Sa mund ta përballojnë familjet shqiptare krizën? Gjysma e tyre nuk mund të rezistojë më shumë se 3 muaj
Vrojtimi i Bankës së Shqipërisë në lidhje me pasurinë e familjeve shqiptare jep detaje me shifra sa i përket një krize të mundshme për to. Kështu, në vrojtimin që vjen në formë anketimi mbi më shumë se 2200 familje vlerësohet vulnerabiliteti i tyre në rast se të ardhurat e familjes do të merrnin një goditje. Kjo përllogaritje bëhet mbi bazën e vlerësimit të OECD për konsumin jetik, i cili projektohet në 50% të medianës së të ardhurave të familjes. Rezistenca e familjeve përcaktohet si numri i periudhave (muajve) gjatë të cilave një familje mund të mbulojë konsumin jetik dhe ngarkesën e kredisë me aktivet likuide, në rast të humbjes së të ardhurave.
Shifrat tregojnë se, mediana e rezistencës për familje në Shqipëri fiksohet në 4 muaj, dhe në 7 muaj mesatarja. Por, shifrat duket të jenë alarmante për një pjesë të konsiderueshme të popullsisë, pasi tregojnë se thuajse gjysma e familjeve, ose më saktë, 47% e tyre mund të rezistojnë nga 0 deri në vetëm 3 muaj, ndërsa 13% e familjeve nuk mund të rezistojnë dot asnjë muaj në rast se të ardhurat e tyre pësojnë një goditje. Vetëm 19% e familjeve shqiptare duket të kenë një rezistencë më shumë se 1 vit.
Këto shifra i referohen vitit 2019, pra përpara krizave të njëpasnjëshme, të shkaktuara nga covid-19 dhe kriza e çmimeve, që kulmoi me luftën në Ukrainë. Por, gjithsesi japin një panoramë deri diku të qartë të presionit që kanë pjesa dërrmuese e familjeve shqiptare dhe frikës se një goditje në të ardhura, që mund të ndodhi nga humbja e vendit të punës, apo kriza e biznesit, mund të shkaktojë probleme madhore në konsumin e familjes dhe pagesën e kësteve të kredive. Ndër të tjera, këto të dhëna vijnë në një kohë që familjet shqiptare dhe biznesi po gjenden në vështirësi si pasojë e krizës së çmimeve.
Sondazh
Më shumë të huaj gjatë marsit/ Vizitorët nga Kosova, të vetmit me rënie, ato nga Greqia me rritje të ndjeshme
Muaji mars i këtij viti paraqet rritje të lëvizjes së shtetasve në të gjithë treguesit e tij. Shifrat e publikimit nga “Instituti i Statistikave”, bëjnë me......
Familjet shqiptare, me prona, por pa lekë! 48 mijë euro pasuri, shtëpia dhe pronat zënë mbi 80% të totalit, vetëm 7% janë pasuri financiare
Pasuria e familjeve shqiptare fiksohet në rreth 5.7 milionë lekë, çka përkthehet në 48 mijë euro. Këto të dhëna dalin në pah nga vrojtimi më i fundit i Bankës......
“Shfryhet” portofoli i shqiptarëve/ 2.2 mln kartëmonedha më pak në 2021, por rritet vlera mesatare, ngjitet në 2421 lekë
Gjatë vitit 2021 vlera mesatare e kartëmonedhave në qarkullim është rritur me rreth 8%, duke u ngjitur në 2,421 lekë, nga 2,242 lekë që ishte në vitin 2020,......
Shqiptarët, 3 herë më të pasur se në 2003-shin/ Por, bëhet fjalë vetëm për paratë në bankë
Vlera e totalit të depozitave të sigurueshme në bankat që operojnë në Shqipëri ka prekur rekord historik gjatë vitit 2021 duke prekur shifrën e 1.11 trilionë......
Sa na kushton një i burgosur? 153 mijë euro përgjatë të gjithë dënimit, 9.9 mijë euro në vit, krahasimi me Europën
Këshilli i Europës, në puplikimin mbi statistikat penale në 49 vende të Europës, jep të dhëna mjaft interesante mbi karakteristikat e popullsisë nëpër burgje.......
Inflacioni, në 5.7% sipas Eurostat/ Çmimet në mars rriten më pak se mesatarja e BE, por më shumë se në Francë dhe Zvicër
Norma e inflacionit gjatë muajit Mars është ngjitur pranë 5.7%, sipas metodologjisë së “EUROSTAT” për matjen e ndryshimit të çmimeve të konsumit. Ky tregues......
Sa ton ar ka Banka e Shqipërisë? Ndër vendet e fundit në Europë, më pak se gjysmën e Maqedonisë së Veriut
Të dhënat zyrtare nga Banka e Shqipërisë, të përfshira në raportin vjetor për vitin 2021 tregojnë se totali i rezervës valutore të vendit fiksohet në 4.97......
Më pak aksidente gjatë marsit/ Bie edhe numri i të aksidentuarve, por të rinjtë vijojnë të jenë më të papërgjegjshmit në timon
Numri i aksidenteve ka rënë gjatë muajit mars të këtij viti, krahasuar me muajin mars të vitit të kaluar, tregojnë të dhënat më të fundit nga "Instituti i......
