Mikrobizneset morën 2.6% më pak kredi në gusht - BSH: Huatë afatgjata dhe në monedhë të huaj mbajnë rekordin
Ledina Elezi/SCAN
Mikrobizneset kanë marrë më pak kredi në muajin gusht. Referuar të dhënave agregate nga Banka e Shqipërisë, vlera e huave për mikrobizneset në fund të tetëmujorit ka pësuar një rënie me 2.6% krahasuar me korrikun. Konkretisht, shuma e huave të marra nga bizneset arriti në 26 miliardë lekë në gusht, rreth 689 milionë lekë kredi më pak se muajin pararendës.
Shumica e mikrobizneseve janë ndërmarrje të vogla familjare, të cilat gjenerojnë fitime tepër të ulëta vlerësuar me llojet e tjera të sipërmarrjeve. Ato mund të kenë një maksimum prej 5 punonjësish, por nuk janë të pakta edhe mikrobizneset të cilat operojnë vetëm me një person, i cili është pronari, por që kryen edhe aktivitete të tjera në biznesin e tij.
Ky lloj biznesi preferon më tepër huatë afatgjata, ku kjo e fundit zë 62% të totalit të kredisë ose gati 16 miliardë lekë, ndërkohë që huaja afatmesme përbën rreth 21% të shumës së përgjithshme të huasë, specifikisht 5.4 miliardë lekë dhe ajo afatshkurtër deri në një vit vetëm 17% ose 4.5 miliardë.
Për sa i përket llojit të monedhës, dominon kredia e marrë në valutë të huaj nga mikrobizneset. Nga statistikat zyrtare të Bankës së Shqipërisë, rezulton se kredia e marrë në monedhën kombëtare ishte rreth 10.1 miliardë lekë, ndërsa ajo e marrë në monedhë të huaj rreth 16.2 miliardë lekë.
Një pjesë e mirë e huave të këtij biznesi mbështetet nga institucionet financiare jobanka, për shkak se bankat e nivelit të dytë shpesh i konceptojnë me një nivel më të lartë risku se bizneset e vogla, të mesme, apo të mëdha.
Sondazh
Çmimet e naftës fshijnë pothuajse të gjitha fitimet e javës së kaluar! Arsyeja
Edel Strazimiri / SCAN Çmimet e naftës të hënën fshinë pothuajse të gjitha fitimet e bëra javën e kaluar pasi të dhënat treguan se norma e inflacionit......
Si Kina po ndikon mbi çmimet globale të metaleve?!
Edel Strazimiri / SCAN Kina po mbyll hapat për të formësuar çmimet e sasive të mëdha të metaleve industriale që prodhon dhe konsumon, në një lëvizje......
26 vendet më të varfra, në gjendjen më të keqe që nga 2006 - Këto shtete përballen me borxhin rekord prej 72% të PBB-së
Kristi Ceta/SCAN 26 vendet më të varfra të botës, shtëpia e 40% të njerëzve më të goditur nga varfëria, janë më shumë në borxh se në çdo kohë që nga......
Rumania, mbi 800 mln euro për energjinë e gjelbër - Plani i qeverisë synon të mbështesë autoritetet lokale dhe sistemet e ngrohjes
Kristi Ceta/SCAN Rumania ka hartuar një program për autoritetet lokale dhe sistemet e ngrohjes qendrore për të investuar në energjinë e gjelbër dhe në......
Java nis pozitivisht për valutat e huaja!
Dollari amerikan e ka nisur javën pozitivisht pasi është blerë sot me 89.8 lekë dhe është shitur me 90.9 lekë sipas kursit të këmbimit lokal në raport me......
Zgjerohet stoku i depozitave në sektorin bankar/ Në 1 vit kursimet në lekë u rritën 14 herë më shumë se ato në euro
Gjatë muajit shtator, totali i depozitave në paranë e gjerë ka vazhduar të rritet, duke arritur në rreth 1.333 trilionë lekë nga 1.332 trilionë lekë që ishte......
Sa cilësor është vaji shqiptar i ullirit? EVOO: Kemi lënë pas rajonin. Renditemi në vend të 28-të me 9 çmime të fituara
Shqipëria si pjesë e mesdheut ka një traditë mjaft të vjetër të prodhimit të ullirit dhe vajit të tij, por vitet e fundit ka marrë akoma më shumë vëmendje për......
Yield-i i bonove 12-mujore barazon normën bazë të interesit/ Rënia e normës ul kostot e huamarrjes për sektorin privat dhe individët
Në ankandin e fundit, tregu i letrave me vlerë ka vijuar të tregojë një tendencë uljeje të yield-eve. Sipas të dhënave zyrtare, yield-i mesatar i ponderuar për......
