Kursimet u rritën për të katërtin muaj rradhazi - Depozitat në lekë u rikthehen rënies, ndërsa ato në euro u shtuan me 2.8%
Armela Duka/SCAN
Stoku i depozitave që individët, korporatat financiare dhe jofinanciare si dhe institucionet shtetërore kanë në banka ka shënuar një tjetër rritje në gusht për të katërtin muaj rradhazi pas rënies që pësoi në prill të këtij viti.
Konkretisht, kursimet në sistemin bankar arritën në 1.33 trilionë lekë duke shënuar një rritje mujore prej 1.5% në krahasim me muajin korrik. Ndërkohë, në terma vjetorë depozitat kanë një rritje prej 3.8%, duke reflektuar një stabilitet dhe zhvillim në sektorin bankar.
Por cili prej aktorëve ekonomikë kurseu më shumë? Shifrat tregojnë se nga 596 miliardë lekë të kursyera gjithsej, rreth 56% e zënë depozitat e transferueshme ndërsa pjesa tjetër janë depozita pa afat.
Vlerën më të lartë të depozitave të transferueshme e kanë bizneset të cilët gjatë gushtit kursyen 94 miliardë lekë. Ndërsa vlerën më të lartë të depozitave pa afat e kanë individët të cilët në total kursyen 186 miliardë lekë. I njëjti trend paraqitet edhe për depozitat në monedhë të huaj.
Nga përpunimi i mëtejshëm i të dhënave nga “Scan Intel” vihet re se nëse i kategorizojmë depozitat sipas monedhës, ka ndryshime të rëndësishme në likuiditetin e sektorit bankar. Konkretisht, depozitat në fund të muajit gusht arritën vlerën e 594 miliardë lekëve, vlerë kjo 0.2% më e ulët se një muaj më parë.
Ndërkohë që depozitat në valutë janë luhatur në drejtim të kundërt duke arritur në 738 miliardë lekë, vlerë kjo 2.8% më e lartë se në muajin paraardhës. Ndërkohë nga totali i depozitave, 44.6% e tyre janë në lekë dhe pjesa tjetër në valutë të huaj.
Në një analizë vjetore, depozitat në lekë shfaqin një rritje të fortë prej rreth 9.8%, ndërsa për depozitat në valutë situata ka qenë pesimiste pasi paraqiten me një ulje prej 0.8%. Kjo tregon një tendencë të qartë të forcimit të monedhës vendase si dhe një përmirësim të kushteve ekonomike që mundësojnë kursimin më të lartë në lekë.
Mund të themi se ky ekspansion i përgjithshëm i depozitave në paranë e gjerë ka ardhur edhe si pasojë e kontributit pozitiv të shumicës së agregatëve monetarë.
Sondazh
Sa ju bindin programet ekonomike të partive për zgjedhjet e 11 majit 2025?
-
Janë të detajuara dhe të realizueshme
-
Kanë ide të mira, por mungojnë detajet e zbatimit
-
Janë premtime të parealizueshme
Kredia për ekonominë u shtua me 13 miliardë lekë në një muaj - Kjo u mbështet kryesisht nga rritja e huasë në valutë në Gusht
Xhorxhina Deda/SCAN Në vitet e fundit, ekonomia shqiptare ka përjetuar një rritje të ndjeshme të totalit të kredisë, duke reflektuar një zhvillim të......
Të shpërngulesh në Itali përgjithmonë mund të bëhet më e lehtë, nëse ligji i ri miratohet!
Edel Strazimiri / SCAN Për shtetasit jo-BE që jetojnë në Itali ose që mendojnë të lëvizin në vend, ka një lajm të mirë për marrjen e shtetësisë.......
Italia dhe Gjermania kundër propozimit për ndalimin e motorëve me djegie të brendshme!
Edel Strazimiri / SCAN Italia dhe Gjermania po mbledhin mbështetje nga anëtarët e tjerë të BE-së për një thirrje për të lehtësuar objektivat e BE-së......
Rriten ndjeshëm çmimet e metaleve të çmuara ndërsa stimuli i Fed dhe i Kinës ndez aktivitetin e tregut!
Edel Strazimiri / SCAN Gjatë dy javëve të fundit, çmimet e metaleve të çmuara dhe ato industriale kanë përjetuar fitime të forta, të nxitura nga erërat......
Si është mbyllur kjo javë për valutat kryesore?!
Dollari amerikan e ka mbyllur këtë javë në kuota relativisht konstante pas rënies së vazhdueshme që pësoi gjatë kësaj jave duke u blerë këtë të premte me......
BSH bleu 137.60 mln euro për zbutjen e mbiçmimit të lekut - Në tremujorin e dytë u zhvilluan 7 ankande, 3 prej të cilave të tipit forward
Ledina Elezi/SCAN Me qëllim rritjen e rezervës valutore, Banka e Shqipërisë ka blerë 101.60 milionë euro përmes ankandeve në tremujorin e dytë.......
IFC, rekord investimesh - Korporata Ndërkombëtare financoi 56 mld USD në vitin financiar 2024
Kristi Ceta/SCAN Investimet e degës private të Bankës Botërore arritën një rekord prej 56 miliardë dollarë në vitin financiar deri në fund të......
Hoteli i parë në botë i ndërtuar me printer 3D - Ndërtesa unike në Teksas pritet të përfundojë në vitin 2026
Kristi Ceta/SCAN Një hotel në shkretëtirën e Teksasit po ndërtohet shtresë pas shtrese me një printer 3D, që ka madhësinë e një vinçi. El Cosmico, një......
