Mungesë e paprecedentë uji – Temperatura rekord dhe thatësirë historike në të gjithë Europën!
Qeveria franceze ka ngritur një ekip krizash për të trajtuar një thatësirë historike që ka lënë më shumë se 100 komuna pa ujë të pijshëm. Kryeministrja Elisabeth Borne ka paralajmëruar se Franca po përballet me "thapësirën më të rëndë" të regjistruar ndonjëherë në vend. Vala e të nxehtit që ka pjekur vendin që nga qershori ka bërë që pemët dhe shkurret të humbasin gjethet herët, duke krijuar skena që duken vjeshte.
Pas një ftohjeje në disa rajone, shërbimi kombëtar meteorologjik francez Météo-France parashikon rritje të mëtejshme të temperaturave nga e diela e tutje dhe tokë akoma më të thatë pavarësisht stuhive të fundit. Temperaturat shumë mbi 30 gradë Celsius dhe rritje deri në 37 gradë Celsius në pjesë të jugut parashikohen nga e diela dhe gjatë ditëve në vijim.
Në Romë, banorët dhe turistët u qetësuan në burimet e shumta të ujit të vendosura në të gjithë qytetin. Destinacionet e njohura turistike në Itali si Firence dhe Palermo janë ndër 16 qytetet italiane në listën e "alarmit të kuq", me temperatura që arrijnë 40°C.
Prodhimi i orizit në luginën e lumit Po është nën një kërcënim të madh pasi thatësira dhe moti i nxehtë vazhdojnë të shkaktojnë tharjen e plotë të arave dhe kripura nga përdorimi i akuiferëve. Fermerët thonë se të korrat e orizit të përdorur për rizoto mund të dëmtohen me vite nga përmbajtja e kripës në rritje në tokë, e cila po vret bimët.
Një pjesë e një pakete masash qeveritare prej 17 miliardë eurosh për të trajtuar krizën e kostos së jetesës në Itali synon gjithashtu zbutjen e efekteve të thatësirës, më e keqja në 70 vjet në vend. Muajin e kaluar, ministri i bujqësisë i Italisë paralajmëroi Parlamentin se një e treta e prodhimit bujqësor të Italisë ishte në rrezik për shkak të thatësirës dhe infrastrukturës së dobët të ujit dhe se situata do të përkeqësohet vetëm në vitet në vijim.
Ministri holandez i Infrastrukturës dhe Menaxhimit të Ujit, Mark Harbers u ka bërë thirrje njerëzve që të bëjnë dushe më të shpejta/shkutra dhe të mos lajnë makinat e tyre apo të ujitin kopshtin. Pronarët e varkave në Arnhem thonë se ndryshimi midis niveleve të ujit të verës dhe dimrit është aq i madh sa varkat janë të shtrira në një kënd.
Holanda deklaroi të mërkurën një mungesë zyrtare të ujit, pasi tashmë ka vendosur kufizime në bujqësi dhe transportin detar. Qeveria paralajmëroi se thatësira pritet të "vazhdojë për ca kohë" dhe masat e mëtejshme për të kursyer ujin gjatë thatësirës janë duke u shqyrtuar, duke siguruar që uji i pijshëm të mbetet i disponueshëm.
Vendi mbrohet nga uji nga një sistem i famshëm digash dhe kanalesh, por me rreth një të tretën e sipërfaqes së tij nën nivelin e detit, ai mbetet veçanërisht i prekshëm ndaj ndryshimeve klimatike. Disa rajone të Holandës, eksportuesi i dytë më i madh bujqësor në botë pas Shteteve të Bashkuara, i kanë ndaluar tashmë fermerët të ujitin të korrat e tyre me ujë sipërfaqësor. Disa kanale për lundrim janë mbyllur.
Prioritet tani do t'i jepet sigurisë së sistemit holandez të digave, e ndjekur nga furnizimet me ujë të pijshëm dhe energji, sipas qeverisë. Nivelet e ujit në Rhine në Gjermani gjithashtu kanë vazhduar të bien në mot të nxehtë. Kostot e transportit janë rritur sepse anijet nuk mund të lundrojnë në lumë të ngarkuara plotësisht, thanë ndërmjetësit e anijeve të premten.
Transporti i mallrave në lumë vazhdon, por me anije ndonjëherë të detyruara të lundrojnë 75% bosh. Kapaciteti i transportit është tashmë i shtrënguar për shkak të rritjes së kërkesës pas lëvizjes së Gjermanisë për të rritur prodhimin e energjisë elektrike me qymyr, ndërsa ajo po përgatitet për furnizime të reduktuara me gaz nga Rusia. Uji i ulët i Rhine do të godasë gjithashtu prodhimin nga dy termocentrale gjermane me qymyr në muajt e ardhshëm.
Në Rumani, nivelet e ujit në Danub kanë rënë aq shumë sa ishujt rërë u shfaqën në rajonin e Kalafatit. Nivelet e Danubit tani janë afër nivelit të tyre më të ulët të të gjitha kohërave. Qeveria planifikon të rrisë investimet në projektet e ujitjes për të kufizuar dëmtimin e të korrave në të ardhmen. Të mërkurën, Komisioni Europian u bëri thirrje vendeve anëtare që të ripërdorin ujërat e zeza urbane të trajtuara për ujitje bujqësore.
Pjesë të tjera të Europës kanë përjetuar gjithashtu kushte të ashpra në fillim të verës. Portugalia muajin e kaluar regjistroi korrikun e saj më të nxehtë që nga fillimi i regjistrimeve në vitin 1931, tha të premten shërbimi i motit IPMA i vendit.
Nxehtësia e përkeqësoi thatësirën e Portugalisë, me 45% të kontinentit në "thapësirë ekstreme" klasifikimin më të lartë dhe pjesën tjetër në thatësirën "e rëndë", e cila është e dyta më e larta, deri në fund të korrikut. Temperatura mesatare ishte 25.14°C, tha IPMA, pothuajse tre gradë Celsius më e lartë se mesatarja e pritur e korrikut.
Edel Strazimiri / SCAN
Sondazh
Sa ju bindin programet ekonomike të partive për zgjedhjet e 11 majit 2025?
-
Janë të detajuara dhe të realizueshme
-
Kanë ide të mira, por mungojnë detajet e zbatimit
-
Janë premtime të parealizueshme
Pse tragetet elektrike fluturuese janë ‘një fitore’ për udhëtarët dhe mjedisin? – Anija më e shpejtë në botë niset vitin e ardhshëm! (FOTOT)
Anija elektrike më e shpejtë në botë do të lundrojë në Stokholm vitin e ardhshëm, duke ulur përgjysmë kohën e udhëtimit midis disa arkipelagë. Candela P-12......
Kriza thellon varfërinë në Maqedoninë e Veriut - Rritja e çmimeve dhe “ngrirja” e pagave rëndon tek familjet
Është i lartë numri i qytetarëve në Maqedoninë e Veriut të cilët pranojnë se e kanë të vëshirë të mbijetojnë me të ardhurat që marrin. Kjo për faktin se çmimet......
Greqi, rriten shpenzimet për pushimet - Bizneset presin një vit rekord në turizëm me 20 miliardë euro të ardhura
Të ardhurat rekorde nga turizmi në Greqi duket se janë vërtetuar deri më tani, nga shpenzimet e konsiderueshme për udhëtime, numri i turistëve të huaj si dhe......
Çmimi i grurit, më i lirë se para luftës në Ukrainë - Ulja e çmimeve, menjëherë pas zhbllokimit të anijeve me drithra ukrainase
Cmimi i grurit është më i ulët sot në krahasim me periudhën para shpërthimit të luftës mes Rusisë dhe Ukrainës. Ky ëhstë impakti i menjëhershëm dhe konkret i......
Rritet kosto e prodhimit të qumështit në Itali - 55% më e shtrenjtë, për shkak të rritjes së çmimit të gazit dhe energjisë
Shoqata italiane që përmbledh rreth 250 kompani që përpunojnë qumështin dhe përfaqësojnë 90% të tregut italian, ka dhënë alarmin për sa i përket kostos së......
Azia dhe Europa, në garë për gazin - Japonia dhe Korea e Jugut nxitojnë të krijojnë rezerva
Sipas Financial Times, Japonia dhe Korea e Jugut, respektivisht vendi i dytë dhe i tretë në botë për importin e gazit natyror të lëngshëm, po përpiqen të......
Senati amerikan miraton ligjin 430 miliardë dollarë - Objektiv janë ndryshimet klimatike dhe ulja e çmimeve të barnave
Senati i Shteteve të Bashkuara të Amerikës miratoi një projekt-ligj gjithëpërfshirës prej 430 miliardë dollarë që synon të luftojë ndryshimet klimatike, të ulë......
Mbizotëron pesimizmi tek sipërmarrjet - Përkeqësohet besimi në industri, ndërtim, shërbime dhe tregti
Pesimizmi për të ardhmen e ekonomisë në vend ka mbizotëruar tek sipërmarrjet gjatë muajit korrik. Të dhënat e treguesit të ndjesisë ekonomike të publikuara nga......
