“Reforma strukturore për nxitjen e investimeve” - Sejko: Kreditë performuese do t'i kthejmë në sistemin bankar
Gjatë prezantimit të raportit vjetor të Bankës së Shqipërisë, Guvernatori Gent Sejko, theksoi se duhet të ndërmerren reforma strukturore për nxitjen e investimeve të brendshme dhe të huaja, të investimeve në kapitalin njerëzor dhe infrastrukturë, duke synuar zgjerimin e bazës sektoriale të rritjes ekonomike.
Ai u ndal në performancën e ekonomisë shqiptare për vitin 2023 dhe objektivat e Bankës së Shqipërisë për ruajtjen e stabilitetit ekonomik dhe financiar në vend gjatë viteve të ardhshme.
“Dëshiroj t’ju siguroj se puna e Bankës së Shqipërisë në të ardhmen do të vijojë të fokusohet në fushat e mëposhtme. Së pari, në garantimin e stabilitetit të çmimeve dhe fuqizimin e shëndetit financiar të ekonomisë, si kontributi më i mirë që një bankë qendrore mund të japë për rritjen e qëndrueshme, afatgjatë dhe gjithëpërfshirëse të vendit. Së dyti, në nxitjen e progresit financiar, si një instrument i rëndësishëm për rritjen e eficiencës së ekonomisë shqiptare, nëpërmjet investimit të vazhdueshëm për zhvillimin e tregjeve financiare, të sistemit të pagesave, si dhe të inovacionit dhe digjitalizimit të shërbimeve financiare. Së treti, në rritjen e edukimit dhe përfshirjes financiare, si parakusht i zgjerimit të aksesit në shërbime financiare e shërbime pagesash dhe i një përqasjeje të kujdesshme ndaj administrimit të financave personale. Së katërti, në rritjen e vëmendjes ndaj financave të gjelbra dhe rritjes së ndërgjegjësimit publik ndaj ndryshimeve klimatike, si një domosdoshmëri për zhvillimin e qëndrueshëm të vendit.”
Pas vendimit të fundit të Bankës së Shqipërisë për revokimin e licencave të dy institucioneve financiare jobanka, MicroCredit Albania dhe Final, Guvernatori tha se po kontrollohen portofolet e klientëve dhe një numër i madh kredish performuese do të kthehen në sistemin bankar, ndërsa me kreditë e tjera do të punojë likuidatori.
Vëllimi i aktivitetit ekonomik në vend u rrit me 3.4% gjatë vitit të shkuar, duke regjistruar një përmirësim gradual të ritmeve të rritjes gjatë tremujorëve. Paralelisht me të, punësimi u rrit me 2.2%, ndërsa norma e papunësisë zbriti në minimumin e ri historik prej 10.7% në fund të vitit. Ndërkohë, rritja ekonomike gjatë këtij viti parashikohet të jetë e moderuar, rreth 3.2% - 3.5%, ndërsa në vitet e ardhshme pritet të shkojë 4%.
Ledina Elezi/SCAN
Sondazh
Balluku inspekton punimet në tunelin e Llogarasë: Gati në afatin që kemi premtuar!
Në tunelin e Llogarasë kanë përfunduar afro 88% e punimeve. Ka përfunduar puna për betonimin e tunelit kryesor në të gjithë gjatësinë e tij, ndërsa po vijon......
75.5 mln euro kredi për menaxhimin e mbetjeve - Synohet përmirësimi në zonën Vlorë Jug-Gjirokastër dhe lumin Vjosë
75.5 mln euro është vlera e një kredie që qeveria do marrë nga Banka Ndërkombëtare për Rindërtim dhe Zhvillim për reduktimin e ndotjes në mjedisin ujor, në......
Treni Tiranë-Durrës, tender për stacionet - Procedura menaxhohet nga BERZH, kompanitë afat deri më 9 korrik
Hekurudha Shqiptare po kërkon kompaninë që do të ndërtojë stacionet e trenit përgjatë linjës hekurudhore Tiranë – Durrës dhe degëzimin e ri drejt aeroportit të......
“Vala” e re e vizitorëve, më shumë nga Afrika dhe Azia - Në prill, rritet numri i turistëve nga kontinentet e largëta
Statistikat e lëvizjes së shtetasve për muajin prill të këtij viti, të publikuar nga "Instituti i Statistikave", paraqesin një rritje të këtij treguesi......
Shqiptarët paguan 7 miliardë lekë sigurime - Shifrat e AMF, gjatë katër muajve tregu u rrit me rreth 4%
Tregu i sigurimeve në Shqipëri ka regjistruar një rritje prej rreth 4% gjatë periudhës janar-prill të këtij viti. Të dhënat më të fundit të Autoritetit të......
Ndryshimet klimatike, sfidë për sektorin bujqësor - UNIDO jep zgjidhje për adresimin e problematikave
Ndryshimet klimatike në Shqipëri po kthehen në poblematikë serioze për sektorin bujqësor, për shkak të pasojave në cilësinë e produkteve dhe konkurrueshërinë.......
Indeksi i turizmit, si pozicionohet Shqipëria? - Jemi mes vendeve me rritjen më të lartë, por ka fusha ku duhen përmirësime
Performanca e mirë e turizmit në vendin tonë nuk reflektohet vetëm në shifrat e “Institutit të Statistikave”, por edhe nga institucione ndërkombëtare të......
Spanja sfidon Francën për turizëm - Zhvillimi shkakton reagime nga qytetarët. Merren masa për mbipopullimin
Suksesi në sektorë të ndryshëm padyshim është një nxitje për ekonominë, por njëkohësisht edhe sfiduese për qeverinë për të reagimeve të qytetarëve. Spanja......
