimi me ujë i zonave bregdetare, që janë zona të investimit strategjik e më konkretisht Draleos, Drimadhes dhe Dhërmi, me 267.6 mln lekë.
Pas tij vjen rikonstruksioni i magjistralit kryesor dhe rrjetit të brendshëm të ujësjellësit të qytetit Patos, me 226.7 mln lekë. Një nga projektet më të financuar është edhe ujësjellësi i zonës së ujit të ftohtë, lungomares dhe shkolla e Marinës në Vlorë, me 209 mln lekë. Ndërkaq, sa i takon projekteve me financim të huaj, ato kapin vlerën e 2.2 mld lekëve, 678 mln prej të cilave janë grant dhe pjesa tjetër kredi.
Sipas relacionit që shoqëron projektbuxhetin në kuvend, me investimet në sektor synohet reduktimi i humbjeve në rrjet në nivel kombëtar në masën 57% në vitin 2026 nga 63% që parashikohet në vitin 2023, ndërkohë që orët mesatare të furnizimit me ujë të pijshëm synohet të rriten në 19 orë/ditë në vitin 2026 nga 16 orë/ditë në vitin 2023.
Ola Mitre / SCAN
Tiranë-Durrës, në fillim të vitit nis zgjerimi i rrugës - Drejtori i ARRSH, Berberi: Në 2024 hapet Tuneli Llogarisë, përfundon Unaza Madhe
Në fillim të vitit që vjen Autoriteti Rrugor Shqiptar do të nisë punën për zgjerimin e autostradës Tiranë-Durrës duke i dhënë zgjidhje trafikut në këtë segment......
Durrësi, me rritjen më të lartë të kreditimit - Shkodra dhe Lezha, të vetmet me rënie në tremujorin e tretë
Referuar të dhënave të publikuara nga Banka e Shqipërisë rreth “Huatve për individët sipas rrethit dhe qëllimit të përdorimit”, në tremujorin e tretë të këtij......
Rritet financimi për koncesionet e rrugëve - Projektbuxheti 2024/Për herë të parë financohet bypassi i Tiranës
Teksa financimi i përgjithshëm për transportin rrugor parashikohet në rënie, buxheti për kontratat koncesionare për ndërtimin e rrugëve do të pësojë rritje......
Sa janë financuar fermerët në 5 vitet e fundit? - Pr.buxheti e kthen bujqësinë pas. Shkurtohen fondet për subvencione
Bujqësia është sektori më i rëndësishëm i ekonomisë që kontribuon në nivelin 20 % të Prodhimit të Brendshëm Bruto dhe mbi 40 për qind në punësim. Por nga ana......
Pse BE-ja mund të konkurrojë me Kinën për gaz këtë dimër?!
Ekspertët po parashikojnë një dimër të butë të ardhshëm në Europë, por shtetet e BE-së mund të përballen ende me mungesë të gazit të lëngshëm nëse kërkesa e......
Gjendja e demokracisë: Ku renditet Shqipëria mes vendeve europiane?!
Europa ruan statusin e saj si rajoni me performancën më të lartë në botë në performancën demokratike, por janë parë rënie në shumë vende duke përfshirë......
Putin nënshkruan tërheqjen e Rusisë nga traktati që ndalon testet bërthamore!
Presidenti rus Vladimir Putin nënshkroi të enjten një ligj që revokon ratifikimin nga Rusia të Traktatit të Ndalimit të Testeve Bërthamore (CTBT), në një sfond......
Antibiotikët për fëmijë: Pse janë gjithnjë e më pak efektivë?!
Antibiotikët që përdoren normalisht për trajtimin e infeksioneve tek fëmijët po humbasin efektivitetin e tyre në disa pjesë të botës, për shkak të rritjes së......
