Rritje marramendëse e çmimit të biletave të avionit - Paralelisht rritet kërkesa për udhëtime ndërkombëtare
Çmimet e fluturimeve po shënojnë rekorde të reja, shumë mbi nivelet e inflacionit, pasi linjat ajrore përpiqen të përfitojnë nga rigjallërimi i kërkesës për udhëtime pas kohës së vështirë të pandemisë.
Të dhënat nga firma e specializuar analitike Cirium tregojnë se çmimi mesatar për biletat e linjave ajrore në më shumë se 600 nga linjat më të njohura ndërkombëtare u rrit me 27.4% nga viti në vit në shkurt, që është dhe muaji i fundit për të cilin ka të dhëna. Kjo rritje shënoi të 15-in muaj radhazi me rritje dyshifrore. Kjo është një rritje në më shumë se dyfishi i niveleve të inflacionit në ekonomitë kryesore si SHBA dhe Europë.
Në mënyrë indikative, çmimi mesatar i klasit ekonomik për një fluturim transatlantik nga Londra në Nju Jork në shkurt u zhvendos në 434 dollarë, duke paraqitur kështu një rritje prej 23% krahasuar me muajin korrespondues të 2019-ës, pra para pandemisë.
Çmimi mesatar përkatës për fluturimet nga Nju Jorku në Singapor u rrit me 45% dhe nga Dubai në Frankfurt me 51%.
Një pjesë e konsiderueshme e rritjes së çmimeve i atribuohet, forcimit të çmimeve të karburanteve, pavarësisht se çmimi i naftës ka rënë ndjeshëm këtë vit dhe inflacionit të kostove të funksionimit për shkak të rritjes së pagave. Dhe veçanërisht për linjat ajrore amerikane, dollari i fortë është një faktor shtesë rëndues.
Gjithashtu, disa kompani po i rikthejnë dalëngadalë të gjitha linjat e tyre në funksion të plotë, kryesisht për shkak të mungesës së stafit, me rezultatin që kërkesa tejkalon ofertën. Por, është e qartë se shumica e kompanive thjesht po përpiqen të rikuperohen nga dëmi i pandemisë duke kontribuar kështu në të ashtuquajturin fenomen në rritje të "lakmisë".
Sipas të dhënave të IATA-s, industria ishte një nga humbësit më të mëdhenj të pandemisë me humbje të akumuluara që arrinin në 200 miliardë dollarë. Në fakt gatishmëria e konsumatorëve për të udhëtuar, edhe me këto çmime, konfirmon rikuperimin dinamik të kërkesës për udhëtime në vitin e fundit. Një fakt sigurisht që reflektohet në rikuperimin përkatës të performancës financiare të kompanive të sektorit.
Që në vitin 2022, fitimet e 10 linjave ajrore më të mira në mbarë botën pritet të rriten në 6.3 miliardë dollarë, pas humbjeve prej 40 miliardë dollarësh në dy vitet e mëparshme, sipas të dhënave të FactSet. Kjo pasqyrë ka vazhduar edhe në tremujorin e parë, me perspektivë pozitive edhe për muajt në vijim, veçanërisht për periudhën kritike të verës.
American Airlines raportoi një rritje rekord prej 37% të të ardhurave me një fitim prej 10 milionë dollarësh, pasi shënoi një humbje prej 1.64 miliardë dollarësh në tremujorin e parë të 2022. Lufthansa gjermane shpalli tremujorin e parë fitimprurës në tre vjet në 791 milionë euro. Në fakt, kompania ka rishikuar lart vlerësimet e saj për të gjithë vitin dhe veçanërisht për sezonin e verës, pavarësisht se ka pranuar se do të luftojë për të përmbushur kërkesën e fortë!
IAG, mëmë e British Airëays, raportoi një fitim prej 7.9 milion paund, më i larti që nga viti 2019, ndërsa rishikoi lart parashikimin e tij për vitin e plotë. E njëjta gjë me Air France-KLM e cila deklaroi se i ka shlyer shtetit francez të gjitha ndihmat financiare që kishte marrë gjatë pandemisë dhe u deklarua optimiste për një verë shpërthyese komerciale me mbi 95% kapacitet.
Dorina Kurtaj / SCAN
Sondazh
Ekonomia botërore i mbijetoi krizave të njëpasnjëshme - Kërkesa e fortë për mallra krijon perspektiva për një rritje të butë
Në tre vitet e fundit, ekonomia botërore është përballur jashtëzakonisht mirë me tre goditje dramatike. Si fillim, tani që Kina ka arritur të fitojë imunitet,......
Individët marrin kredi në valutë për banesa - Megjithatë, financimi i bankave dominohet nga kreditimi në lekë
Kredia për individë ka shfaqur ngadalësim më të përmbajtur të ritmeve të rritjes gjatë tremujorit të parë. Kështu, zgjerimi i këtij portofoli prej 14.5% është......
Kina zotëron tregun e prodhimit të çantave të rreme - Imitimet e markave të njohura shiten për 5% të vlerës origjinale
Në Francë, një vend që krenohet me origjinën e pjesës më të madhe të modës botërore, dënimet për imitim dhe riprodhim të produkteve të falsifikuara janë të......
Microsoft blen energji të shkrirjes bërthamore - Nënshkruhet kontrata e parë e gjigantit të teknologjisë me një kompani aktive
Prej kohësh dihet se themeluesi i Microsoft, Bill Gates, po investon shumë në shkrirjen bërthamore dhe konkretisht në kërkime për të arritur prodhimin e......
Sulmet kibernetike, rritje në të gjithë botën - Sektori i arsimit dhe i shëndetësisë, më të goditurit
Sulmet kibernetike vazhdojnë të shënojnë rritje në shkallë globale, më së shumti në Afrikë dhe Azi. Në detaje, sipas të dhënave të fundit, sulmet javore në......
Hakerimi i telefonit i autorizuar në nivelin më të lartë – Familja mbretërorë akuzon botuesin e gazetës
Grumbullimi i paligjshëm i informacionit ishte i përhapur dhe i autorizuar nga ata në nivelet më të larta të Gazetave Mirror Group, ka dëgjuar një......
Kontinenti në ndryshim - Popullsia e BE-së po zvogëlohet, zbulojnë shifra të reja
Raporti i Eurostat-it për Demografinë e Evropës dokumenton faktorë të ndryshëm që ndikojnë në jetën e dhjetëra miliona njerëzve. Popullsia e Bashkimit Evropian......
Nafta zbret drejt 75 USD për fuçi - Në fokus të tregjeve, bisedimet për tavanin e borxhit në SHBA
Nafta po qëndron në rënie edhe në sesionin e fundit të kësaj jave, për shkak të paqartësive në lidhje me rritjen e tavanit të borxhit në SHBA. Nafta Brent e......
