Sa u financua sistemi shëndetësor në 2023-in? - Raporti i FSDKSH: 12 mld lekë të shpenzuara vetëm për rimbursimin e barnave
Buxheti prej rreth 56 miliardë lekësh i Fondit të Sigurimit të Detyrueshëm të Kujdesit Shëndetësor (FSDKSH) u realizua në masën 99.7% gjatë vitit të shkuar, ku mbi 12 miliardë u shpenzuan vetëm për rimbursimin e medikamenteve.
Në strukturën e të ardhurave të FSDKSH, peshën më të madhe e zënë transfertat e buxhetit të shtetit me 66%, nga të cilat 54.6% të dedikuara për shërbimin spitalor dhe 11.4% për shërbimin parësor, ndjekur nga të ardhurat e kontributeve të sigurimeve shëndetësore me 33.8%. Të ardhurat nga burime të tjera zënë një peshë specifike të vogël prej 0.2%.
Spitalet publike financohen më shumë se çdo sektor tjetër. Shpenzimet gjithë vjetore për shërbimet spitalore arritën në vlerën 30 miliardë lekë, duke u realizuar në masën 98.4%, 511 milionë lekë më pak se plani. Nga këto, 26 miliardë lekë u shpenzuan vetëm për financimin vjetor të spitaleve publike për të përballuar nevojat në paga, sigurime shoqërore, shëndetësore, mallra e shërbime.
Sipas të dhënave nga raporti më i fundit i Fondit të Sigurimit të Detyrueshëm të Kujdesit Shëndetësor, shpenzimet e rimbursimit për vitin 2023 rezultojnë mbi vlerën 12 miliardë lekë, rreth 60.7 milionë lekё mё tepër se plani i parashikuar. Këto shpenzime janë rritur me 563.9 milionë lekë krahasuar me vitin 2022.
Rritja e shpenzimeve të rimbursimit në krahasim me një vit më parë, ka ardhur për shkak të trajtimit me terapi me kosto më të lartë mjekimi për pacientët. Në këtë shkak kanë ndikuar dhe të gjitha sëmundjet me incidencë të lartë në popullsi siç janë Diabet Mellitus, Hipertension, e të tjera, të cilat janë ndikuar drejtpërsëdrejti nga pasojat e Covid-19.
Gjatë vitit të shkuar ka një rritje të shpenzimeve të rimbursimit për grupin e barnave spitalore dhe si përqindje ndaj shpenzimeve totale të rimbursimit evidentohet një ulje gjatë këtij viti, 1.3% mё pak. Konkretisht, për vitin e shkuar shpenzimet e rimbursimit për barnat spitalore zënë rreth 30.8%, ndërsa pёr vitin 2022 zinin rreth 32.1% të shpenzimeve totale të rimbursimit.
Lista e barnave që filloi efektet e saj në gusht të vitit 2021 u zgjerua me 22 barna të reja, nga të cilat 19 barna lëvrohen në farmacitë e spitaleve dhe 3 barna tregtohen në farmacitë e rrjetit të hapur.
Ledina Elezi/SCAN
Sondazh
Komisioni Europian parashikon rënie të inflacionit, pavarësisht rritjes së çmimit të naftës!
Inflacioni mund të jetë vetëm 2.2% në BE vitin e ardhshëm. Të dhënat më të mira se sa pritej do të thonë se inflacioni gati do të përgjysmohet këtë vit,......
Raporti: 1 në 8 europianë jeton në një zonë të rrezikuar nga përmbytjet ekstreme!
Një në tetë europianë jeton në një zonë në rrezik përmbytjeje dhe infrastruktura kritike është gjithashtu në zonat e rrezikuara. Gjetjet e reja vijnë nga......
Vendet europiane ku paguhesh për të shkuar në punë me biçikletë!
Për shumë prej nesh, të shkosh në punë do të thotë mëngjese të stresuara pas timonit në një bllokim trafiku, ose të vrapojmë pas autobusit të ngjeshur me......
Rënie e përgjithshme e valutave kryesore!
Dollari amerikan ka humbur pikë këtë mëngjes duke u blerë sot me 92.4 lekë dhe duke u shitur me 93.4 lekë. Sipas kursit të këmbimit edhe Euro është dobësuar......
Plani i ri për frenimin e shpenzimeve - Për tre vite Turqia do ndërpresë blerjen e makinave për institucionet!
Turqia do të frenojë shpenzimet publike dhe do të rrisë efikasitetin sipas një plani kursimi të shpallur, duke nisur vetëm projektet thelbësore të investimeve......
Sa do të ndikojë “Euro 2024” në ekonominë gjermane? - Sipas ekspertëve, pritet rritje e konsumit, si dhe e qirave
Gjermania do të shpresojë për sukses sportiv si mikpritëse e kampionatit të futbollit “Euro 2024” që do të nisë pas rreth një muaji, por gjithashtu do të......
Ashpërsohet “lufta” tregtare SHBA-Kinë - Biden vendos tarifa të larta ndaj mallrave kineze
Presidenti i SHBA, Joe Biden, vendosi rritje të mprehta të tarifave për një sërë importesh kineze, duke përfshirë bateritë e automjeteve elektrike (EV), çipat......
Çmimet e bakrit arrijnë rekord në bursa - Kërkesa për metalin bazë pritet të rritet me rreth 5% këtë vit
Kontratat e bakrit arritën në një rekord, pasi kërkesa për metalin bazë mbetet e lartë mes një përshpejtimi për ndërtimin e qendrave të të dhënave dhe kërkesës......
