Janë vaksinuar 36% e +60 vjeçarëve. Norma ngjitet deri në 50% për grupmoshën mbi 65 vjeç
Deri ditën e Enjte, më 15 prill, Ministria e Shëndetësisë dhe Mirëqenies Sociale raportonte për rreth 294,169 doza vaksinash të administruara në popullatë, prej të cilave rreth 216,947 për ata mbi 60 vjeç. Por sa është realisht norma e vaksinimit, pra sa janë vaksinuar nga kjo grupmoshë? “Scan Intelligence Unit” ka kryqëzuar këto të dhëna me ato të institutit të statistikave sa i pëket popullsisë sipas grupmoshave. Grupmosha mbi 60 vjeç përfaqësohet nga rreth 605 mijë individë, sipas Institutit tonë të statistikave. Kjo do të thotë se, deri më tani, janë vaksinuar 35.8% e kësaj grupmoshe, pra diçka më shumë se 1 në 3. Duhet të kemi parasysh se kjo normë është e përafërt, pasi një pjesë e tyre mund të kenë marrë edhe dozën e dytë. Por, gjithsesi, kjo shifër vlerësohet të jetë mjaft e ulët, duke pasur parasysh se nga doza e parë në të dytën duhet të kalojë rreth një muaj. Vetëm moshat mbi 90 vjeç vlerësohet të kenë arritur deri te doza e dytë, por duke qenë se kjo grupmoshë ka një përfaqësim të ulët mbi totalin, edhe ndikimi në normën e përgjithshme vlerësohet se do të ishte mjaft i ulët. Një tjetër faktor që mund të ketë ndikim në këtë normë është edhe ai se shifrat e popullsisë sipas grupmoshës, pavarësisht se i referohen vitit 2020, rrjedhin nga censusi i vitit 2011, pra 10 vite i vjetër.
Në llogaritje është klasifikuar edhe grupmosha 60-65 vjeç, e cila gëzon të drejtën e vaksinimit vetëm për të sëmurët kronik. Kjo grupmoshë përfaqësohet në total me 185 mijë individë, duke zënë peshën më të madhe. Në rast se do ta hiqnim këtë grupmoshë nga llogaritja jonë, duke mos ditur sa të sëmurë kronikë ka ndër ta, dhe sidomos duke mos qenë tërësisht transparent mekanizmi i klasifikimit të të sëmurëve kronik, atëherë norma e vaksinimit do të na rezultonte në 51.65%, pra ndjeshëm më e lartë. Gjithsesi, në vlerësimin më optimist, duket se jo më shumë se gjysma e të moshuarve janë vaksinuar, duke llogaritur këtu edhe faktin se një pjesë e vogël prej tyre kanë marrë nga dy doza.
Sondazh
Shqipëria ndër të parat në Europë me moshën mesatare më të re të grave që bëhen nëna për herë të parë
Nga publikimi më i fundit i Eurostat, shihet se mosha mesatare e grave në lindje në Europë po rritet nga viti në vit dhe në të njejtën kohë po rritet dhe mosha......
Shqipëria, ndër vendet me peshën më të ulët të pensionistëve në Europë. Mbi 65-vjeçarët zënë vetëm 14.8% të totalit
Përqindja e popullsisë mbi 65 vjeç në vendin tonë po rritet nga viti në vit, megjithatë krahasuar me vendet e Europës pozicionimi i i vendit tonë duket mjaft......
“21 Dhjetori”, “M.Shyri”, “Kombinati”, lagjet me rritjen më të lartë të vdekjeve gjatë pandemisë, deri në 54%. “Lapraka”, “Ali Demi” dhe “Tirana e Re” në vend të fundit
Një ndër indikatorët më të rëndësishëm për të matur pandeminë, por sidomos për të matur impaktin e saj real në popullsi, është pikërisht ai i jetëve të......
Borxhi i jashtëm u rrit me 310 mln euro në 2020-ën! Rritja “financohet” vetëm nga qeveria, me tituj borxhi
Stoku i borxhit të jashtëm bruto i Shqipërisë ka prekur shifrën e 8.55 mld eurove gjatë tremujorit të fundit të vitit të kaluar. Kjo shifër shënon një rënie......
Ihd, pranë nivelit më të ulët që prej 2017-ës. Në rënie me 13% gjatë 2020-ës, rritje e ndjeshme e flukseve drejt aktiviteteve financiare
Të dhënat më të fundit nga Banka e Shqipërisë tregojnë se fluksi i investimeve të huaja direkte në vendin tonë gjatë vitit të kaluar, atë të pandemisë, ka qenë......
Depozitat rriten me 600 mln euro Arrijnë në 1.115 trilionë lekë, në rritje me 0.2% krahasuar me janarin
Të dhënat më të fundit nga Banka e Shqipërisë tregojnë se, totali i depozitave në sektorin bankar në vendin tonë ka prekur shifrën e 1.11 trilionë lekëve, në......
Zgjerohet kreditimi gjatë shkurtit Rritje me 26% krahasuar me janari, në rënie në terma vjetorë
Huaja e re gjatë muajit shkurt ka prekur vlerën e 14.37 miliardë lekëve, tregojnë shifrat më të fundit nga Banka e Shqipërisë. Krahasuar me muajin janar, kur......
Kujdesi shëndetësor online, Shqipëria në fund të Europës. Eurostat publikon sondazhin
Eurostat ka publikuar së fundmi të dhënat për “Aktivitete në Internet” në lidhje me kujdesin shëndetësor. Këto të dhëna janë publikuar në formën e një ankete,......
