Sa zgjat anëtarësimi në BE? Mesatarisht 5 vite nga hapja e negociatave, por i tejzgjatur për disa vende të lindjes
Bashkimi Europian është zgjeruar disa herë gjatë historisë së tij që prej krijimit në vitin e largët 1954, nëpërmjet anëtarësimit të shteteve të reja. Sot, Bashkimi Europian numëron 27 vende anëtare, pas largimit të Britanisë së Madhe. Përveç vendeve themeluese, të gjitha shtetet e tjera kanë ndjekur një rrugëtim diku më të gjatë, diku më të shkurtër drejt anëtarësimit të plotë. Këtë të martë, Shqipëria ka nisur zyrtarisht negociatat për t`u bërë pjesë e familjes së përbashkët europiane, dhe procesi deri në fazën finale do të jetë i gjatë. Por, sa kohë i është dashur secilit prej vendeve anëtare që të jetë pjesë përbërëse e Bashkimit Europian?
“Scan Intel” ka analizuar në menyrë kronologjike rrugëtimin e secilit shtet në procesin e anëtarësimit në BE, që nga marrja e statusit kandidat, deri në anëtarësimin e plotë, për të kuptuar pak a shumë se sa kohë mund t`i duhet Shqipërisë që të arrijë objektivin madhor. Kështu, koha që u është dashur shteteve anëtare nga hapja e negociatave deri në anëtarësim të plotë është mesatarisht 4 vite e 10 muaj për 22 vendet jo themeluese. Më konkretisht, shteteve si Austria, Finlanda, Suedia, Irlanda dhe Danimarka i janë dashur rreth dy vite të bëhen pjesë e BE-së, ndërkohë që shteteve si Greqia, Letonia, Lituania, Malta, Sllovakia i janë dashur rreth 4 vite për të qënë pjesë përbërëse e Bashkimit Europian. Një periudhë kohore me të gjatë ka marrë procesi i anëtarësimit që prej hapjes së negociatave për Qipron, Republikën Çeke, Estoninë, Hungarinë, Poloninë dhe Slloveninë, me plot 6 vite. Rreth 7 vite që i janë dashur Spanjës, Portugalisë, Bullgarisë dhe Rumanisë. Procesin më të gjatë në kohë e mban Kroacia me pothuajse 8 vite, që prej hapjes së negociatave e deri në anëtarësimin e plotë. Ndërkohë së fundmi, pas më tëpër se 30 viteve dhe pas disa shansesh të humbura, duket se procesi për Shqipërinë ka hyrë në rrugën e duhur.
Një shtet që aspiron anëtarësimin në Bashkimin Europian duhet të kalojë katër hapa bazë: Aplikimin, statusin kandidat, negociatat dhe së fundmi anëtarësimin. Gjithashtu, shtetet duhet të respektojnë vlerat themelore të demokracisë, ligjet, të drejtat e njeriut, të mbrojnë minoritetet si dhe të përmbushin 35 kapitujt e fazës së negociatave për t`u bërë pjesë e BE-së. Të 35 kapitujt ndahen në 6 grupe kryesore, ku më i rëndësishmi, si kapitulli që hapet i pari dhe aprovohet i fundit është ai që i referohet shtyllave kryesore të unionit, dhe që lidhet kryesisht me sundimin e ligjit, të drejtat e njeriut dhe demokracinë. Secili prej 6 grupeve kërkon minimalisht një periudhë disi më të vogël se një 1 vit, çka tregon se Shqipërisë do t`i duhen minimalisht 6 vite për t`u bërë pjesë e unionit.
Ndërkohë që mesatarja e 22 vendeve të anëtarësuara në Union flet për 4 vite e 10 muaj, për vende si Austria, Finlanda, Suedia është dashur më pak se dy vjet dhe për vende si Kroacia është dashur rreth 8 vite. Kujtojmë gjithashtu se Serbia ka nisur negociatat me Bashkimin Europian, duke zhvilluar edhe konferencën e parë ndërqeveritare me unionin në vitin 2014, pra më shumë se 8 vite më parë. Mali I Zi i ka çelur negociatat në vitin 2012, 10 vite më parë ndërsa Turqia gjithashtu e ka nisur këtë proces në vitin 2005, pra rreth 17 vite më parë, megjithatë sot ende nuk mund të flitet për një datë konkrete të anëtarësimit të plotë. Paçka se çdo shtet ka problematika dhe profil të vecantë, gjasat janë që rrugëtimi i nisur këtë të martë nga Shqipëria të jetë i gjatë, dhe të zgjasë në rastin më të mirë rreth 5-6 vite, në rastin më të keq, ashtu siç ka ndodhur me disa ndër fqinjët tanë, mbi 8 vite.
https://public.flourish.studio/visualisation/10676994/
https://public.flourish.studio/visualisation/10676620/
Sondazh
Siguria Kibernetike Kombëtare, Shqipëria në fund të Europës/ Jemi ndër 4 vendet me performancën më të dobët sa i përket sigurisë së qeverisjes elektronike
Siguria kibernetike është kthyer në një kërcënim serioz në vendin tonë, dhe sinjalet e vazhdueshme të kohëve të fundit kanë kulmuar me sulmin ndaj e-albania......
Gratë shqiptare, mbi 5 orë punë shtëpie në ditë, 38 orë në javë/ Burrat vetëm 2 orë punë të papaguar
Sipas një raporti të Institutit të Statistikave, nje grua shqiptare kalon mesatarisht 38 orë në javë në punët e shtëpisë, gatim dhe në përkujdesjen ndaj......
Renditja e qarqeve sipas konsumit/ Tirana, Durrësi dhe Vlora kryesojnë. Korça, Shkodra dhe Dibra, në fund
Të dhënat zyrtare nga Drejtoria e Përgjithshme e Tatimeve japin një ide të përafërt të qarqeve që konsumojnë më shumë dhe atyre që konsumojnë më pak, por edhe......
Arsyet e zbrazjes së Shqipërisë/ Çdo ditë 115 shqiptarë largohen përfundimisht. Lindjet, poshtë nivelit të zëvendësimit natyror prej 2003-shit
Vetëm pak ditë më parë, Organizata e Kombeve të Bashkuara, nëpërmjet shifrave të përditësuara të popullsisë globale jepte alarmin për vendin tonë. “Scan Intel”......
Burrat apo gratë, kush i mban llogaritë? Shifrat tregojnë se 6 në 10 depozita bankare zotërohen nga meshkujt
Shifrat e fundit të publikuara nga Instituti i Statistikave, mbi “Gratë dhe Burrat në Shqipëri”, përmbajnë të dhëna në lidhje me ecurinë e llogarive të......
Kriza e çmimeve, rriten sërish kreditë me probleme/ Ndodh për të dytin muaj me radhë, por mbeten pranë nivelit më të ulët prej 2008-ës
Treguesi i kredive me probleme ka shënuar një rritje për të dytin muaj me radhë, pas një rënie të vazhdueshme prej 14 muajsh duke arritur kështu në 5.44% për......
1 në 5 sipërmarrës vjen nga diaspora/ Shqipëria dhe Kosova me normën më të lartë në rajon
Të dhënat e Barometrit të Ballkanit të publikuara nga "Këshilli për Bashkëpunim Rajonal" thonë se 1 në 5 sipërmarrës në Shqipëri kanë jetuar dhe punuar jashtë......
Jemi më të varfërit në Europë/ Eurostat: Shqipëria, me të ardhura për frymë 4 herë më të ulta se Bashkimi Europian
Të ardhurat e disponueshme të ekuivalentuara janë një prej treguesve më të pranueshëm dhe efikas në nivel ndërkombëtar sa i përket matjes së nivelit të......
