Vijon aksioni për “çlirimin” e hapësirave publike - Mbi 36 mijë metër katror e liruar në Tiranë. Malaj: Në fokus, sundimi i ligjit
Aksioni për lirimin e hapësirave publike nga tavolinat dhe karriget që kanë zaptuar trotuaret vazhdon me intensitet në të gjithë vendin. IKMT vijon aksionin edhe te subjektet që ushtrojnë aktivitet gomisteri, të cilat krijojnë mbetje të rrezikshme nga gomat e përdorura, ndotin mjedisin dhe zënë hapësirat publike.
Gjatë inspektimeve të kryera ditët e fundit, subjektet janë njoftuar për parregullsitë, dhe në shenjë bashkëpunimi, janë mbyllur vullnetarisht nga vetë qytetarët.
Ndërkohë, IMT Tiranë ka publikuar edhe hartën me zonat e liruara tashmë në shërbim të komunitetit, ku rezulton mbi 36 mijë m² hapësirë publike e liruar në kryeqytet. Ministri i Financave, Petrit Malaj, i cili ndoqi nga afër aksionin për lirimin e hapësirave publike dhe kthimin e tyre te qytetarët nga Lushnja, theksoi se do t’i jepet fund kaosit dhe zaptimit të paligjshëm.
“Askush nuk mund të zaptojë hapësirat publike për interesa personale, as të pengojë lëvizjen dhe funksionimin normal të jetës urbane në Lushnjë. Është e rëndësishme të ndërtohet një klimë ku të sundojë fryma e ligjit dhe ku respektohen hapësirat e përbashkëta” - tha ministri Malaj.
Kryetarja e bashkisë, Eriselda Sefa, informoi se tashmë është hartuar një plan masash, është bërë evidentimi i të gjitha ndërtimeve në të gjithë territorin.
“Janë dërguar njoftime sipas procedurave ligjore. Ftojmë qytetarët që të bëjnë vetë çmontimet, ndërsa ato me leje janë shfuqizuar me vendime zyrtare. Disa qytetarë kanë menduar se kjo do të ishte vetëm një periudhë kalimtare, por tashmë është marrë një aksion i plotë në të gjithë territorin, ku nuk do të lejohet asnjë tentativë për zaptim”- tha Sefa.
Lirimi i hapësirave publike shihet si pjesë e vizionit të qeverisë “Rilindja Urbane 2.0”. Në këtë kuadër, kryeministri Rama ka paralajmëruar hartimin e Rregullores se re Kombëtare, në të cilën do të përcaktohen me ligj hapësirat që mund të shfrytëzojë biznesi. Lirimi i hapësirave publike ka nisur në fillim të muajit korrik.
Ndërkohë prej datës 1 gusht IKMT dhe Policia e Shtetit, kanë ndërmarrë aksione konkrete për lirimin e hapësirave edhe në kufijtë e akseve kombëtare, duke respektuar rregullat dhe ligjet në fuqi për mbrojtjen e territorit.
Tarifat e Trump hyjnë në fuqi - Mbi 90 shtete përballen me masat e reja mbi eksportet në SHBA
Presidenti i SHBA-së, Donald Trump, ka vendosur në fuqi tarifat e reja ndaj më shumë se 90 vendeve në mbarë botën. “Miliarda dollarë në forme tarifash po......
Norma bazë e interesit mbetet 2.5% - Sejko: Qëndrimi aktual i politikës monetare është i përshtatshëm
Norma bazë e interesit do vijojë të jetë 2.5%. Në mbledhjen më të fundit të Këshillit Mbikëqyrës, Banka e Shqipërisë vendosi ta mbajë të pandryshuar normën......
Hyn një bankë e re në Shqipëri - Turkja “Ziraat” merr miratimin paraprak per licencim nga Banka Qendrore
Në Shqipëri do të hyjë një bankë e re. Në mbledhjen më të fundit të Këshillit Mbikëqyrës, Banka e Shqipërisë ka vendosur të jape miratimin paraprak per......
“Shpërthimi” i Shqipërisë online/ Analiza e Google Trends: Vendi ynë kampion i kërkimeve për udhëtime në rajon
Në tre vitet e fundit, Shqipëria ka përjetuar një transformim të jashtëzakonshëm në perceptimin global si destinacion turistik. Nga një vend pak i njohur në......
Rrjetat antibreshër/ AZHBR: Skema Kombëtare e Investimeve grant 50% të vlerës!
Agjencia për Zhvillim Bujqësor dhe Rural, përmes Skemës Kombëtare të Investimeve mbështet me financim fermerët për instalimin e rrjetave antibreshër në......
Aksi Qafë Thanë-Dogana Qafë Thanë/ Balluku: Punimet dhe riparimet kanë përfunduar!
Zëvendëskryeministrja njëherësh ministre e Infrastrukturës dhe Energjisë, Belinda Balluku, njoftoi se punimet për riparimin e shtresave asfaltike dhe......
Sa shqiptarë paguajnë për të pasur internet në shtëpi? - AKEP: Rreth 296 mijë individë abonohen në paketa të integruara
Kur vjen çështja tek interneti, shumë shqiptarë zgjedhin të abonohen në kompani të cilat ofrojnë si shërbimin e internetit, ashtu edhe atë të televizorit apo......
“Energjia më e lirë, ajo që nuk harxhohet” - Raporti i BB për eficiencën energjetike: Për çdo 1 USD të investuar, përfitimi shkon 3-5 USD
Banka Botërore ka publikuar së fundmi raportin mbi eficiencën e energjisë, duke theksuar se kursimi është një nga mënyrat më të leverdishme dhe të......
