Si i ruajnë shqiptarët kursimet e tyre në lekë? - Depozitat me afat mbi 2 vjet, më të preferuarat. Stoku arrin në 160 mld
Ledina Elezi/SCAN
Si rezultat i normës më të lartë të interesit, por jo vetëm, depozitat më të preferuara në lekë janë ato me afat mbi 2 vjet për individët, ndërsa për bizneset ato me afat njëvjeçar. Përkatësisht, vlera totale e depozitave me afat mbi 2 vjet arriti në 168 miliardë lekë në fund të gjysmës së parë të vitit, ku më shumë se 90% e kësaj shume, ose 160 miliardë, e përbënin depozitat e individëve.
Në vend të dytë renditen depozitat me afat njëvjeçar, ku shqiptarët numërojnë rreth 117 miliardë lekë kursime gjatë qershorit, përafërsisht 1 miliardë lekë më shumë se në fund të muajit maj. Nga ana tjetër, edhe depozitat pa afat klasifikohen si më të kërkuarat nga shqiptarët, gjë që vërehet në rritjen me 596 milionë lekë krahasuar me vlerën totale të pesëmujorit të parë. Më pak të preferuara për individët mbeten depozitat me afat 1 muaj, vlera e të cilave arrin në vetëm 1.8 miliardë lekë.
Shuma e depozitave me afat njëvjeçar ka arritur 8 miliardë lekë për bizneset, ndjekur nga depozitat pa afat, të njohura ndryshe si llogari kursimi pa normë interesi, me 5 miliardë lekë në total. Depozitat me afat gjashtëmujor vazhdojnë të mbeten më pak të zgjedhura nga bizneset, të cilat kapën shifrën 692 milionë në fund të gjashtëmujorit të parë.
Po sa ka arritur vlera e depozitave në lekë për individët dhe bizneset?
Kursimet në lekë kanë pësuar një rënie të ndjeshme në fund të muajit qershor, me përjashtim të atyre të individëve dhe më pak bizneseve. Të dhënat zyrtare nga Banka e Shqipërisë tregojnë se mbi 776 miliardë ishte totali i depozitave në lekë në fund të gjashtëmujorit të parë të vitit, rreth 2.9 miliardë më pak se në muajin maj. Depozitat në qershor kanë shkuar shumë pranë vlerës së depozitave të janarit, ku 776,406 lekë ishte shuma e tyre gjithsej.
Kursimet e bizneseve dhe individëve kanë pësuar një rritje të vogël, ndërsa kategoritë e tjera kanë qenë ato që kanë ndikuar më së tepërmi në rënien e vlerës totale të depozitave. Konkretisht, vlera e depozitave të korporatave jo-financiare private arriti nga 109 miliardë që ishte në muajin maj në 112 miliardë lekë, ndërsa vlera e depozitave të korporatave jo-financiare publike arriti nga 21 miliardë në 22 miliardë lekë.
Për sa i përket individëve, numri dhe vlera e depozitave të tyre në banka është shoqëruar me një rritje të konsiderueshme. Sipas informacioneve të publikuara nga Banka Qendrore, shuma e depozitave të tyre në lekë kapte shifrën 431 miliardë në fund të pesëmujorit, ndërkohë që në fund të muajit qershor, kjo shifër arriti në afro 595 miliardë, gati 164 miliardë lekë më shumë.
Sondazh
Makina me qira për pushime dhe dasma - Sa paguajnë shqiptarët? Rritet importi nga Korea e Jugut
Hamit Yzeiraj/ SCAN Ndonëse numri I turistëve është rritur, të marrësh një makinë me qira për të shkuar me pushime në Jug të vendit apo në ndonjë dasëm......
KREDO.AL MBËSHTET KAMPIN VEROR DHE PROJEKTIN E SHËRBIMIT KOMUNITAR NË TROPOJË 2024
Kredo.al është një institucion financiar mikrokredie i njohur në Shqipëri, me një histori të gjatë të angazhimit për fuqizimin e komuniteteve. Duke ofruar......
Dy shërbime për të punësuar të huajt me leje unike - Si do t’i verifikojnë subjektet nëse janë në veprimtari të jashtëligjshme?
Diamila Leka/ Scan Për të gjithë bizneset të cilët kanë kërkesa për punonjës të huaj në vendin tonë, do të kenë dy shërbime të reja në e-Albania ku do......
Rritet prodhimi nga energjia diellore - Shifrat/ Fotovoltaikët gjeneruan 4.8% të energjisë totale në vend
Ola Mitre / SCAN Energjia e prodhuar nga centralet fotovoltaike pësoi rritje gjatë 6-mujorit të parë të vitit, në raport me të njëjtën periudhë të një......
OBSH paralajmëron: COVID ende 'shumë me ne' me 20%. Rastet po rriten globalisht!
Edel Strazimiri / SCAN Organizata Botërore e Shëndetësisë (OBSH) po u kërkon qeverive të forcojnë fushatat e vaksinave. COVID-19 është “ende shumë......
Tesla tërheq mbi se 1.6 milionë makina për probleme me softuerit në distancë
Edel Strazimiri / SCAN Tesla po tërheq 1.68 milionë makina në Kinë për një përmirësim të softuerit në distancë për të siguruar që ato të paralajmërojnë......
Linja nënujore e interkoneksionit me Italinë - Takime mbi investimin, Balluku: Me rëndësi edhe për marrëdhëniet gjeopolitike
Projekti për ndërtimin e linjës energjetike nënujore të interkoneksionit me Italinë po avancon, teksa përfaqësuesit e operatorëve të transmetimit të 2......
Euro rritet në nivelin më të lartë në 8 muaj - Rimerr statusin si monedhë e sigurt
Edel Strazimiri / SCAN Euro është rritur kohët e fundit mes trazirave të tregut global, duke u parë si një monedhë strehë e sigurt. Kursi i këmbimit......
