Pandemia zbuti hendekun nxënës ngelës/nxënës dhjete, SIU analizon rezultatet e maturës në 5 vitet e fundit, 2021 ul notën mesatare, matematika, më pak "gogol"
Provimet e maturës shtetërore janë një fazë e rëndësishme në jetën e secilit maturant, pasi kjo është faza e kalimit të tyre në një stad tjetër. Ky stad lidhet pikërisht me kalimin në një fushë më specifike, e cila shndërrohet në të ardhmen në profesionin që ata duan të ushtrojnë. Për të arritur degën e preferuar në universitet, së pari maturantëve u duhet të arrijnë rezultate të mira në provimet e maturës, si në lëndët me detyrim ashtu dhe në lëndët me zgjedhje. Po si kanë qenë rezultatet e maturantëve, sa ngelësa dhe kalues ka patur për lëndët e detyrueshme, sa nga ata kanë marrë notën maksimale për secilën lëndë? “Scan Intelligence Unit” ka analizuar rezultatet e maturës për lëndët me detyrim që nga viti 2016 deri në vitin 2021 për të kuptuar se cila lëndë regjistron më shumë kalues, cila më shumë ngelës dhe në cilën lëndë janë marrë më shumë nota maksimale. Duhet theksuar se këto të dhëna varen edhe nga numri gjithsej i maturantëve për secilin vit, por gjithashtu dhe nga numri i përsëritësve që vijnë nga vitet e tjera. Rezultatet e vitit 2021 marrin një oeshë specifike të veçantë edhe për faktin se mësimi nën pandeminë ngre shumë pikëpyetje dhe sfida.
Duke marrë parasysh që jemi akoma nën ndikimet e pandemisë, le të analizojmë si fillim rezultatet e maturës së vitit 2020 dhe vitit 2021 për lëndën e matematikës, lëndën e gjuhës e letërsisë si dhe rezultatet për gjuhën e huaj. Nga të dhënat shohim se, viti 2020 rezulton të ketë më pak ngelës se vitet e tjera dhe sidomos në lëndën e matematikës. 680 ngelës janë regjistruar në viitn 2020 për lendën e matematikës, ndërkohë që viti 2021 regjistron 3018 ngelës. Vitet e tjera nga viti 2016 deri në vitin 2019 përsëri regjistrojnë një numër më të madh ngelësish për këtë lëndë, ku viti 2016 regjistron dhe numrin më të lartë, me 5046. Për vitin 2021, ngelësit në matematikë në raport me kaluesit janë në një raport 1:10, nga 1:7 në 2016, dhe në letërsi, 1:16, nga 1:46 në 2016. Për kategorinë e gjuhës së huaj vihet re diferenca më e madhe ndër vite, ku në 2021 ngelësit me kaluesit janë në një raport 1:14, ndërkohë që në 2016 ishin 1:60. Pra, sa i përket këtij treguesi, ngeljeve, 2021 ka qenë më tolerant me matematikën dhe ndjeshëm më pak tolerant me gjuhën shqipe/letërsinë, si dhe gjuhën e huaj. Ky rezultat mund të jetë edhe rrjedhojë e ndryshimit të metodologjisë së pikëzimit për lëndën e matematikës, rrjedhojë e protestave të maturantëve. Ndryshe nga viti 2020, gjatë vitit 2021 ndikimi i pandemisë vërehet më qartë, duke qenë se ky ka qenë i vetmi vit me mësimin "jo normal" në të gjithë kohëzgjatjen e tij. Po të marrim në analizë të gjitha të dhënat për kategorinë "ngelës" shohim se lënda në të cilën ngelin më shumë maturantët shqiptarë është lënda e matematikës. Provimi i matematikës është më i vështirë se të tjerët, maturantët shqiptarë nuk janë të mirë në shkenca ekzakte, apo mësuesit e matematikës nuk janë të nivelit të duhur?
Nga ana tjetër, nëse do të flisnim për maturantët kalues, viti 2016 është viti që regjistron më shumë kalues, sidomos për lëndën e "Gjuhës dhe Letërsisë" dhe për lëndën e "Gjuhës së huaj". Kjo pasi viti 2016 regjistron dhe më shumë numër maturantësh gjithsej se vitet e tjera.
Pavarësisht se lënda e matematikës regjistron numrin më të madh të ngelësve, të dhënat tregojnë se për këtë lëndë maturantët që marrin notën 10 ( të cilën e kemi marrë nga 9.50 deri në 10.0) janë më të shumtë në numër se në lëndën e gjuhës shqipe dhe letërsisë. Lënda e anglishtes regjistron numrin më të lartë të maturantëve që marrin notën 10 në të gjitha vitet, por viti 2016 përsëri regjistron numrin më të madh. Kjo dhe për shkak të numrit gjithsej që përmendëm më lart. Lënda e gjuhës shqipe dhe letërsisë ka më pak studentë që vlerësohën me notën 10. Në të gjitha vitet, që nga 2016-ta dhe deri në vitin 2020, shohim se kjo lëndë regjistron numrin më të vogël të 10-ve të marra. Viti që regjistron dhe numrin më të ulët është vitit 2017 me 221 dhjeta të marra gjithsej vetëm në lëndën e gjuhës shqipe dhe letërsisë. Për të lënë pas secilën lëndë, le të shohim se në cilin vit janë marrë më shumë dhjeta. Viti 2021 regjistron më shumë nota maksimale të mara se vitet e tjera, kjo pasi u ndryshua metodologjia e llogaritjes së notës për shkak të protestës së maturantëve për lëndën e matematikës. Viti 2020 regjistron më pak dhjeta se vitet e tjera, duke e bërë të dukshëm ndikimin e pandemisë. Të dhëat e analizuara dhe përpunuara nga "Scan Intelligence Unit" tregojnë se, për vitin 2021, raporti nxënës ngelës me nxënës 10-te në lëndën e matematikës ka qenë 1:1.65 nga 1:4.84 që ishtë në 2016, ndërsa për "gjuhë shqipe, letërsi", ka zbritur në 1:1.2 nga 1:2.26 që ishte 5 vite më parë. Kjo do të thotë se, në harkun e 5 viteve, hendeku nxënës të mirë/nxënës të dobët është ngushtuar ndjeshëm, ndoshta edhe rrjedhojë e pandemisë dhe mësimit të alternuar.
Po ta kalojmë analizën te nota mesatare del se gjuha e huaj regjistron notën mesatare më të lartë, e cila është nota 8, ndërsa lënda e matematikës regjistron notën mesatare më të ulët, e cila është dhe nota 6. Viti që regjistron mesataren më të ulët se vitet e tjera, është viti 2019 me një mesatare 6.3 për të tre lëndët e detyrueshme. Nëse do të shihnim notën e shkallëzuar mesatare, atëherë themi se mesataren më të ulët e ka patur lënda e matematikës me 5.87 në vitin 2016.
Sondazh
Sa ju bindin programet ekonomike të partive për zgjedhjet e 11 majit 2025?
-
Janë të detajuara dhe të realizueshme
-
Kanë ide të mira, por mungojnë detajet e zbatimit
-
Janë premtime të parealizueshme
Kostot ranë, çmimet u shtrenjtuan! Indeksi i prodhimit të produkteve bujqësore nuk justifikon “kriposjen” e frutave dhe perimeve gjatë 2020-ës
Të dhënat më të fundit nga Instat tregojnë se indeksi vjetor i çmimeve të prodhimeve bujqësore arriti në 104.8 pikë nga 104.0 pikë që ishte në 2019, duke......
Telefonia, Shqipëria më e shtrenjtë se BE! Paguajmë 8% më shumë, më të shtrenjtët në rajon, edhe mbi Austrinë, Francën, Italinë
Shqipëria është i vetmi vend i Ballkanit Perëndimor ku tarifat e komunikacionit janë mbi mesataren e Bashkimit Europian. Statistikat më të fundit të agjencisë......
Sanksionet ndaj Bjellorusisë, ndikimi në turizëm, - I mbyllen dyert mbi 10 mijë turistëve, u rritën me 6-fish në vetëm 4 vite
Qeveria shqiptare ka vendosur të reshtohet krah Bashkimit Europian sa i përket sanksioneve ndaj linjave ajrore bjelloruse, në linjë me të gjitha vendimet e......
Bien normat e interesit të kredive gjatë majit, - Mesatarisht në 5.78% për ato në Lek, rënie edhe për kredinë e re në euro
Shifrat zyrtare nga Banka e Shqipërisë tregojnë një rënie të normave mesatare të interesit nga institucionet huadhënëse, për të gjitha afatet e maturimit dhe......
Kredia për shtëpi prek rekord historik/ 2.2 mld lekë gjatë majit për individët, si asnjëherë më parë
Sasia e kredisë së re që ka lëshuar sektori bankar gjatë majit ka prekur shifrën e 19.48 mld lekëve, tregojnë shifrat më të fundit nga Banka e Shqipërisë. Kjo......
Më shumë pasagjerë dhe mallra gjatë Majit, transporti ajror me rritjen më të lartë
Të dhënat më të fundit të Institutit të Statistikave mbi statistikat e transportit tregojnë se në muajin Maj të këtij viti shihet një rritje e numrit të......
Rinohet Parlamenti i Shqipërisë, mosha mesatare zbret me 4.8 vite nga 2017, LSI më e plakura. Rritet edhe prania e femrave
“Scan Intelligence Unit” ka analizuar listën e kandidatëve fitues për deputet në zgjedhjet për Kuvendin e Shqipërisë, të bërë publike në datë 23.06.2021.......
Pesha e secilit qark në ekonomi/ - Tirana, Durrësi dhe Fieri, “monopol” në thuajse çdo sektor, Kukësi, “delja e zezë”
Shifrat më të fundit nga Instituti i Statistikave (INSTAT) sa i përket Prodhimit të Brendshëm Bruto sipas rajoneve dhe qarqeve të vendit japin një panoramë më......
