Vendimi i Kushtetueses, Çfarë ndodh tani me kompensimin e pronarëve? Kreu i ATP, Geraldo Durdaj shpjegon se si do të vijohet me procesin
Me datën 8 nëntor Gjykata Kushtetuese pezulloi zbatimin e ligjit për trajtimin e pronës.
Por cili është impakti i këtij vendimi në procesin e trajtimit të pronës?
“Akoma nuk kemi vendimin e Gjykatës Kushtetuese në dispozicion që të shohim se cilat kanë qenë ato pika mbi të cilat është marrë vendimi. Pasojat janë të mëdha për të shpronësuarit pasi ne kishim dosje që kishin filluar në trajtim për subjekte që kishin aplikuar në Agjencinë e Kadastrës për të marrë rikonfirmimet e statuseve juridike që nga ky vendim do të mbeten pezull. Pezull na mbetet edhe rishqyrtimi i dosjeve ku afati është deri në dhjetor 2024. Këto janë disa nga pasojat e vendimit të Gjykatës Kushtetues, e gjithsesi shpresojmë që Gjykata të këtë një vendimarrje sa më të shpejtë që t’i hapë rrugë procesit të trajtimit të pronës që është një nga proceset më të rëndësishme për qytetarët shqiptarë” deklaroi kreu i Agjencisë së Trajtimit të Pronës, Geraldo Durdaj
Duke folur në SCAN Live pas vendimit të Gjykatës, Durdaj analizoi dhe më tej ecurinë e procesit, duke vënë theksin te objektivat kohorë të përfundimit të procesit të kompensimit financiar dhe fizik të të shpronësuarve.
“Ligji 77 i vitit 2022 i ka të përcaktuara afatet për mbylljen e procedurave të kompensimit të subjekteve të shpronësuar që është dhjetori i 2026 dhe për dosjet që janë në shqyrtim është dhjetori i 2024 që do të përfundojë me njohjen ose jo të dosjeve që kemi në shqyrtim që janë rreth 9 mijë dosje” tha Durdaj.
Pak ditë më parë, Gjykata Kushtetuese shqyrtoi kërkesën e Komunitetit Musliman të Shqipërisë që kërkonte shfuqizimin e pikës 2 të nenit 1 dhe pikave 1, 2 dhe 5 të nenit 2 të ligjit “Për trajtimin e pronës dhe përfundimin e procesit të kompensimit të pronave””, si të papajtueshme me Kushtetutën e Republikës së Shqipërisë.
Në fund të shqyrtimit, Gjykata Kushtetuese vendosi kalimin e çështjes për shqyrtim në seancë plenare publike dhe pranimin e kërkesës për pezullimin e zbatimit të ligjit në fjalë.
Komuniteti Musliman ka kundërshtuar ndryshimet e vitit 2022 në ligjin për trajtimin e pronës duke ankimuar në Gjykatë mënyrën sesi vlerësohej prona dhe mënyrën sesi kompensohej financiarisht ajo. Në ndryshimet e vitit 2022 u vendos që përllogaritja e pronës për kompensim të bëhej sipas kategorisë që ka qenë në kohën e kompensimit, pra sipas zërit të vjetër kadastral.
Sondazh
Raundi i ri i sanksioneve të BE-së kundër Rusisë synon importet e diamanteve!
Propozimi, i cili është nënshkruar edhe nga Përfaqësuesi i Lartë Josep Borrell, u shpërnda të martën në mbrëmje pas disa javësh konsultimesh prapa skenave me......
Emigrantët, deklarim të adresës për çdo banesë në pronësi - Projektligji/ Nëse kundërshtojnë, nuk marrin shërbime online të gjendjes civile
Ministria e Brendshme ka hartuar dhe hedhur për konsultim publik një projektligj, që sjell ndryshime në gjendjen civile, me fokus emigrantët, të cilët janë me......
Ku i bënë pushimet shqiptarët? - Analiza/ Nga destinacioni i preferuar, deri tek vendi i origjinës së vizitorëve
Turzmi ka përjetuar ditët e tij më të mira gjatë këtyre dy viteve. Të dhënat e fundit të publikuara nga INSTAT bëjnë më dije se në vitin 2022 janë kryer......
Lëndët e para, gjithnjë e më të rralla - A do të kushtojnë më shumë automjetet elektrike dhe panelet diellore?
Pas vendimit për të kufizuar eksportin e galiumit, germaniumit dhe grafitit, Pekini tashmë forcon kontrollet mbi eksportin e mineraleve të rralla. Për herë të......
Arabia Saudite po ndërton një vendpushim skish në shkretëtirë! (FOTOT)
Resorti i skive, Trojena, do të jetë i disponueshëm për skiatorët për tre muaj çdo vit, ndërsa pjesën tjetër të kohës turistët do të mund të bëjnë sporte ujore......
Efektet e para pas rritjes së normës bazë të interesit - Yieldi i bonove 12-mujore, arrin në 3,31%. Më i larti që nga muaji qershor
Rreth dy javë pasi Banka e Shqipërisë rriti normën bazë të interesit në 3,25%, janë ndjerë efektet e para në tregun financiar të vendit. Në ankandin e......
“Monedhat digjitale mund të zëvendësojnë paratë” - Sipas FMN, Bankat Qendrore nuk do të kthehen prapa në kohë
Monedhat digjitale të bankës qendrore kanë potencialin për të zëvendësuar paratë cash, por përshtatja mund të marrë kohë. Deklarata u bë nga drejtoresha e......
Projekti i ri/ Internet falas në Astir, Kombinat e Kinostudio! 15 zonat e reja ku do të ofrohet shërbimi wi-Fi falas
Bashkia e Tiranës do të zgjerojë zonat e ofrimit të shërnimit të internetit falas në hapësirat publike. Aktualisht ky shërbim ofrohet falas në 13 zona të......
