Shërbimet dhe të mirat rrisin shitjet, punën e pagat/ "Lulëzojnë" hotelet dhe agjencitë e udhëtimit, rritja deri në 108.8%
Shërbimet e kanë nisur fillimin e vitit me rritje pothuaj në të gjitha treguesit e tyre, tregojnë të dhënat më të fundit nga “Institutit i Statistikave”. Hotelet dhe agjencitë e udhëtimit të cilat kanë qenë sektori më i goditur nga pandemia, shihet të vijojnë në rrugën e rimëkëmbjes duke regjistuar dhe rritjen më të lartë si në shitje, po ashtu dhe në numër të punësuarish e paga. Kështu, indeksi i shitjeve në volum për aktivitetin hotele është rritur me 108.8% gjatë tremujorit të parë të vitit, krahasuar me tremujorin e parë të vitit 2021. Për aktivitetin hotele, indeksi i numrit të të punësuarve ëshët rrtiur me 36.5%, ndërsa ai i fondit të pagave është rritur me 68.5%. Indeksi i fondit të pagave gjatë tremujorit të parë të vitit 2022 është rritur për të gjitha aktivitetet. Agjencitë e udhëtimit, po ashtu, paraqesin një rritje të lartë të shitjeve neto me 81.%, e cila është dhe shifra e dytë më e lartë për këtë indeks nga të gjitha aktivitetet e marra në analizë. Rritje paraqesin dhe indeksi i numrit të të punësuarve me 24.8% dhe fondi i pagave me 41%.
Bar-Restorantet po ashtu paraqiten me rritje për tremujorin e parë në të gjithë indekset, ku rritjen më të lartë e ka pësuar në indeksin e pagave me 25.4%. I vetmi tregues me rënie, sipas shifrave të INSTAT, është indeksi i shitjeve neto në volum për aktivitetin “ Informacion dhe Komunikacion” me 1.5%, krahasuar me tremujorin e parë të vitit 2021. Për këtë aktivitet me rritje paraqiten indeksi i numrit të të punësuarve me 25.6% dhe fondi i pagave me 59.2%. Aktiviteti “Tregti” si dhe “Transport dhe Magazinim” e kanë nisur me rrijte vitin 2022 në të gjitha indekset. Kështu, indeksi i shitjeve në volum për tregtinë është rritur me 6.4%, numri i të punësuarve me 1.4%, ndërsa pagat me 19.3%. Sa i përket transportit dhe magazinimit shitjet janë rritur me 44.1%, ndërsa indeksi i numrit të të punësuarve dhe pagave është rritur me 9.7% dhe 25.6% respektivisht. Me rritje paraqiten gjithashtu edhe aktivitete arkitekture dhe inxhinierike.
Instituti i Statistikave ka publikuar gjithashtu treguesit tremujorë mbi prodhuesit e të mirave për tremujorin e parë të vitit. Këta tregues sinjalizojnë rritje të indekseve të shitjeve dhe të prodhimit në sektorë të ekonomisë siç janë Industria, Energjia elektrike, Furnizimi me ujë apo Trajtimi dhe menaxhimi i mbetjeve si dhe Ndërtimi. Sektori i industrisë, ku përfshihet industria nxjerrëse dhe përpunuese, regjistron rritje të shitjeve në volum me 15.4% dhe rritje të prodhimit në volum me 19.5%. Sa i përket indeksit të numrit të të punësuarve dhe të fondit të pagave, aktiviteti i industrisë ka pësuar rritje me 3.7% dhe 12.4%. Pavarësisht rritjes së përgjithshme në këtë sektor, të dhënat tregojnë se në industrinë nxjerrëse indeksi i numrit të të punësuarve ka pësuar rënie me 0.6%, krahasuar me tremujorin e parë të vitit 2021.
Të dhënat sinjalizojnë rritje për sektorin e ndërtimit gjatë tremujorit të parë të vitit. Indeksi i shitjeve neto në volum për sektorin e ndërtimit është rritur me 24.6%. Nga ana tjetër, indeksi i prodhimit në volum është rrtiur me 26%. Sa i përket numrit të punësuarve dhe pagave rritja regjistrohet me 4.7% dhe 14.3% respektivisht.
Nëse do të analizonim aktivitetin “Energji elektrike, gaz dhe avull”, shifrat tregojnë se është i vetmi aktivitet i cili ka pësuar rënie të prodhimin në volum për tremujorin e parë të vitit 2022, me 34.7%. Po për të njejtin aktivitet indeksi i shitjeve neto është rritur me 47.5%, ndeksi i numrit të të punësuarve është rritur me 3.8% dhe ai fondit të pagave me 6.4%.
Për sektorin e furnizimit me ujë, dhe trajtimit e menaxhimit të mbetjeve, indeksi i shitjeve neto ka pësuar rritje, me 25.9%, krahasimisht me tremujorin parë të vitit 2021. Nga ana tjetër, indeksi i prodhimit në volum ka shënuar rritje, me 22%. Për këtë aktivitet, indeksi i numrit të të punësuarve është rritur me 3% dhe po ashtu indeksi i fondit të pagave, me 6%.
Sondazh
1 në 2 persona jetojnë ngushtë/ Eurostat: Shqipëria e dyta në Europë me përqindjen më të lartë të popullsisë në familje të mbipopulluara
Shqipëria është vendi i dytë në Europë i cili regjistron përqindjen më të lartë të popullsisë që jetojnë në familje në kushte mbipopullimi. Janë 58,1% e......
Jemi mes 10 vendeve me naftën më të shtrenjtë në botë/ Rast unik, renditemi krah shteteve me PBB për frymë 14 herë më të lartë se ne
Shqipëria është një prej 10 vendeve më naftën më të shtrenjtë në botë tregojnë të dhënat e përditësuara nga `Global Petrol Prices`. Sipas renditjes, vetëm 9......
Çmimet ulin konsumin e karburantit/ Bien shitjet me 3.9% në mars, ushqimet dhe grupet e tjera në rritje
Të dhënat e “Institutit të Statistikave” sinjalizojnë rritje të shitjeve në tregtinë me pakicë përgjatë tremujorit të parë të vitit 2022. Indeksi i volumit të......
IT, profesioni që nuk njeh krizë/ Rritja më e lartë e pagave në tre vite
Nëse jeni specialist IT, programues, punonjës në media, telekomunikacion atëherë dukshëm është koha juaj. Kjo tendencë gjithnjë dhe në rritje, mbështetet dhe......
Ekonomia, “me sytë” nga turizmi/ Turistët shpenzuan 408 mln euro në tre muajt e parë, rekord absolut, 65% mbi mesataren historike
Turizmi duket se do të jetë një prej shtyllave kryesore në të cilat do të mbështet ekonomia shqiptare këtë vit, sidomos me krizën e çmimeve që ka prekur......
Ujërat e zeza, Shqipëria në fund të Europës/ Eurostat: Vetëm 1 në 3 familje, akses në përpunimin e ujërave, ndër 4 vendet më të dobëta në kontinent
“Agjencia Europiane e Statistikave” në raport monitorimin mbi progresin e vendeve drejt zhvillmit të qëndrueshëm, paraqet një sërë treguesish statistikorë, ku......
Borxhi i jashtëm arrin në 9.8 mld euro/ Niveli më i lartë historik. €3508 për frymë, 4.3 herë më i lartë se viti 2008
Borxhi i Jashtëm Bruto i Shqipërisë ka prekur një rekord të ri gjatë tremujorit të parë të këtij viti, dhe tashmë fiksohet pranë nivelit të 9.8 miliardë......
Kriza prek edhe pagesën e kredive/ Norma e huave me probleme rritet për herë të parë pas 14 muajsh në rënie
Për herë të parë pas 14 muajsh me radhë në rënie graduale, treguesi i kredive me probleme është regjistruar në rritje gjatë prillit të këtij viti. Kështu, të......
