Si mund të sekuestrohen paratë e oligarkëve? – BE propozon rregulla të reja!
Komisioni i BE-së propozoi rregulla të reja për të lehtësuar shpronësimin e pasurive të krijuara me aktivitete ilegale që synojnë marrjen e masave edhe ndaj oligarkëve rusë.
Kur flitet për rindërtimin e Ukrainës mbas luftës të shkaktuar prej sulmit të Rusisë, atëherë ndjenja e drejtësisë bën që të mendosh menjëherë për miliardat e oligarkëve të Putin, që ndodhen në listën e sanksioneve ndërkombëtare. Pasuritë e tyre duhen marrë dhe duhen përdorur për Ukrainën. Këtë kërkojnë politikanët. Por kjo është më e vështirë, se sa mendojnë disa.
Çfarë propozon Komisioni i BE?
Brukseli do të krijojë një kuadër ligjor për vendet anëtare të BE, për ta bërë më të lehtë konfiskimin dhe shpronësimin e parave që vijnë nga aktivitetet kriminale. Deri tani rregullat kanë qenë shumë të ndryshme, shumë i vështirë është shpronësimi. Propozimet synojnë kryesisht terrorizmin ose kriminalitetin e organizuar ndërkufitar, por ato mund të zbatohen edhe për pasuritë e oligarkëve, që ndodhen në listën e sanksioneve të BE.
Policia financiare e Italisë po zhvillon hetime mbi pronësinë e mega jahtit "Sheherazade", me vlerë rreth 700 milionë dollarë, i cili dyshohet se i përket presidentit rus. Rregullat do të vlejnë edhe për ridhënien e parave të sanksionuara, përfshirë transferat tek anëtarët e familjes.
Sa i përket oligarkëve rusë, shumë vende anëtare të BE kanë vështirësi ligjore për ngrirjen dhe marrjen e parave në përgjithësi. BE ka tashmë në dispozicion mundësinë që nëpërmjet informatave të njoftojë shkeljen e sanksioneve. Por në disa vende ato shihen vetëm si mos zbatim ligji. Prandaj Brukseli propozon tani që ta kthejë shkeljen e sanksioneve kudo në vepër penale. Nëpërmjet unifikimit të ligjeve kjo gjë bëhet e pamundur. Dhe së fundi, paratë e përkrahësve miliarderë të Putin duhet të futen në Europë, në një fond të përbashkët për rindërtimin e Ukrainës.
Më e vështirë se sa shpresohet
Procesi mund të jetë shumë i thjeshtë në pasuritë private, megjithatë ai shpesh kthehet në "lojë macja me miun” sepse është e vështirë t‘i identifikosh paratë, t'i gjesh dhe t'i marrësh.
A ka bërë BE gabime duke formuluar sanksionet e deritanishme kundër Rusisë? SHBA ka më shumë përvojë në këtë fushë, thotë ekonomistja, BE ndodhet në fazë mësimi.
Por vendet anëtare mund të kërkojnë kudo për pasuritë e pataksuara ose për mashtrimet kriminale. Këto do ishin arsye të mjaftueshme për të bërë konfiskime pasurish. Megjithatë: Nëse me sanksionet kundër Rusisë duhen dëmtuar financat, atëherë do ishte më mirë të synoheshin embargo nafte dhe gazi, në vend që të ndiqeshin oligarkë të veçantë, që ashtu kështu operojnë prej kohësh jashtë Rusisë, thotë Demertzis.
Pasuritë ruse është e vështirë të gjenden
Pavarësisht nga disa aksione spektakolare, si konfiskimi i jahtëve, shumë nga vendet e G7, mes të cilëve pjesa më e madhe janë vende anëtare të BE-së, nuk janë të përgatitur për të identifikuar në përgjithësi pasuritë e oligarkëve. „Atyre u mungojnë aftësitë dhe kompetencat të kërkojnë për të gjetur pasuritë ilegale," shkruan organizata joqeveritare Transparency International në një raport të fundit për temën. Qeveritë ndodhen para problemeve ligjore të mëdha, nëse përpiqen t‘i marrin këto pasuri dhe t'ia kthejnë mbrapsht viktimave të korrupsionit.
Por që prej vitit 2004, kur u dhanë për herë të parë ndërkombëtarisht këshilla për të përmirësuar instrumentet për këtë çështje, nuk është bërë asgjë. „Kleptokratët kanë ende mundësi të shumta për të fshehur paratë e tyre përtej kufijve." Sektori i pasurive të patundshme është ende një vrimë për të futur paratë e pista. Sidomos aty ku është ende e lejuar prona e paregjistruar.
Kritikët paralajmërojnë për pasojat ligjore
Deputeti europian i partisë Kristiansociale, Markus Ferber bën pjesë tek ata që i kritikojnë plane të tilla. Ai mendon se rreziqet juridike janë më të mëdha se sa përfitimi që del nga zbatimi i sanksioneve. Megjithatë ai mendon se është e drejtë që shkeljen e sanksioneve ta kthesh kudo në Europë në vepër penale, thotë zëdhënësi për politikën ekonomike të fraksionit të partive popullore, EVP. Pavarësisht nga kjo, ai e vlerëson propozimin e Komisionit të BE si shumë "politikë simbolike”.
Nuk duhet t'u hiqet vija me një të shkelur suste parimeve të shtetit të së drejtës, vetëm e vetëm që të preken pak oligarkë rusë. DW
E . S / SCAN
Sondazh
Java nis e ‘zbehtë’ për valutat e huaja – Monedha vendase ripozicionohet në tregun valutor!
Monedha europiane blihet sot me 119.9 lekë dhe shitet me 120.5 lekë këtë fillim jave në raport me javën që lamë pas sipas kursit të këmbimit lokal duke......
Komunitetet rurale do krijojnë OJF për politikat - Krijohen Grupet Vendore të Veprimit për hartimin dhe zbatimin e strategjive
Komunitetet rurale do krijojnë Grupet Vendore të Veprimit, të cilat do funksionojnë si OJF, dhe që do bashkëpunojnë me autoritetet për hatrimin e zbatimin e......
“Spiunët” në 44 institucione publike, pak rezultate - 78 koordinatorët antikorrupsion / 85 masa administrative, 11 gjoba, 12 kallëzime. Kryeson Kadastra
Megjithëse tashmë janë të shumtë në numër dhe të shtrirë në një numër të konsiderueshëm institucionesh, rezultatet e rrjetit të koordinatorëve antikorrupsion......
Për çfarë ankohen më shumë punonjësit në Shqipëri? - Nga puna, në ditë festash tek mungesa e pagesës së kontributeve shoqërore
Mbi 600 ankesa janë depozitituar pranë Inspektoriatit të Punës nga punonjës të pakënaqur me trajtimin në punë gjatë vitit që lam pas. Referuar raportit zyrtar......
Rritet numri i të punësuarve - Fshihen “gjurmët” e pandemisë, tregu i punës me ecuri pozitive
Tregu i punës i ka lënë pas gjurmët e pandemisë covid 19 dhe ka njohur një rritje graduale nga viti në vit. Godijen më të madhe punësimi e mori në vitin 2019,......
Tenderi 10.5 milion euro i OSHEE ankimohet në KPP - Matësit inteligjentë / Shkak, ankesa e një kompanie. Opozita ka akuzuar për paligjshmëri
Tenderi me vlerë 10.5 mln euro, për sistemin e matjes inteligjente, i hapur nga Operatori i Shpërndarjes së Energjisë Elektrike, është pezulluar. Shkak është......
Leje e re qarkullimi për mjetet - DPSHTRR: Unifikon 3 dokumente dhe ul kostot. S’ka nevojë as për patentë ndërkombëtare
Duke nisur nga data 6 qershor, Drejtoria e Përgjithshme e Shërbimeve të Transportit Rrugor do të nisë pajisjen me lejen e re të qarkullimit. Sipas këstij......
2023, Serbia parashikon rritje ekonomike 3,5% - Në dy vitet e pandemisë ekonomia u zgjerua me 6,4%
Qeveria serbe ka miratuar një strategji fiskale të vitit 2023, duke përfshirë projeksionet për vitet 2024 dhe 2025, sipas të cilave Serbia do të ketë rritje......
