Taksa e pasurisë arrin “kulmin”, rritje me 38 % - Rekord të ardhurash për bashkitë, afro 51 milionë euro për 7 muaj
Elisabeta Dosku/ SCAN
Nevoja për më shumë të ardhura dhe domosdoshmëria për të shlyer stokun e detyrimeve të prapambetura ka bërë që bashkitë t’i japin më shumë vëmendje vjeljes së taksës mbi ndërtesat.
Të dhënat zyrtare të Ministrisë së Financave për periudhën 7-mujore Janar- Korrik, tregojnë se të ardhurat nga kjo taksë kanë arritur nivelin rekord të 10 viteve të fundit, që nga viti 2014, duke u regjistruar në 5.1 miliardë lekë apo 51 milionë euro.
Në raport me të njëjtën periudhë të një viti më parë të ardhurat janë rritur me 1.4 miliard lekë apo rreth 37.9 % më shumë. Nga ana tjetër ka një kapërcim në raport me planin për këtë periudhë me 2 miliardë lekë apo rritje me 66.7 %.
E thënë ndryshe, në 7 muaj, është realizuar 89% e gjithë planit vjetor të mbledhjes së kësaj takse, ku në total parashikohet të arkëtohen 5.7 miliardë lekë.
Të ardhurat nga taksa mbi pasuritë e paluajtshme dhe transaksionet e kryera me to, kanë ndjekur prirje rritëse ndër vite, dhe duket se ky vit ka një vrull shumë më të lartë.
Ndikim në këtë perfomancë ka pasur rritja e numrit të lejeve të ndërtimit të dhëna dhe sipërfaqeve ndërtimore, zhvillimi që ka marrë ky sektor kryesisht në zonat bregdetare si dhe rritja e numrit të transaksioneve. Peshën më të madhe në mbledhjen e kësaj takse e ka Bashkia Tiranë, ndjekur nga bashkitë në zonat bregdetare dhe njësitë e tjera të mëdha.
Rreth 5 vite nga reformimi i taksës së pronës (taksa e ndërtesës), problematikat e lidhura me të drejtat e pronësisë dhe mungesës së regjistrave kadastralë, kanë penguar shfrytëzimin e plotë të potencialit të saj.
Në tre vitet e fundit, të ardhurat nga kjo taksë vlerësohen në mesatarisht 0.3% ndaj PBB-së nominale, raport ky ndjeshëm më i ulët krahasuar me mesataren e vendeve të rajonit të Evropës Juglindore, prej rreth 0.6% të PBB-së.
Sondazh
Korriku, rekord importesh të pijeve dhe duhanit - Rreth 2.7 dhe 1.3 miliardë lekë, vlera më e lartë që nga viti 2005
Xhorxhina Deda/SCAN Shifrat e tregtisë së jashtme për muajin Korrik veçojnë një sërë treguesish që kanë pësuar ndryshime interesante. Nëse analizojmë të......
Paundi rritet në nivelin më të lartë në 29 muaj pas sinjalit të uljes së normës së Fed në Jackson Hole!
Edel Strazimiri / SCAN Paundi britanik u rrit kundrejt monedhave të tjera në grupin G-10 të premten pas simpoziumit Jackson Hole, një konferencë në Wyoming......
Çmimet e naftës rriten pas përshkallëzimit të tensioneve në Lindjen e Mesme!
Edel Strazimiri / SCAN Çmimet e naftës së papërpunuar ishin më të larta në seancën e hershme aziatike mes përshkallëzimit të konfliktit në Lindjen e......
Kriza e vajit të ullirit: Fermerët spanjollë akuzojnë supermarketet për fryrje të çmimeve mes mungesës së prodhimit!
Edel Strazimiri / SCAN Valët e të nxehtit dhe thatësira kanë dëmtuar prodhimin e vajit të ullirit në vitet e fundit. Spanja, ofruesi më i madh në botë......
Si ka nisur kjo javë për valutat kryesore?
Dollari amerikan e ka nisur këtë javë negativisht teksa është blerë sot me 89.1 lekë dhe është shitur me 90.1 lekë nga java e kaluar sipas kursit të......
Qeveria rrit huamarrjen në tregun e brendshëm - Shtohet me 24.7 mld lekë vetëm në T2, risi blerja e titujve nga jorezidentët
Lidion Kulla/SCAN Huamarrja e re neto në tregun e brendshëm u shtua me 24.7 miliardë lekë në tremujorin e dytë, e cila konsistoi thuajse tërësisht, apo......
Britani, fatura e energjisë do të rritet me 10% - Çmimet e tregut ndërkombëtar kanë nxitur zgjerimin
Kristi Ceta/SCAN Familjet do të fillojnë dimrin me një rritje prej 10% në faturat e tyre të energjisë pasi rregullatori i industrisë rriti kufirin e......
Termocentrali më i madh gjeotermik në Evropë - Kroacia fillon punimet për ndërtimin e impiantit
Kristi Ceta/SCAN Kroacia ka filluar punimet për ndërtimin e termocentralit më të madh gjeotermik në Evropë. Impianti do të ngrihet në veri-lindje të......
