Rekord historik importi barnash. Vaksinat nxisin një rritje vjetore me 11 mln euro gjatë marsit
Muaji mars i vitit 2021 duket se është një moment interesant sa i takon Tregtisë së Jashtme të mallrave. Gjatë këtij muaji, sipas të dhënave të Institutit te Statistikave, eksportet e mallrave kanë arritur vlerën e 32 mld lekëve, një rritje kështu 78.1% krahasuar me njëjtën periudhë të një viti më parë, ku duhet marrë parasysh se ishte koha kur u përballëm me izolimin si pasojë e pandemisë. “Scan Intelligence Unit” hulumtoi të dhënat e INSTAT mbi tregtinë e jashtme të mallrave sipas kapitujve që nga janari i vitit 2005 dhe mes të dhënave dalin në pah fakte interesante sa i përket eksportit dhe importit të mallrave gjatë muajit mars të këtij viti.
Importi i produkteve farmaceutike gjatë muajit mars të vitit 2021 ka prekur një rekord të ri historik. Të dhënat tregojnë se që nga viti 2005, muaji që regjistron vlerën më të lartë të importit të produkteve farmaceutike është muaji mars, me një vlerë prej 3.4 mld lekë, ose rreth 28 milionë euro. Muaji Shkurt i këtij viti dhe muaji dhjetor i viti 2020 po ashtu janë afër këtij rekordi historik. Kjo tendencë duket se është rrjedhojë e vaksinimit masiv që ka nisur në vendin tonë gjatë marsit dhe ardhjes së qindar mijrave dozave. Krahasuar me muajin mars të një viti më parë, vlera e produkteve farmaceutike të i,portuara ëshët rritur me 64.8%. Vaksinat e importuara regjistrohen si produkt importi, por nuk taksohen. Në vlerë absolute bëhet fjalë për rreth 1.36 mld lekë më shumë se një vit më parë, ose rreth 11 milionë euro.
Ndërkohë, edhe eksporti i peshkut dhe i kafshëve guackore ka kapur record historik gjatë muajit mars të vitit 2021. Vlera e eksportit arrin në 691 mln lekë. Nga të dhënat e nxjerra, muaji tetor i vitit 2020 është ai që ndjek muajin mars në këtë rekord historik. Po ashtu mes vendeve të para regjistrohet edh emuaji janar i vitit 2021 me një vlerë të eksporit të peshkut deri në 584 mln lekë.
Publikimi i fundit i Institutit të Statistikave tregon se gjatë muajit Mars 2021, rritja e eksporteve prej 78,1%, është ndikuar nga grupet:“Minerale, lëndëdjegëse dhe energji elektrike”. Nga të dhënat e përpunuara nga “Scan Intelligence Unit” rezultoi se për këtë kategori, muaji mars i vitit 2021 ka prekur po ashtu rekord historik që nga viti 2015 me një vlerë prej 5 mld lekësh.
Sondazh
Pagesa e papunësisë, rekord historik! Shifrat e marsit, edhe pagesat e ndihmës ekonomike në nivelin më të lartë që prej 2005-ës
Treguesit analitik fiskal nga Ministria e Financave dhe Ekonomisë tregojnë se pagesat nga buxhetit i shtetit për papunësinë gjatë tremujorit të parë të vitit......
Në Shqipëri, pjesëmarrja e femrave në votime, 44.3%, e meshkujve, 50.1%
Kuptimi i natyrës të pjesëmarrjes së votueseve femra në qendrat e votimit është i rëndësishëm për një shtet demokratik. Ka apo jo një hendek gjinor në......
Pandemia u sjell shqiptarëve më shumë lekë në "portofol". Pakësohen 200 lekëshat shtohen kartëmonedhat 5000 lekëshe
Banka e Shqipërisë ka publikuar së fundmi raportin vjetor për vitin 2020, i cili paraqet gjendjen ekonomike si dhe veprimtarinë e Bankës së Shqipërisë. “Scan......
Pandemia pasuroi më shumë të pasurit. Depozitat mbi 2.5 mln lekë u rritën me 6.2%, ato nën 2.5 mln, me 4.5%
Në total, në sistemin tonë bankar janë të depozituara rreth 1.29 trilionë lekë, nga të cilat, rreth 1.22 trln lekë janë të sigurueshme. Të dhënat i referohen......
Janë vaksinuar 36% e +60 vjeçarëve. Norma ngjitet deri në 50% për grupmoshën mbi 65 vjeç
Deri ditën e Enjte, më 15 prill, Ministria e Shëndetësisë dhe Mirëqenies Sociale raportonte për rreth 294,169 doza vaksinash të administruara në popullatë,......
Shqipëria ndër të parat në Europë me moshën mesatare më të re të grave që bëhen nëna për herë të parë
Nga publikimi më i fundit i Eurostat, shihet se mosha mesatare e grave në lindje në Europë po rritet nga viti në vit dhe në të njejtën kohë po rritet dhe mosha......
Shqipëria, ndër vendet me peshën më të ulët të pensionistëve në Europë. Mbi 65-vjeçarët zënë vetëm 14.8% të totalit
Përqindja e popullsisë mbi 65 vjeç në vendin tonë po rritet nga viti në vit, megjithatë krahasuar me vendet e Europës pozicionimi i i vendit tonë duket mjaft......
“21 Dhjetori”, “M.Shyri”, “Kombinati”, lagjet me rritjen më të lartë të vdekjeve gjatë pandemisë, deri në 54%. “Lapraka”, “Ali Demi” dhe “Tirana e Re” në vend të fundit
Një ndër indikatorët më të rëndësishëm për të matur pandeminë, por sidomos për të matur impaktin e saj real në popullsi, është pikërisht ai i jetëve të......
