Pandemia zgjeron fondet e investimit – Këtë vit, 2042 anëtarë më shumë, 541 mln euro të investura, ose 17,292 euro për frymë
Përgjatë 9 muajve të këtij viti, numri i anëtarëve në fondet e investimeve në vendin tonë është rritur me 2,042 individë, për të prekur shifrën e 31,285. Rritja prej 6.98% e numrit të anëtarëve në fondet e investimit vjen pavarësisht faktit se vendi ka qenë në krizë ekonomike thuajse gjatë të gjithë periudhës në fjalë, si pasojë e tërmetit të vitit të kaluar, e më pas si pasojë e pandemisë, e cila mesa duket ka shërbyer si nxitje për individët për të diversifikuar portofolin e tyre të kursimeve dhe të investimeve në kohë pasigurie të lartë. Madje, rritja është bindshëm më e theksuar se e njëjta periudhë e një viti më parë, kur regjistrohej në vetëm 0.48%, tregojnë të dhënat më të fundit të Autoritetit të Mbikqyrjes Financiare (AMF).
Rritja e anëtarëve nuk është përkthyer në një rritje eksponenciale edhe të aseteve, Gjithsesi, këto të fundit kanë prekur shifrën e 66.85 mld lekëve, nga rreth 66.78 mld lekë që ishin në fund të dhjetorit të vitit të kaluar, pra në rritje me 0.1%. në 9-mujorin e vitit të kaluar, rritja fiksohej në 0.9%. Shuma përkthehet në rreth 541 mln euro, çka do të thotë se, mesatarisht, një anëtar ka investuar rreth 17.292 euro në nëj prej 6 fondeve që operojnë në vend.
Pavarësisht se, termat e rritjes janë zvogëluar, sërish bilanci mbetet pozitiv, edhe pse ekonomia shqiptare ka qenë në recesion prej muajsh. Gjatë periudhës kohore janar 2020-shtator 2020, në këtë treg ushtruan aktivitetin e tyre 6 fonde investimi, ku tre të parat e listës për numër asetesh administrohen nga “Reiffeisen Invest”, të ndjekura nga “Credins Premium” që administriohet nga “Credins Invest”, dhe më pas “WVP Top Invest”, si dhe “Albsig Standard”, që ka hyrë së fundmi.
Sa i përket portofolit të investimeve, ai dominohet nga obligacionet qeveritare, që zënë 67.5% të totalit dhe në rritje me 1.36% krahasuar me 31 dhjetorin e vitit të kaluar, ndjekur nga bonot e thesarit me 14.27%, dhe nga mjetet monetare me 10.2%. Të tre këto instrumente investimi përbëjnë 92% të portofolit të investimeve të rreth 31 mijë individëve që janë anëtarë në 6 fondet e investimeve në vendin tonë.
Sondazh
Credins vazhdon rritjen – Zgjeron aktivet me 14% në T3, rriten huatë dhe depozitat
Edhe në tremujorin e tretë të këtij viti, Credins bank u rrit me ritme të kënaqshme. Treguesit më të fundit financiarë, të publikuar nga vetë institucioni......
Pandemia, 464 mln euro taksa të munguara. Në vetëm 11 muaj, dëmi në buxhet sa 4% e PBB-së
Shifat më të fundit të qeverisë për performancën fiskale, tregojnë se, të ardhurat totale për 11-mujorin e vitit 2020 u realizuan në masën 97.4 % të planit të......
Sa taksa paguajnë shqiptarët? Sa 27.5% e PBB-së, nën mestaren e OECD, shkak edhe informaliteti
Barra fiskale është një tregues i detyrimeve tatimore që derdhet në buxhet nga qytetarët me qëllim kthimin e tyre në të mira dhe shërbime dhe përbëhet......
Kujt i ka borxh Shqipëria? Italia dhe Gjermania kryesojnë listën e shteteve huadhënëse
Gjatë tremujorit të tretë të këtij viti, niveli i borxhit të jashtëm në vendin tonë ka arritur shifrën e 616 miliardë lekë ose rreth 92 miliardë lekë më......
Pandemia në të bërit biznes. Në kryeqytet ka nxitur biznesmenët e rinj, por ka trembur të vjetrit
Të dhënat më të fundit zyrtare nga Bashkia e Tiranës sa i përket subjekteve të reja tregojnë se pandemia nuk ka “trembur” aspak biznesmenët e rinj, por vetëm......
KE zhvlerëson ekonominë shqiptare – Rikthehet në nivelet e para krizës vetëm në 2022, por jo financat publike
Komisioni Europian ka përditësuar projeksionet për ekonominë e të gjitha vendeve të Bashkimit Europian, si dhe vendeve të Efta-s bashkë me ato kandidate. Për......
Pagat, si ka ndikuar pandemia? Paradoksi i bujqësisë, e vetmja me rënie, pasuritë e paluajtshme me rritjen më të madhe
Statistikat më të fundit të pagave të publikuara nga Instituti i Statistikave janë jo pak paradoksale. Krahasuar me të njëjtën periudhë të një viti më parë,......
Çudia/ Më pak “qepena” të mbyllura në Tiranë – 20% më pak biznese të mbyllura në kryeqytet këtë vit
Të dhënat e Bashkisë Tiranë dhe Drejtorisë së Përgjithshme të Taksave dhe Tarifave Vendore (DPTTV), të përpunuara nga “Scan Intelligence Unit” tregojnë se këtë......
