Kreditimi “ringjallet” me vjeshtën,- Huaja për blerje banesash, rekord 6 vjeçar. Ndërtimi dhe energjia elektrike gjithashtu me rekord
Pas një kontraktimi gjatë gushtit, kryesisht si rrjedhojë e efektit sezonal, kreditimi i është rikthyer termave të rritjes gjatë shtatorit, tregojnë shifrat më të fundit të përditësuara nga Banka e Shqipërisë. Kështu, huaja e re gjatë shtatorit, për të gjitha monedhat dhe qëllimet fiksohet në 20.9 mld lekë, nga 19.8 mld lekë që ishte gjatë gushtit. Krahasuar me muajt shtator të viteve të kaluara, ky është niveli më i lartë që prej vitit 2017, kur huaja e re fiksohej në rreth 24 mld lekë, sinjalizojnë të dhënat zyrtare. Rritja vihet re në drejtim të kreditimit të sektorit privat jo financiar ashtu dhe në drejtim të individëve.
Sa i përket kreditimit të biznesit, shifrat e shtatorit flasin për 14.65 mld lekë kredi të re, për të gjitha valutat, nga rreth 14.1 mld lekë që ishte në gusht. Krahasuar me shtatorin e një viti më parë, rritja është mjaft e lehtë, ndërkohë që rezulton të jetë më e larta që prej shtatorit 2017.
Sa i përket individëve ndërkohë, huaja e re gjatë shtatorit i është rikthyer rritjes pas dy muajsh me radhë në kontraktim. Gjatë shtatorit, huaja e re për individët fiksohet në 6.31 mld lekë, nga 5.67 miliardë lekë që ishte gjatë gushtit, duke u rritur kështu me rreth 11%. Në gusht dhe korrik huaja e re binte me rreth 19% në terma mujorë. Brenda segmentit të huasë së re për individët, bie në sy ajo për blerje banese. Huaja e re për blerje banese nga individët gjatë shtatorit, në Lekë prek vlerën e 1.86 miliardëve, nga 1.66 miliardë që ishte në gusht, duke regjitriar shifën më të lartë në terma vjetorë në 6 vitet e fundit. Edhe për huanë e re për blerje banese, në euro, vlen e njëjta gjë. Ky indikator është ngjitur në 1.45 mld lekë gjatë shtatorit, nga 1.08 mld lekë që ishte në gusht, dhe ka prekur nivelin më të lartë në terma vjetorë, në 6 vitet e fundit.
Huaja e re sipas sektorëve
Sa i përket huasë së re për sipërmarrjen private sipas sektorit, vëmë re se, gjatë shtatorit, është regjistruar një rritje e ndjeshme për sektorë si: energjia elektrike, ndërtimi, informacioni dhe komunikacioni, ndërkohë që në rënie regjistrohet tregtia. Rritjen më të madhe mujore të huasë së re gjatë shtatorit e regjistron informacioni dhe komunikacioni, me mbi 10-fish. Për këtë sektor, huaja e re gjatë shtatorit ka qënë në rreth 1.25 miliardë lek, nga vetëm 103 milionë lekë që ishte në gusht. Edhe për energjinë elektrike rritja është e ndjeshme, pasi në shtator huaja e re për sektorin fiksohet në 1.28 mld lekë, nga vetëm 231 milionë që ishte në gusht, duke prekur nivelin më të lartë që prej dhjetorit të vitit 2020. Për sektorin e energjisë, kreditimi i lartë gjatë shtatorit nuk është tipik. Mesatarja e 5 viteve të shkuara flet për një shifër prej rreth 380 milionë lek, pra mbi 3 herë më e ulët. Kjo rritje duket të jetë rrjedhojë e drejtpërdrejtë e krizës që po kalon sektori energjetik në vend.
Ndërtimi është një tjetër sektor me rritje të ndjeshme të kreditimit gjatë shtatorit. Huaja e re për sektorin gjatë shtatorit fiksohet në rreth 4.3 mld lekë, nga 2.3 mld lekë që ishte në gusht. Kjo është shifra më e lartë që prej dhjetorit të vitit 2019, kur vendi vinte fill pas tërmetit shkatërrimtar të nëntorit, dhe kur kërkesa ishte mjaft e lartë. Me përjashtim të dhjetorit 2019 dhe shtatorit të këtij viti, asnjëherë më parë shifra e krediisë së re për sektorin e ndërtimit në një muaj, nuk e kishte kaluar barrierën e 4 miliardë lekëve. Kjo rritje e ndjeshme ka bërë që ndërtimi të kalojë industrinë përpunuese sa i përket sektorëve më të kredituar të ekonomisë shqiptare, për të zënë vendin e dytë në renditje, pas tregtisë, me një stok kredie prej rreth 57 miliardë lekësh, ose rreth 474 milionë euro.
Sondazh
Më shumë pasagjerë dhe mallra gjatë Shtatorit, - Rreth 1 mln pasagjerë më shumë në Janar-Shtator, krahasuar një vit më parë
Të dhënat më të fundit të Institutit të Statistikave mbi shifrat e transportit tregojnë se në muajin Shtator të këtij viti shihet një rritje e numrit të......
TVSH e brendshme “ngel në klasë” tatimet, - Rënie me 5.7% e arkëtimeve krahasuar me 2020-ën dhe 107 mln euro më pak se plani
Projekt-buxheti për vitin e ardhshëm dhe relacioni shoqërues i ligjit më të rëndësishëm vjetor të shtetit, veç asaj që pritet të ndodhë vitin e ardhshëm,......
7 koncesionet e planifikuara për 2022-shin/ “Kolaudimi” do t`i rikthehet privatit, do firmoset “Milot-Fier”, edhe siguria rrugore dhe lagjet e Elbasanit me koncesion
Projekt-buxheti i vitit të ardhshëm parashikon edhe 7 kontrata të reja koncesionare apo të skemave të partneritetit publik privat (PPP). Të 7-ta këto kontrata......
Pagat u rritën 5 herë më pak se në rajon, - Raporti i Institutit të Vienës për 2020-ën, rritja reale në vendin tonë, 0.8%. Në rajon, 4%
Pagat reale në Shqipëri gjatë 2020-ës, pra vitit të pandemisë, janë rritur me një normë prej 0.8%. Rritja reale e pagave mat rritjEn e pagave të zhveshur nga......
Shqipëri vs Gjermani, si ndryshojnë çmimet? Produktet e bulmetit dhe pijet alkoolike i paguajmë më shtrenjtë
Sipas të dhënave të Zyrës Gjermane të Statistiave (Destatis), niveli i çmimeve në Shqipëri është sa 53% e nivelit të çmimeve në Gjermani. Shifrat tregojnë se......
Çmimet u rritën më pak se në Europë, - Në Shqipëri, inflacioni në 2.6%, ndërsa në BE, 3.6%
Metodologjia e Eurostat sinjalizon një normë inflacioni në 2.6% gjatë muajit shtator të vitit 2021 në vendin tonë, ndërkohë që Istituti i Statistikave e......
Qeveria mori 150 mln euro të paplanifikuara! Vetëm nga të ardhurat tatimore deri në shtator, falë sigurimeve shoqërore dhe TVSH
Qeveria shqiptare ka mbledhur 5.8% më shumë të ardhura tatimore gjatë 9-mujorit të parë të vitit. Por si përkthehet kjo përqindje? Në 18.9 mld lekë, ose rreth......
Sa taksa i paguajmë shtetit? Mesatarisht, 86.5 euro çdo muaj, na kthehen mbrapsht vetëm 30 euro si investim
Taksat janë burimi kryesor i të ardhurave të një shteti, që shkojnë për mbarëvajtjen e administratës si dhe për shpenzime kapitale, pra investime. “Scan......
