Sa investon Shqipëria në kërkimin shkencor? - 756 herë më pak se mesatarja e BE-së, me vetëm 16 milionë euro në vit
Ministria e Arsimit ka publikuar draft strategjinë kombëtare për kërkimin shkencor, teknologjinë dhe inovacionin për vitet 2023-2030. Kjo strategji është hartuar si një dokument politikash afatmesëm e shtrirë në 8 vite duke qënë në këtë mënyrë në përputhje edhe me Strategjinë Kombëtare për Zhvillim dhe Integrim si dhe me strategjinë e Axhendës 2030 për Zhvillim të Qëndrueshëm. Duke marrë në konsideratë zhvillimet e deritanishëm, vizioni i strategjisë synon që Shqipëria deri në vitin 2030, do të sigurojë kërkim shkencor cilësor për një zhvillim socio-ekonomik të qëndrueshëm gjithëpërfshirës dhe në përputhje me standardet ndërkombëtare dhe europiane, bazuar në njohuritë e reja shkencore dhe risitë në teknologji dhe inovacion.
Për të siguruar arritjen e objektivave specifikë, strategjia është shoqëruar me “Planin e Veprimit” që mbulon të njëjtën periudhë, si edhe parashikon buxhetin e nevojshëm për realizimin e masave të parashikuara për çdo objektiv dhe qëllim politike.
Kosto totale e strategjisë për të tetë vitet është 27,561,290,784 lekë (275 mld lekë) ose rreth 240 milionë euro me një hendek financiar prej 4.3%. Konkretisht për vitin 2023 janë planifikuar 1,830,464,342 lekë (1.8 miliardë lekë) ose rreth 15.9 milionë euro. E thënë ndryshe në vendin tonë në një vit për “kërkim shkencor, teknologjinë dhe inovacionin” janë alokuar (do të shpenzohen) rreth 1.8 miliardë lekë. Në vija të përgjithshme është e vështirë të gjykojmë këtë vlerë por për të krijuar një ide më të qartë mbi rëndësinë që vendi ynë i kushton këtij sektori do të shohim sa shpenzojnë vende të tjera të Europës.
Për të sjellë një panoramë krahasimore, do t’ju referohemi të dhënave të Eurostat mbi shpenzimet qeveritare të disave nga shtetet europiane për vitin 2021 për sektorin e “kërkimit dhe zhvillimit”. Të dhënat na tregojnë që totali i vendeve të Bashkimit Europian është në vlerën e 328.48 miliardë eurove, dhe mesatarja pranë 12.1 miliardë eurove. E thënë ndryshe shpenzimet e planifikuara të Shqipërisë janë sa 0.13% e shpenzimeve që bëjnë vendet e Bashkimit Europian brenda një viti, ose 756 herë më pak. Vendi që rezulton me shpenzimet më të larta për “kërkim dhe zhvillim” është Gjermania me rreth 112.85 miliardë euro, ndiqet nga Franca me 55 miliardë euro dhe Italia me 26.51 miliardë euro.
Ndërkohë në fund të kësaj renditje qëndron Malta me vetëm 94.99 milionë euro, por 6-fish më shumë se shpenzimet që alokon Shqipëria për sektorin e “kërkimit shkencor, teknologjisë dhe inovacionit”. Në vendin e parafundit gjendet Qipro me 208 milionë euro, ndërkohë që Letonia shpenzon 232 milionë euro, ndërsa Serbia 530 milionë lekë ose 35-fish më shumë se Shqipëria.
Ilda Methasani/SCAN
Sondazh
Apeli i ministrave europianë të financave - “Një qëndrim më i ashpër fiskal për vitin 2024”
Ministrat e Financave të Eurozonës mbështetën një rekomandim të Komisionit Europian për të filluar shtrëngimin e politikave fiskale, duke hequr gradualisht......
Britania përcakton 12 zonat e investimeve - Objektivi, nxitja e ekonomisë rajonale jashtë Londrës
Ministri britanik i Financave Jeremy Hunt deklaroi se do të krijonte 12 "zona investimi" në Angli për të nxitur ekonominë rajonale jashtë Londrës, një version......
Pagat e mjekëve: Cilat vende i paguajnë më shumë dhe më pak në Europë?!
Personeli shëndetësor dhe mjekët në veçanti punuan pandërprerë për të shpëtuar jetë gjatë pandemisë COVID-19. Shumë prej tyre nuk shkuan në shtëpi për ditë ose......
SHBA, Britania e Madhe dhe Australia shpallin marrëveshje për nëndetëset me energji bërthamore!
Presidenti Joe Biden dhe liderët e Australisë dhe Mbretërisë së Bashkuar njoftuan të hënën se Australia do të blejë nëndetëse sulmuese me energji bërthamore......
Nafta zbret drejt 80 USD për fuçi - Investitorët i frikësohen një krizë të re financiare globale
Nafta po qëndron në rënie edhe në sesionin e sotëm, duke zgjeruar humbjet e një dite më parë, pasi kolapsi i dy bankave amerikane ka rikthyer shqetësimet për......
Bursat europiane, në rritje modeste - Tregjet presin të dhënat mbi inflacionin në SHBA për shkurtin
Tregjet europiane i janë rikthyer fitimeve në sesionin e sotëm, pasi humbjeve të një dite më parë, si pasojë e kolapsit të Silicon Valley Bank, që ka rikthyer......
Dollari rikuperon pjesërisht humbjet - Biden: Janë marrë masat për të garantuar sigurinë e sistemit bankar
Dollari amerikan është forcuar gjatë sesionit të sotëm, pas humbjeve të konsiderueshme të realizuara një ditë më parë si pasojë e kolapsit të huadhënësit......
Ministrat gjermanë në kërkim të hidrogjenit dhe tregtisë së lirë!
Sfida e hidrogjenit është e dyfishtë: nga njëra anë, kompanitë gjermane duan të ofrojnë teknologji dhe të marrin pjesë në prodhim; por nga ana tjetër bëhet......
