Rama në Staten Island: Shqipëria nuk është më vendi që kërkon ndihmë, por vend që mirëpret investime
Kryeministri Edi Rama zhvilloi një takim me komunitetin shqiptar në Staten Island, ku foli për marrëdhëniet mes Shqipërisë dhe diasporës, investimet, zhvillimin e turizmit dhe të ashtuquajturën “Paketa e Maleve”.
Në fjalën e tij, Rama vlerësoi kontributin e diasporës shqiptare ndër vite, duke theksuar se marrëdhënia mes Shqipërisë dhe emigrantëve ka ndryshuar nga një raport i bazuar kryesisht te dërgesat financiare, në një partneritet më të gjerë ekonomik dhe institucional.
Sipas Ramës, rreth 90% e familjeve shqiptare kanë përfituar të paktën një herë nga remitancat e diasporës. Ai tha se kontributi i emigrantëve ka ndihmuar familjet shqiptare në arsimim, përmirësimin e banesave dhe rritjen e mirëqenies.
Rama u ndal edhe te Strategjia Kombëtare e Diasporës 2030, duke përmendur krijimin e një regjistri kombëtar të diasporës, i cili, sipas tij, synon të krijojë një urë më të drejtpërdrejtë mes shqiptarëve jashtë vendit dhe mundësive për investim në Shqipëri.
“Paketa e Maleve”
Një pjesë e rëndësishme e fjalimit iu kushtua “Paketës së Maleve”. Kryeministri tha se nisma synon të adresojë problemet e pronësisë në zonat malore dhe t'u japë mundësi pronarëve apo trashëgimtarëve të pronave të zhvillojnë tokat e tyre.
Rama hodhi poshtë akuzat se paketa synon t'u kalojë pronat investitorëve të tjerë. Sipas tij, pronari mund të zhvillojë pronën, të rindërtojë shtëpinë e vjetër, të ndërtojë një agroturizëm apo një fermë, ndërsa partnerët e jashtëm mund të përfshihen vetëm nëse pronari dëshiron.
Kryeministri e lidhi këtë nismë edhe me ambicien për zhvillimin e turizmit malor, duke marrë si shembull vende si Austria dhe Zvicra.
Objektivi: 20 milionë turistë
Duke folur për turizmin, Rama deklaroi se Shqipëria ka arritur në 12 milionë vizitorë të huaj dhe se objektivi është që numri të shkojë në 20 milionë.
Megjithatë, ai theksoi se sfida nuk është vetëm rritja e numrit të turistëve, por edhe tërheqja e vizitorëve me fuqi më të lartë shpenzuese dhe e investitorëve cilësorë.
Në këtë kuadër, Rama përmendi projektet në Sazan dhe Zvërnec, për të cilat tha se kanë potencial të sjellin investime shumë të mëdha në ekonominë shqiptare.
Ai deklaroi se vetëm projekti në Zvërnec mund të sjellë potencialisht më shumë se 4 miliardë euro investime. Rama pranoi njëkohësisht se projekte të tilla kërkojnë vlerësim të detajuar të ndikimit në mjedis dhe tha se po punohet për një studim sipas standardeve ndërkombëtare.
Rama: Shqipëria ka kaluar nga “dora e shtrirë” te investimet
Në një nga mesazhet kryesore të fjalimit, Rama tha se Shqipëria e sotme nuk është më vendi që kërkon ndihma nga diaspora, por një vend që synon të tërheqë investime, partneritete dhe eksperiencë nga shqiptarët jashtë vendit.
Ai deklaroi se ekonomia shqiptare është rritur ndjeshëm gjatë dekadave të fundit dhe vendosi si objektiv vijimin e kësaj rritjeje deri në vitin 2030.
Në fund të fjalimit, kryeministri falënderoi komunitetin shqiptar në Staten Island për pjesëmarrjen dhe organizimin e takimit, duke përdorur edhe disa batuta për marrëdhënien mes shqiptarëve në SHBA dhe zhvillimeve politike në Shqipëri.
Rama përmendi gjithashtu integrimin e shqiptarëve në SHBA, duke sjellë si shembull praninë e një shqiptari në Policinë e New Yorkut gjatë aktivitetit.
Takimi u zhvillua në një atmosferë miqësore, me Ramën që e mbylli fjalën duke falënderuar veçanërisht gratë shqiptare dhe familjet e komunitetit në Staten Island.
Ministri Hoxha nënshkruan Konventën e OKB-së kundër Krimit Kibernetik
Në margjinat e Javës së Nivelit të Lartë të Asamblesë së Përgjithshme të OKB, Ministri për Evropën dhe Punët e Jashtme, Ferit Hoxha, nënshkroi në emër të......
Trump “rrëzon” armëpushimin/ Presidenti, kundër propozimit të Iranit. Bombardimet rifillojnë pas zgjedhjeve
Presidenti amerikan Donald Trump ka hedhur poshtë një propozim iranian për një armëpushim shtatëditor dhe u ka thënë ndihmësve të tij se pret që bombardimet......
Parisi kundër Berlinit? Gjermania kërkon rregulla më të hapura për produktet europiane
Një debat i ri po shfaqet brenda Bashkimit Europian për mënyrën se si duhet mbrojtur industria europiane. Gjermania kërkon që rregullat e reja “Made with......
116 ankesa për tenderët/ Në gusht Tirana shënon numrin më të lartë të ankimimeve në KPP
Pranë Komisionit të Prokurimit Publik gjatë muajit gusht, janë regjistruar gjithsej 116 ankesa, nga të cilat 115 i përkasin procedurave të zakonshme të......
Sa janë rritur kontributet? 8-mujori/ Mbi 1.4 miliardë euro derdhen në buxhet nga të punësuarit
Kontributet në skemën e pensioneve po rriten ndjeshëm nga muaji në muaj. Në 8-mujorin e parë të vitit, mbi 134,1 miliardë lekë apo 1.46 miliardë euro janë......
Tarifë 2 euro për pakot/ BE-ja përcakton taksën për produktet e blera në internet nga vendet jo-anëtare
Komisioni Evropian ka vendosur tarifën e re të trajtimit për produktet e blera në internet dhe të importuara nga vendet jo-anëtare të BE-së në 2 euro për......
Italianët iu shmangen taksave/ Rreth 30% e tatimpaguesve mbajnë gati 79% të barrës fiskale
Pabarazitë në shpërndarjen e barrës fiskale në Itali vazhdojnë të jenë të theksuara. Sipas të dhënave të Observatorit të Sigurimeve Shoqërore, rreth 30% e......
Plan për krizat energjetike/ BE synon ndërprerje të kontrolluara të energjisë
Bashkimi Evropian po përgatitet për një mjedis energjetik në të cilin kërcënimi nuk është më vetëm mungesa e gazit natyror ose energjisë elektrike. Sabotimi,......
