Produktet e bulmetit, rekord absolut importesh në Gusht - Vlera arriti në rreth 767 milionë lekë, ose rreth 33% më shumë se vjet
Xhorxhina Deda/SCAN
Përgjatë pesë viteve të fundit duket se sektori i blegtorisë paraqitet në një rënie të qëndrueshme sa i përket numrit të krerëve apo edhe prodhimit blegtoral. Sipas të dhënave zyrtare të INSTAT, prodhimi total i qumështit ka pësuar një rënie prej 19.1%, ndërkohë që edhe produkti i mishit ka pasur një trend të ngjashëm. Në harkun kohor të 5 viteve prodhimi i përgjithshëm i mishit ka rënë me 13.6%. Nëse i referohemi vetëm prodhimit të qumështit, konkretisht, në vitin 2023 ka rënë me 7.17%, krahasuar me një vit më parë.
Nga ana tjetër, importi i produkteve bulmetore, ku qumështi zë një peshë të konsiderueshme, ka shënuar rekord absolut në muajin Gusht të këtij viti. Sipas shifrave, vlera e produkteve bulmetore të importuara në muajin gusht të këtij viti arriti në rreth 767 milionë lekë, ose rreth 33% më shumë se vitin e kaluar.
Kjo vlerë është më e larta që nga muaji Janar i vitit 2005, viti kur fillojnë të dhënat statistikore të INSTAT për këtë tregues. Nëse analizojmë shifrat për periudhën Janar-Gusht të këtij viti shohim se vlera e produkteve bulmetore të importuara arriti në 4.5 miliardë lekë, ose rreth 8% më shumë se në të njejtën periudhë të një viti më parë.
Edhe në volum, pra në sasi, importi i produkteve bulmetore ka arritur një rekord të ri në muajin Gusht të këtij vitit. Shifrat thonë se u importuan në sasi rreth 23% më shumë se vitin e kaluar.
Nuk mund të lemë pa përmendur edhe ndikimin që ka patur turizmi në rritjen e konsumit dhe për pasojë të kërkesës për këtë produkt, por edhe rënia e prodhimit të përmendur më lart ka një peshë të rëndësishme.
Ndërkohë, nga ana tjetër, rënia e prodhimit është ndikuar nga mbyllja e fermave si pasojë e emigracionit, apo edhe kostot e larta si pasojë e mungesës së subvencioneve. Kryesisht konkurrenca rajonale, falë mbështjes së këtij sektori në vendet përkatëse, po e tkurr sektorin e blegtorisë në vendin tonë.
Italia, Gjermania, Hungaria, Greqia dhe Serbia janë partnerët kryesorë tregtarë të Shqipërisë në drejtim të importit të produkteve të bulmetit.
Sondazh
Çmimet në ALPEX, pranë bursës hungareze - Raporti i ERE: Në 73% të rasteve janë të njëjta
Ola Mitre/SCAN Në rreth 73% të rasteve çmimet e tregtimit të enegjisë në Bursën Shqiptare të Energjisë Elektrike ndjekin të njëjtin trend me çmimet e Bursës......
Më shumë interes për trashëgiminë kulturore - Në total janë mbi 875 mijë vizitorë. Parqet Arkeologjikë kryesojnë me turistë
Diamila Leka/ Scan Shifrat e turistëve që tregojnë interes për trashëgiminë tonë kulturore po rriten nga muaji në muaj. E kësisoj, referuar shifrave për......
Rreth 6.6 mln objekte të dërguara me postë - Posta Shqiptare shënoi rënie me 34% për dërgesat e shërbimit jo universal
Ledina Elezi/SCAN Rreth 6.6 milionë objekte postare u dërguan nga Posta Shqiptare dhe Ofruesit e tjerë të Shërbimeve Postare gjatë tremujorit të dytë......
Cili është momenti më i keq i ditës?
Edel Strazimiri / SCAN Koha më e keqe e ditës korrespondon me një moment specifik: Ora 5 e mëngjesit. Studiuesit nga Universiteti i Miçiganit dhe......
Si ka nisur kjo javë për valutat e huaja?
Dollari amerikan e ka nisur këtë javë pozitivisht edhe pse qëndron ende nën vlerat e tij të zakonshme duke u blerë sot me 88.7 lekë dhe duke u shitur me......
Barnier paralajmëron rritje taksash për të pasurit - Kryeministri francez synon të reduktojë deficitin buxhetor
Kristi Ceta/SCAN Kryeministri Michel Barnier paralajmëroi rritjen e taksave për individët më të pasur të Francës dhe disa korporata të mëdha për të......
Kërkesa e pakët ul investimet për projekte të gjelbra - Projekte deri në 700 mld USD në vështirësi për shkak të mungesës së tregut
Kristi Ceta/SCAN Kërkesa e dobët për produkte të gjelbra po frenon investimet e nevojshme deri në 700 miliardë dollarë në projekte me karbon të ulët në......
Përdorimi i llavës vullkanike në ndërtim - Islanda propozon shndërrimin e substancës në material strukturor
Kristi Ceta/SCAN Një studio arkitekture në Islandë ka propozuar përdorimin e llavës së vullkanit si material ndërtimi. Arnhildur Pálmadóttir do të......
