Familjet shqiptare, me prona, por pa lekë! 48 mijë euro pasuri, shtëpia dhe pronat zënë mbi 80% të totalit, vetëm 7% janë pasuri financiare
Pasuria e familjeve shqiptare fiksohet në rreth 5.7 milionë lekë, çka përkthehet në 48 mijë euro. Këto të dhëna dalin në pah nga vrojtimi më i fundit i Bankës së Shqipërisë që i referohet vitit 2019 dhe bazohet mbi një anketim mbi rreth 2200 familje. Shifra prej 5.7 milionë lekësh i referohet parimit të medianës dhe jo mesatares. Sipas kësaj të fundit, pasuria totale mesatare e familjeve shqiptare fiksohet në rreth 8.5 milionë lekë. Por, duke qenë se parimi i medianës tregon më shumë realitetin kur ka diferenca të mëdha, atëherë pikërisht ky parim është më i afërt me realitetin. Në vrojtimin e Bankës së Shqipërisë thuhet ndër të tjera se 10% e familjeve shqiptare zotërojnë rreth 1/3 e pasurisë totale, ose 32%.
Nga të dhënat shohim gjithashtu se, 93% e pasurisë së familjeve shqiptare në fakt është në formën e pronës, makinës, dhe shumë pak në formën e sendeve me vlerë, ndërkohë që vetëm 7% është në formën e aktiveve financiare, pra pasurisë në para. Banesa duket se zë jo vetëm peshën kryesore në asetet reale të familjeve shqiptare, por edhe peshën kryesore të aktiveve totale. 93% e familjeve shqiptare zotërojnë një banesë kryesore, sipas vrojtimit.
Vlera mediane e banesës kryesore për familjet shqiptare fiksohet në rreth 4.9 milion lekë, tregon vrojtimi. Ky vlerësim është bërë në formën e perceptimit, pra se sa mendojnë vetë familjet se vlen banesa e tyre në rast se shitet. Më pas vijnë pasuritë e tjera të patundshme, me rreth 1.3 milionë lekë dhe më pas biznesi familjar. Sendet me vlerë ndërkohë përfaqësohen me vetëm 30 mijë lekë.
Banesa kryesore përbën kështu rreth 70% të totalit të pasurisë reale të familjeve, pra pa përfshirë pasurinë financiare, çka do të thotë se banesa kryesore përbën rreth 65% të pasurisë së familjeve shqiptare. Pasuritë e patundshme ndërkohë, përbëjnë aktivin e dytë më të rëndësishëm në vlerë për familjet shqiptare, me 19% të pasurisë reale, ose rreth 17.6% të pasurisë totale. Rreth 1 në 3 familje shqiptare deklaron se ka një pronë të dytë pëveç banesës, ose 36% e totalit. Në masën 71% kjo pronë është në formën e tokës, 12% në formën e një ferme bujqësore, 8% si një shtëpi e dytë, 5% si dyqan dhe 4% një pasuri të patudnshme në një formë tjetër. Kështu, rezulton se rreth 25% e familjeve shqiptare kanë një tokë, 2.8% një shtëpi të dytë, 1.8% një dyqan dhe rreth 4.3% një fermë bujqësore.
Sa i përket pasurisë financiare ndërkohë, vrojtimi tregon se mesatarisht fiksohet në 0.53 milionë lekë, ose 0.3 milionë lekë sipas parimit të medianës, ose rreth 2500 euro.
Sondazh
“Shfryhet” portofoli i shqiptarëve/ 2.2 mln kartëmonedha më pak në 2021, por rritet vlera mesatare, ngjitet në 2421 lekë
Gjatë vitit 2021 vlera mesatare e kartëmonedhave në qarkullim është rritur me rreth 8%, duke u ngjitur në 2,421 lekë, nga 2,242 lekë që ishte në vitin 2020,......
Shqiptarët, 3 herë më të pasur se në 2003-shin/ Por, bëhet fjalë vetëm për paratë në bankë
Vlera e totalit të depozitave të sigurueshme në bankat që operojnë në Shqipëri ka prekur rekord historik gjatë vitit 2021 duke prekur shifrën e 1.11 trilionë......
Sa na kushton një i burgosur? 153 mijë euro përgjatë të gjithë dënimit, 9.9 mijë euro në vit, krahasimi me Europën
Këshilli i Europës, në puplikimin mbi statistikat penale në 49 vende të Europës, jep të dhëna mjaft interesante mbi karakteristikat e popullsisë nëpër burgje.......
Inflacioni, në 5.7% sipas Eurostat/ Çmimet në mars rriten më pak se mesatarja e BE, por më shumë se në Francë dhe Zvicër
Norma e inflacionit gjatë muajit Mars është ngjitur pranë 5.7%, sipas metodologjisë së “EUROSTAT” për matjen e ndryshimit të çmimeve të konsumit. Ky tregues......
Sa ton ar ka Banka e Shqipërisë? Ndër vendet e fundit në Europë, më pak se gjysmën e Maqedonisë së Veriut
Të dhënat zyrtare nga Banka e Shqipërisë, të përfshira në raportin vjetor për vitin 2021 tregojnë se totali i rezervës valutore të vendit fiksohet në 4.97......
Më pak aksidente gjatë marsit/ Bie edhe numri i të aksidentuarve, por të rinjtë vijojnë të jenë më të papërgjegjshmit në timon
Numri i aksidenteve ka rënë gjatë muajit mars të këtij viti, krahasuar me muajin mars të vitit të kaluar, tregojnë të dhënat më të fundit nga "Instituti i......
Turizmi me rritje në shkurt/ 86.4% më shumë netë qëndrime në strukturat akomoduese
Turizmi vijon të paraqitet me rritje edhe përgjatë muajit shkurt tregojnë të dhënat e "Institutit të Statistikave" në raportin mbi strukturat akomoduese.......
Shqipëria "ndihmon" Kosovën me "bukë"/ Në kulm të krizës, eksporton në një muaj 40% të drithërave që ka eksportuar në 17 vite
Shqipëria është një ndër vendet që pavarësisht krizës, nuk ka shpallur ende një ndalim të eksporteve të produkteve bazë. Në rajon, Kosova, Serbia por edhe......
