Sa shpenzojnë shqiptarët për turizëm jashtë? - 308 euro për person, të 4-tit nga fundi në Europë. Gjysma e shpenzimeve, për restorante
Sipas të dhënave të `Eurostat` shqiptarët shpenzojnë rreth 145 euro për person kur udhëtojnë, qoftë jashtë apo qoftë brenda vendit. Të dhënat e fundit të përditësuara për Shqipërinë i referohen vitit 2020 si të plotë. Në shifrën prej 145 eurosh përfshihen të gjitha shpenzimet për udhëtimin, me përjashtim të mallrave të qëndrueshëm dhe atyre me vlerë, pra blerje të mëdha, që mund të jenë personale apo dhurata. Nga ana tjetër, shifra i referohet çdo udhëtimi mbi 1 natë, për çfarëdolloj qëllimi, që do të thotë se mund të jetë si 2 netë ashtu edhe 14 netë apo më shumë.
Ndërkohë që për shqiptarët shpenzimi mesatar për një udhëtim fiksohet në 145 euro, për një europian mesatar fiksohet në 306 euro. Shqipëria renditet si vendi i 5-të nga fundit në Europë sa i përket shpenzimeve për udhëtim. Vetëm Letonia, Rumania, Maqedonia e Veriut dhe Çekia regjistrojnë një shifër më të ulët shpenzimesh për udhëtim për qytetarët e tyre se Shqipëria. Për Çekinë, vendin e fundit në këtë renditje, shifra fiksohet pranë 113 eurove për udhëtim.
Por, këto të dhëna i referohen udhëtimeve në çdo destinacion, pra edhe brenda vendit. Nëse shohim të dhënat që i referohen vetëm udhëtimeve jashtë, kuptojmë se shifra më shumë se dy-fishohet. Në rastin e udhëtimeve të shqiptarëve jashtë vendit, mesatarisht shpenzimi për frymë ngjitet në 308 euro, ndërkohë që mesatarja e Bashkimit europian fiksohet pranë 728 eurove. Në këtë rast, renditja na pozicionon në vend të 4-tët nga fundit në kontinentin e vjetër. Të vetmit që shpenzojnë më pak se shqiptarët në udhëtimet e tyre jashtë vendit janë hungarezët, qytetarët e Maqedonisë së Veriut si dhe sllovenët. Për këta të fundit një udhëtim jashtë kushton mesatarisht 232 euro për frymë.
Në rast se do të fokusohemi te udhëtimet më të gjata, mbi 4 netë, shohim se shqiptarët jashtë shpenzojnë mesatarisht 405 euro për frymë, ndërkohë që mesatarja e Bashkimit Europian fiksohet në mbi 900 euro për frymë.
Ndër të tjera, shifrat na japin një panoramë të qartë edhe sa i përket shpenzimeve të udhëtimeve sipas gjinisë. Meshkujt shqiptar shpenzojnë më shumë se femrat kur udhëtojnë jashtë, 353 euro për frymë, kundrejt 260 eurove për frymë. Edhe sa i përket nivelit të arsimit ka diferenca të ndjeshme në shpenzime. Për ata me arsim të lartë mesatarisht shpenzimet për frymë fiksohen në 407 euro dhe për ata me arsim të mesëm pranë 227 eurove.
Sa i takon ndarjes së shpenzimeve për udhëtime jashtë, statistikat e Eurostat, të analizuara nga “Scan Intel” tregojnë se, pjesën dërrmuese e zënë restorantet dhe kafet, me 138 euro nga 308 në total, ose 45% të totalit. Më pas ndjek akomodimi, me 84 euro, ose 27%. Shpenzime të tjera ekstra vijojnë me 67 euro, ose rreth 22%. Transporti është zëri që ka peshën më të ulët, me vetëm 20 euro për frymë, ose 6.5%, çka sinjalizon se pjesa dërrmuese e udhëtimeve jashtë të shqiptarëve kanë destinacion vendet fqinje, ku transporti me automjetin personal është më i aksesueshëm.
Roel Korkuti / SCAN
Sondazh
Popullsia e Shqipërisë “tkurret” 1,1% në 2022 - Numërohen 2.761.785 banorë. Shtesa natyrore, 690 lindje më shumë sesa vdekje
Popullsia e Shqipërisë ka vijuar tkurrjen edhe gjatë vitit të kaluar. Të dhënat më të fundit të INSTAT tregojnë se më 1 janar 2023 popullsia rezulton 2.761.785......
10% e miliarderëve janë nën 50 vjeç - Mosha mesatare e tyre aktualisht është 67 vjeç
Mosha mesatare e 3194 miliarderëve në botë aktualisht është 67 vjeç. Ndërsa të rinjtë e teknologjisë dhe të famshmit e muzikës dhe sportit mund të marrin......
35 milion euro kredi për energjinë nga Italia - Marrëveshja në Kuvend, përmirësim i rrjetit të shpërndarjes pas tërmetit të vitit 2019
Pas 2 kredive të marra në muajt e parë të këtij viti për sektorin elektorenergjetik në vend, një tjetër marrëveshje huaje ka mbërritur në kuvend për miratim.......
Shpërblim 3 mijë euro për pensionistët në Gjermani - Rreth 600 mijë persona do të përfitojnë nga ndihma e shtetit
Rreth 600 mijë persona nga sektori publik në Gjermani, të cilët do të dalin në pension do të përfitojnë një shpërblim prej 3 mijë euro pa taksa. Ata......
Europa kërkon blerës për qymyrin e saj - Gjendet një total prej 1.12 milion ton në magazina
Europa, e cila grumbulloi vëllime të mëdha qymyri vitin e kaluar ndërsa u përpoq të ruante rezervat e saj të energjisë, po kërkon blerës të interesuar për......
Emiratet nisin vendosjen e taksave për biznesin - Synojnë të përforcojnë objektivin si qendër tregtare rajonale
Emiratet e Bashkuara Arabe kanë filluar të vendosin një taksë për korporatat prej 9%, me përjashtime për shumë zona të lira që fuqizojnë ekonominë e saj, pasi......
Si janë të shpërndarë fermerët në Shqipëri? - Lushnja “mund” të gjitha bashkitë, qarku Kukës renditet në fund
Skemat kombëtare në bujqësi kanë qenë një nxitje e vazhdueshme për fermerët në të gjithë vendin për tu formalizuar, si kusht për të qenë përfitues. Kryesisht......
Konflikti i interesave e pasuritë, në prokurori 37 zyrtarë publikë - Evgjeni Bashari raporton në Kuvend: Kemi shtuar numrin e kallzimeve penale për nëpunësit
Kreu i Inspektoriatit të Lartë të Deklarimit të Pasurive Evgjeni Bashari ka raportuar në Komisionin parlamentar të Ligjeve se gjatë vitit të shkuar janë......
